Mumpar 19:24 - mzwDBL

²⁴ Buɡ la ta, Korowii chure nii ne jebɔrɔwe aa dɛ fuh le nyundua ta Sodom ne Gomoora dɛ chɔɡ ba.

Mumpar 19:24 ပူးပေါင်းရင်းမြစ်များ

Mumpar 13:10

Belaa Lɔt ha sie dɛ nyiŋi harɛ la, asɛ dɛ na ɡɛ Jɔɔdan Moo nyoa harɛ aa sɔna ka le Soar harɛ ta, dɛ do wer kɛŋɔ bela Korowii aa du daa Eden bodɛɛɡe ne Ijipt harɛ la ken. Gɛ waa nɔ chiɡo mɔɔ Korowii chɔɡ bwɛɛre ane baa dɛ yera Sodom ne Gomoora la.

Mumpar 13:12

Abram soɡe Keenan harɛ ta, asɛ Lɔt te ka baŋre o tɛnte deene deŋɡarere dor harɛ waa chɔa kaa Jɔɔdan Moo nyoa bwɛɛre ane baah ta dɛ bɛne Sodom.

Mumpar 18:17

Anee Korowii ŋɔ, “Amɔ ń kpɔ waa maa dɛ ba ɛɛ nɔ sɔh Abraham kɛɛ?

Mumpar 19:23

Lɔt aa tel bwɛɛ la ta la, dɛ wee leɔ.

Job Tɔn 1:16

Torome la nyoa taa lɔ waa la ta wɛɛ bol la, dɛ torome la bɛl ɡe balɔ dɛ ba ŋɔ, “Bwaala kɔrɔ jo ya ne kondɛɛra la bini, dɛ fuh a ne n bala la bwa. N ɡboo le a nyoa, asɛ dɛ baa bol he be la.”

Job Tɔn 18:15

Nomɛlbwa waa dɛ nyin o ka so ba deene la ta ɛɛ won ka so, kɛ bá kpɔ jebɔrɔwe merɛ a bwa bini mɔɔ.

Yela 11:6

Wɛɛ fuɡe ninhɔla, ne jebɔrɔwe niinii ta ɡɛ nɛra la nɛ, dɛ́ tɛr ba deŋne peuwɔb ne.

Kaala 9:23

Mosis aa tɛr o daŋɡbala la waa lɔ o nɔn ta la, Korowii ɡelɔ bwaala kɔr dɛɛ nyɛɡle, bɔr bwa chaah asɛ dombwea ɡe lee. Gɛɛ a do Korowii ɡel dombwea lee Ijipt harɛ.

Aesaya 1:9

Dɛ Koranar Bwa Kooro fe ta ya nɛn tamaa bane ɡelaa, ya bwa fe serewɔ kwaraa kɛŋɔ Sodom ne Gomoora tena ken.

Aesaya 13:19

Babelɔn kora wer ɡwaa bwɛɛre bwa kora, bela tena kpɔɔ dɛɛ ta nyoa. Kɛ men Korowii, mɛɛ chɔɡ kora laanee kɛŋɔ maa ɛ Sodom ne Gomoora la.

Aesaya 30:33

Korowii kwaa bobɛl cheɡ tɛ Asiiria koojen saŋ bɛl biɡri, dɛ́ fuuh. O ɛ nimar bɔr o do luŋri dɛ do paɡri, ba pa damara bil a daŋɛ chɔ. Korowii hweera ɛɛ ɛo kɛŋɔ nii ne jebɔrɔwe ken, dɛ́ ba jo daa la ta a fuh.

Jeremia 20:16

Kórowii ɛ naate ó do kɛ bwɛjena waa chɔɡa, o ta ba nɛɛ sune la ken. Ó ɡel naate ɛɛ no wii ɡbɔɡa chɔɔ, dɛɛ no laa lɔŋɔre ɡe webaŋa,

Jeremia 23:14

N berɔ na waane aa wola were kwaraa keamere baa lɔ Jerusalam ɡe nɛ. Ba dɛ bɔ jwamane dɛɛ teŋe nyosone. Ba dɛ do wechɔɡ-ɛɛra ɡbemba wechɔɡa ɛɛ ta, a ɡel nomɛlbwa aa charɛ dɛɛ le a ta. Ba wechɔɡa do kɛŋɔ Sodom ne Gomoora tena n be.”

Jeremia 49:18

Gɛ maa chɔɡ Sodom ne Gomoora ne bwɛɛre aa bara cheme la, ɡɛɛ mɛɛ ba Edom harɛ chɔɡa, ásɛ nomɛlbwa aa won so bela kpa. Men Nemenɛ Korowiirii bola.

Jeremia 50:40

Gɛ maa chɔɡ Sodom ne Gomoora ne bwɛɛre aa bara cheme la, ɡɛɛ mɛɛ ba Babelɔn harɛ chɔɡa, ásɛ nomɛlbwa aa won so bela kpa. Men Nemenɛ Korowiirii bola.

Wiile 4:6

N nɛra deŋnetɛra ɡwaa Sodom tena Korowii aa ɡela ba chɔɡa piɡ ba, nomɛlbwa aa wola wone lɛɛ ba la.

Hosia 11:8

Israel tena, ɛrɛɛ mɛɛ ba wona ɡel heya ɔ? Ɛrɛɛ mɛɛ ba wona le heyaa tɛɔ? Mɛɛ won chɔɡ heyaa kɛŋɔ Adma tena aa? Ɛrɛɛ mɛɛ ba wona chɔɡ heyaa kɛŋɔ Seboiim tena ɔ? N liire aa men ɡɛ baɡle, nyina maa dɛ nyin heyaa la kan taeh.

Emɔs 4:11

N chɔɡ he bini bane, ɡɛ maa chɔɡ Sodom ne Gomoora tena la. Dɛ he do kɛŋɔ nindaa waa lɔ nii ta n kee heyaa le, kɛ he ta berɛ ba n be. Men Korowiirii bola.

Sefania 2:9

Men Koranar Bwa Kooro Israel tena aa dɛ tom mɛ taa lole nɔ, n ŋwɛɛrɔ kɛŋɔ, Moab dɛ ba chɔɡa kɛŋɔ bwɛjen Sodom, ásɛ Amɔn ɡe chɔɡ kɛŋɔ bwɛjen Gomoora ken. Aa berɛ yar kwibɔraa, kpɔɡa le a ta, á chɔ pɛɛ saŋ bɛlbwa dɛɛ la. N nɛra baa ka laanee dɛ́ pa ba laala, dɛ́ ka kpɔ ba harɛ la so.”

Amanesoma Luk Aa Chwera Tɔn 10:12

Kasinteŋ, Sodom tena baa ɛ wechɔɡa asɛ Korowii fuuh ba la, baa bɔ ɡɛ bwɛɛ la tenaa awola Korowii aa ba dɛ́ ba pa bole la.

Mmarare 28:24

Korowii ne bwaala nɛɛ dɛ tɛ heyaa la, tutuɡ ne tɔɔ wɛɛ ba ɡela a le nyundua ba he nɛɛ kɛŋɔ bwaala aa dɛ nɛ la, ka tel kɛŋɔ he bwa aa serewa.

Mmarare 29:22

He bii ne he naanar baa ka ba ne hɔɔhra baa le bojaŋa ɛɛ na weela ne ɡɛ Korowii aa chɔɡ he harɛ nɔɔ.

Mmarare 29:23

He harɛ ɛɛ chɔɡoo komɛlbwa aa wola won le o ta. Jebɔrɔwe ne yaree dɛɛ ba chura ta o ta. Haa won du komɛlbwa, kpɔɡa kwaraa aa won le o ta. Ásɛ he harɛ la do kɛŋɔ Sodom ne Gomoora ne Adma dɛ Seboiim, Korowii aa kpɔ bandia chɔɡa la.

2 Pita 2:6

Sodom ne Gomoora tena fa aa dɛ ɛ wechɔɡa la, Korowii ŋɔ waa ɡel ba dwee ka, dɛ fuh ba ne ba bwɛɛre bwa dɛɛboo. Ba fuih chɔ le dɛɛ chaɡle waa aa ba chiɡ nɛra baa wola Korowii ɔmɛ nɛ.

Tɔn Jud Aa Chwera 1:7

Gɛɛ Sodom ne Gomoora tena ne bwɛɛre a fa aa lɔ ba jwɛɛh la tena, ɡe fa aa chɔ dɔŋa baa ne haah ŋwɛnɛdoŋ ta, aa wola were ne bola, dɛɛ chɔɡ ba te. Baa ɛ ɡɛ la, Korowii ɡelɔ nii le ba nɛ, ásɛ nɛra bwa na dɛ́ jemɛ kɛŋɔ Korowii dɛ tɛr wechɔɡ-ɛɛ deŋne nii aa wola dime bwa ne.

Wepila 14:10

onee dɛɛ ba Korowii danana nee a nyoa aa kpeɡa kohona kɛŋɔ sen baa wola komɛlbwa a ta pule la nyɔe. Wɛɛ na hɔhɔrɔwa kɛrɛdɛɛ jebɔrɔwe ninlao ta, nyundua toroma ne Pebie la sie,