Mumpar 18:32 - mzwDBL

³² Asɛ o berɛ ŋɔ, “N poori, n Dɔɔ, bɛ ɡel he baah di. N dɛ nyin n soŋe webeŋkpoŋ ɡbo ja. Dɛ nɛra fi ɡbo ɡee sɛ?” Anee o ŋɔ, “Dɛ nɛra fi ɛ nɛndɛɛɡa bwɛɛ la ta naa, maa bwɛɛ laanee chɔɡ.”

Mumpar 18:32 ပူးပေါင်းရင်းမြစ်များ

Mumpar 18:30

Ate, Abraham ŋɔ, “N poori, n Dɔɔ, bɛ ɡel he baah di, n dɛ nyin ń bol waa ja. Dɛ nɛra fifraatoro ɡee sɛ?” O ŋɔ, “Dɛ mɛɛ dɔ nɛra fifraatoro kwaraa yaa, n fe ɛɛ ɡeloo.”

Mumpar 18:31

Abraham berɛ ŋɔ, “N dɛ soŋe, n Dɔɔ, nɛnhɛla laa mɛɛ ɛɛ, kɛŋɔ maa su baah dɛ ta teŋɛ dɛɛ bol waa he be nɔ. Dɛ nɛra fifraanɛ ɡbo ɡee sɛ?” O ŋɔ, “Dɛ n dɔ nɛra fifraanɛ naa, maa bwɛɛ la chɔɡa ba.”

Mumpar 44:18

Ate, Juda suuh tel Josef, dɛ ŋɔ o be ŋɔ, “Nomoa, bɛ ɡel he baah di n nɛ. He do kɛŋɔ Ijipt kooro ɡbaɡba ken, kɛ n dɛ nyin kɛŋɔ he tɛ mɛ ŋwɛnɛ n ne he won bol wa.

Job Tɔn 33:23

Kɛ dɛ nyundua torome balɔ dɛ́ ba cha ba aa, bɛl le kaɡboŋa bini ba dɛ́ ba che tɛɛ ba, dɛ́ baɡle waa aa wera tɛ nɛwɛnyini,

Yela 86:5

N Naa Korowii, he waa wer tɛ yaa, kpɔ ya wechɔɡa dɛɛ kɛ yaa, he kpɔ he nyina aa wola jaɡa dɔe, dɛɛ nyin nɛra baa wia dɛɛ yerɛ bwa.

Kaala 32:14

Anomanta, Korowii charɛ o liire dɛ le hɔhɔrɔwa waa aah o nɛra ŋɔ o fe ɛɛ kpɔɔ ba ta ba nɛɛ laanee.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Aesaya 65:8

Korowii berɔ ŋɔ, “Gɛ nee aa lɔ ɡrepo nɔna sao ta ba yon ŋɔ, ‘He bɛ an chɔɡ, ba ta ɛɛ daa a ne senee’ la, ɡɛɛ maa wola n nɛra bwaa chɔɡ, mɛɛ lɛ banɔ la baa dɛ tom mɛɛ.

Jeremia 5:1

Korowii ŋɔ, “Jeremia, ir la ka nyiŋi Jerusalam fɔɡbaahna. Nyiŋi o bini kɛrɛdɛ dɛ́ bar, ásɛ dɛ ɡaaɡe bela nɛra aa dɛ cheme bwa. Dɛ hɛɛ won dɔ nɛmbeŋkpoŋ kwaraa o wa aa wera dɛɛ di kasinteŋ aa, mɛɛ kpɔ Jerusalam tena wechɔɡaa kɛ ba.

Maeka 7:18

N Naa Korowii yaa dɛ tomɛ, nomɛlbwa ta do kɛŋɔ hen, he kpɔ he nɛra baa kaa wechɔɡa dɛɛ kɛ ba, he nɛra baa ɛ he kapɛrɛ nɛra la. He baah diu waa, aa biɡri, he sie dɛ lɛ kɛ hɛɛ na ya sum.

Matiu 7:7

Anee Yeesu berɛ ŋɔ, “Hɛ́ɛ soŋe Korowii, wɛɛ tɛ heyaa. Hɛ́ɛ nyin he konnyina o be, hɛɛ dɔɔ. Hé swɛɛ siwi dɛɛ lɔ ɡbera, wɛɛ ya heyaa.

Ɛfesos 3:20

Hɛ́ɛ tɛ Korowii sɔn! Onee cheɡɛ o kpeɡri waa kpɔa dɛɛ ɛ toma ya bini la ta dɛ won ɛ waa aa ɡwaa ɡɛ ya fe aa liira dɛɛ soŋo la.

Sitɔɔla 6:39

Gedeɔn berɔ ŋɔ Korowii be ŋɔ, “Bɛ ɡel he baah di n nɛ. Tɛ mɛ ŋwɛnɛ ń soŋe webeŋkpoŋ ja. Gel n kpɔ pee pona nɔ daah na ja. Taraken nɔ, ɡel pee pona nɔ hol ásɛ bela aa chɔa la pweh.”