Mumpar 21:9 - mzwDBL

⁹ Awola bɛl, Saara na Heeɡa waa le Ijipt harɛ la bie o ne Abraham aa lolɔ la kɛŋɔ, o ne o bie la aa dɛ hɛlɛ wɛɛ muɡli o baah.

Mumpar 21:9 ပူးပေါင်းရင်းမြစ်များ

Mumpar 16:1

Abram haah Sarai ta bie lolɛ tɛo. Dɛ o dɔ tolo bɛl waa ɛ Ijipt te baa yerɔ Heeɡa o do o sie,

Mumpar 16:15

Heeɡa lolɛ bibaa tɛ Abram, asɛ o pa o sɔn Ismael.

Mumpar 17:20

N no Ismael haa soŋ mɛ o waa la wa. Mɛɛ tɛo hɛɛraa dɛ́ ɡel o bii ne o naanar warɛ kohona. Mɛɛ ɛo deene fi dɛ anɛ nomonome mɛɛ, ásɛ dɛ ɡel o naanar do kan ba harɛ ta.

Mumpar 21:8

Aesek kpeɡo ba teŋo el. Awola baa teŋo el la tenten la, Abraham ɡelɔ ba ɛ kondikwaa ba kpɔ lɛ ba sie.

2 Webena 30:10

Toroma la le bela, dɛ la bwɛjen bɛlbwa ta Efrem ne Manasɛ deene harɛre ta, dɛ ka le Sebulon dea harɛ ɡe ta bwa, kɛ nɛra la mam ba dɛɛ muɡli ba baah.

2 Webena 36:16

Kɛ ba nyiŋi keamere la nyubaah, dɛ mam ba, dɛ vɛh o waa la ka tel kɛŋɔ Korowii baah aa di o nɛra nɛɛ kohona, baa wola won le a nyoa kpa.

Job Tɔn 30:1

Job teŋɔ ŋɔ, “Nɛra maa ɡwaa ba nomonome kwaraa dɛ mam mɛ taraken! Ba mɛɛnanar kwaraa n fe aa wola ban kpɔ, ba ne n nyootena daah n peera.

Yela 22:6

N ta nɛn ɛɛ kpa, n do kɛ sɔɡlɔ, nɛra baa hah mɛ, dɛɛ nyiŋi n nyubaah.

Yela 42:10

N hoɡa bwa dɛ wee mɛ, n dɔma aa dɛ muɡli n baah la wa, dɛɛ bɔɔ mɛ tɔpere bɛlbwa ŋɔ, “Leperaa Korowii haa dɛ tomɔ la dɔɔ?”

Sɛɡla 20:11

Bechala we-ɛɛla taa ba che dɛɛ jemɛ kɛ o ɛ bechadɛɛɡe.

Sɛɡla 22:10

Doŋi bammuɡli nɛn le he jwɛh, ásɛ wobobala ne naɡra ne chɛɡa bwa tonɛ.

Wiile 1:7

Jerusalam tena lii ɡɛ saŋ baa lɔ wenaale ta dɛɛ ɡaaɡe, ne kondɛɛɡa a yoɡ aa kpeɡa ba faa dɔa la. Ba dɔma aa baa yoo ba dɛ pɔ ba nɛɛ la, nomɛlbwa toole dɛ́ won ba lɛɛ ba. Ba dɔma nyiŋi ba chɔɡa la dɛɛ mam ba.

Galaasia 4:22

Korowii Tɔn ta baɡlɛ kɛŋɔ bibaala banɛɛ Abraham dɔ aa? Dɛ bibaala banɛ nɔ bɛl nya ɛ yom, asɛ nɛɛte la te nya ta yom ɛɛ.

Galaasia 4:29

A ɡɛ saŋ la, dɛ Abraham bie la waa lolɔ ɡɛ baa ne haah naa dɛ lolɛ la, dɛ o cheɡɛ onɔ la Korowii aa cheɡɛ o Domadɛɛɡe nɛɛ dɛ tɛ Abraham la nɛɛ taeh. Gɛ waa nɔ ta lole fini nɔ.

Hibru 11:36

Ba ɛ bane ɡe bahmuɡliwaa dɛ lɔɔ ba chweremi ne, dɛ do kpɛɛ bane ɡe nɔɔra, dɛ do ba dea.