Mumpar 18:31 - mzwDBL

³¹ Abraham berɛ ŋɔ, “N dɛ soŋe, n Dɔɔ, nɛnhɛla laa mɛɛ ɛɛ, kɛŋɔ maa su baah dɛ ta teŋɛ dɛɛ bol waa he be nɔ. Dɛ nɛra fifraanɛ ɡbo ɡee sɛ?” O ŋɔ, “Dɛ n dɔ nɛra fifraanɛ naa, maa bwɛɛ la chɔɡa ba.”

Mumpar 18:31 ပူးပေါင်းရင်းမြစ်များ

Mumpar 18:27

Asɛ Abraham berɛ ŋɔ, “Kaforachɛ, a fe ta chɛɛ kɛ n maɡa nɔ dɔŋ maa ɛ nɛwɛnyini nɔ su baah che n Dɔɔ sie dɛ bol wa.

Mumpar 18:30

Ate, Abraham ŋɔ, “N poori, n Dɔɔ, bɛ ɡel he baah di, n dɛ nyin ń bol waa ja. Dɛ nɛra fifraatoro ɡee sɛ?” O ŋɔ, “Dɛ mɛɛ dɔ nɛra fifraatoro kwaraa yaa, n fe ɛɛ ɡeloo.”

Mumpar 18:32

Asɛ o berɛ ŋɔ, “N poori, n Dɔɔ, bɛ ɡel he baah di. N dɛ nyin n soŋe webeŋkpoŋ ɡbo ja. Dɛ nɛra fi ɡbo ɡee sɛ?” Anee o ŋɔ, “Dɛ nɛra fi ɛ nɛndɛɛɡa bwɛɛ la ta naa, maa bwɛɛ laanee chɔɡ.”

Matiu 7:11

Dɛ he wechɔɡ-ɛɛra nɔ kwara jemɔ dɛ kpɔ kondɛɛɡa dɛɛ tɛ he bii aa, ɛrɛ waa he Mɛɛ waa lɔ nyundua la te aa wola kondɛɛɡaa kpɔ tɛ nɛra baa dɛ soŋo wɔ?

Matiu 7:7

Anee Yeesu berɛ ŋɔ, “Hɛ́ɛ soŋe Korowii, wɛɛ tɛ heyaa. Hɛ́ɛ nyin he konnyina o be, hɛɛ dɔɔ. Hé swɛɛ siwi dɛɛ lɔ ɡbera, wɛɛ ya heyaa.

Amanesoma Luk Aa Chwera Tɔn 11:8

Kasinteŋ, dɛ a ka darame la ɡbo wa aa, o fe aa ir dɛ́ tɛɛ komɛlbwa. Kɛ haa wola kaalɛ, dɛ ta che dɛɛ soŋo la nomanta, wɛɛ tɛɛ komɛlbwa haa dɛ nyin laanee.

Amanesoma Luk Aa Chwera Tɔn 18:1

Yeesu kpɔ sɛɡla bol waa baɡle o habɔteŋra la, dɛ ŋɔ a chɛ kɛ baa soŋe Korowii saŋ bɛlbwa, dɛ bɛ bɔhwaah dɛɛ ɛ.

Ɛfesos 6:18

Hɛ́ɛ soŋo harɛ bini soŋa nɔ bwa. Hé che Korowii Domadɛɛɡe la kpeɡri ta, dɛ́ɛ soŋo saŋ bɛlbwa. He bɛ dom dɛɛ chɔ. Hɛ́ɛ soŋe Korowii saŋ bɛlbwa dɛ́ɛ tɛ o nɛra la bwa.

Hibru 4:16

Anomanta, hé ɡel ya lɔ bambile dɛ́ tel Korowii waa dɛ sune nɛra nɛɛ dɛɛ cha ba la sie. Wɛɛ na ya sumii dɛɛ cha yaa ɡɛ saŋ aa hiah yaa.