Mumpar 21:7 - mzwDBL

⁷ Dɛ berɛ ŋɔ, “Dɛ nɛn ŋɔ Abraham be ŋɔ n ɡe Saara ɛɛ sɔɔh biirii yaa, ba fe aa ŋɔ n nyosone naa? Kɛ n lolɛ bibaa tɛo o banjeni saŋ.”

Mumpar 21:7 ပူးပေါင်းရင်းမြစ်များ

Aesaya 66:8

Nomɛl noɔ kɛɛ dɛ na waa nɔ dɔŋa ka aa? Baa won vɔrɔwe harɛbir tɔpebeŋkpoŋ aa? Gɛɛ loltea aa wola Saayɔnee lɔ biɡri ó na weweele mɔɔ dɛ́ lolɛ o bii.

2 Tesalonika 1:10

Awola waa ba o tɔpejen la ta ásɛ o nɛra tɛo duure la, nɛra baa yaradao la bwa ɛɛ nao dɛ́ kpɛɛro. He ɡba jao, dɛkalkɛŋɔ ya fa aa baɡle heyaa o waa la, he noɔ dɛ teŋɛ a ta.

Ɛfesos 3:10

O ɛ ɡɛ ásɛ nyundua toroma, ne kwaa aa dɔ kpeɡri bwa dɛ do Korowii be nyundua bwa pese asɔre tena waa dɛ́ jemɛ ɡɛ bwa Korowii wejema aa kana ne ɡɛ waa dɛ ɛ o toma.

Nɛra Kura 23:23

Sɔm we-ɛɛla aa won ɛ Israel tena wobɛlbwa, voɡre bɛlbwa ɡe aa ban wo. Taraken baa bol Israel tena waa ŋɔ, ‘He na waa Korowii aa ɛa tɛɛ ba.’

Yela 86:10

He kpeɡri dɛɛ ɛ nyokpowa, he ɡboo ɛ Korowii.

Yela 86:8

N Naa Korowii, voɡa nɛra aa dɛ tomɛ ta kpeɡri dɔe kɛ hen, nomɛlbwa ta he we-ɛɛla dɔŋa ɛɛ bwa.

Aesaya 49:21

Ásɛ he ba lii he nyu bini ŋɔ, ‘Ume tenee lolɛ ɡɛ bii nɔ tɛ mɛ nɔ? Dɛ n paŋɛ bii maa wola lii kɛ mɛɛ dɔ banee kpa. Ba doŋ mɛ n kaa harɛfale ta, aah umee dɛɛ bechale nɔɔ? Dɛ n ɡboo kaa, leperaa ba le ba te nɔ?’ ”

Mumpar 17:17

Anee Abraham kpɔ sie pi harɛ, asɛ dɛ mamɛ o nyu bini ŋɔ, “Amɔ baa lɛɛ won di bene lafa dɛ lolaa? Saara aa di bene fifraanuanaarɛ nɔ, amɔ o ɡe ɛɛ won lolɛ kenɛ?”

Mumpar 18:13

Belaa Korowii bɔɔ Abraham ŋɔ, “Ɛrɛɛ Saara mamɛ o nyu bini dɛ ŋɔ, ‘Mɛɛ won berɛ dɔ bie taraken maa hwɛɛhra nɔ naa?’

Mumpar 21:8

Aesek kpeɡo ba teŋo el. Awola baa teŋo el la tenten la, Abraham ɡelɔ ba ɛ kondikwaa ba kpɔ lɛ ba sie.

Jeremia 20:15

Nyotaahna lawɛ naate waa ɡela n mɛɛ no a wa, dɛ ɡel o sie lɛ dɛ ŋɔ, “Ba lolɛ bibaa tɛɛ” la.

1 Koranar 3:21

Tɔɔ aa pera chɔɔ n kpɔɔ ŋɔ o ɔr dɛ o sewɔ. Maa kpɔɔ le bochaah ta dɛ peseo la, dɛ n bie la laa.”

1 Koranar 11:20

Tapenes nime lolɛ bibaa asɛ ba pa o sɔn Genubat, asɛ Tapenes kpɔ bie la kaa koodem dɛ ka dɛɛro o ne kooro bii do bela.