Mumpar 18:25 - mzwDBL

²⁵ N jemɔ kɛŋɔ haa pɛ kpo nɛnchɔɡa ne nɛndɛɛɡa. Akai, haa ɡɛɛ ɛ. He ɛ ɡɛ naa, nɛndɛɛɡa ne nɛnchɔɡa bwaa hɛɛ ba pɛɛ tɛr ba deŋne la. A ne he sɔn ta maɡrɛ kwaraa! He nɛn haa ba bol harɛ nɔ ta nɛra bwa waa dɛ́ pa bole la ta chɛɛ kɛ he ɛ anɔ la aa maɡraa?”

Mumpar 18:25 ပူးပေါင်းရင်းမြစ်များ

Job Tɔn 8:3

Waa aa ɛ kasinteŋ la, Korowii dɛ ɡolaa? Waa aa toɡraa Korowii Waa Ɛ Kpeɡri Bwa Dɔɔ la ɛɛ ɛ.

Job Tɔn 8:20

Kpelaa, Korowii aa nɛra ba waa aa dɔ kasinteŋ la vɛh bwa, ɡɛɛ waa wola wechɔɡ-ɛɛra ɡe cha.

Yela 58:11

Belaa nɛra ɛɛ ba ŋɔe ŋɔ, “Kasinteŋ, nɛra ba wa aa toɡra dɔ ba kembɔr, Korowii lole kpela, dɛ bol nɛra waa dɛɛ pa bole, harɛ nɔ ta.”

Mmarare 32:4

O do kɛŋɔ Bwetal dɛɛ lɛ yaa, o wobɛlbwa toɡrɔ dɛ dɔ kasinteŋ. Waa nyosone teŋe, waa aa maɡra dɛ toɡree wɛɛ ɛ.

Yela 94:2

Henee bol nɛra bwa waa dɛɛ pa bole, ir dɛ́ bɔ mbarafo tena kem ɡɛ aa chɛa.

2 Kɔrent 5:10

dɛkalkɛŋɔ ya bwa ɛɛ ba che Yeesu Kristo sie o bol ya waa dɛ́ pa bole, ásɛ bɛlbwa dɔ waa o fa aa soɡe le dɛɛ ɛ la kembɔr. Dɛ bɛlbwa we-ɛɛla wer oo, aa were oo, wɛɛ dɔ a kembɔree.

Malakae 3:18

Hɛɛ berɔ na ɡɛ nɛra ba wa aa toɡra waa aa korɛ banɔ la ba nyu bini aa kpeɡa waa ta, ne ɡɛ nɛra baa dɛ tomɛ men Korowii waa aa korɛ banɔ la baa wola men tomɛ waa ta.”

Yela 98:9

dɛkalkɛ o dɛ ba harɛ nɔ ta ba di kora. Wɛɛ ba bol harɛ nɔ ta nɛra waa dɛ́ pa bole aŋwɛnɛ ta, ne kasinteŋ ne.

Jeremia 12:1

Jeremia ŋɔ, “N Naa Korowii, saŋ bɛlbwa maa kpɔ n waa bil he sie la, he konee dɛɛ do som. Mɛɛ bol he waa bola dɛ́ pa bole aŋwɛnɛ ta waa. Ɛrɛɛ nyubinikpeɡ tena wobɛlbwa yon dɛɛ chiɡ ba kɛrɛdɛ nɔɔ? Ɛrɛɛ nɛnchɔɡa ɛɛ dɔ bosɔɔhna nɔɔ?

Wejereme 7:15

N soɡa maa soɡa aa wola mun dɔe nɔ, webele anɛ aa teŋa nɔɔ n na, nɛn o wa aa toɡra dɛ́ sewɛ o wedɛɛɡa ɛɛ wa, ásɛ nyubinikpeɡ te so dɛ́ biɡri o wechɔɡa ta.

Hibru 12:23

O binomonome o kapɛrɛ aa ku ba nɔn asɛ ba sɔna do tɔn la aa lɔ o be la ta la ɡba cheme bela. Ba ne Korowii waa dɛ ba nɛra bwa waa bola dɛ́ pa bole la, ne lala ba wa aa toɡra dɛ su o siwi, asɛ o ɡel ba ɛ nɛndɛɛɡa ka tonɛ la bwa bee he ba.

Mumpar 18:24

Dɛ nɛndɛɛɡa tel fifraanue bwɛɛ la ta naa, hɛ́ɛ chɔɡo waa? Nɛra fifraanue nɔ nomanta, haa ban ɡel aa?

Mmarare 1:16

Dɛ ŋɔ ɡɛ sitɔɔla la be ŋɔ, ‘Hé no waa aa ba he baah ta kɛrɛdɛ dɛ́ bola a toɡre, hale dɛ he Israel tena ɡbaɡba baah taa yoo, dɛ hɔɔhra he ne baa pɛa baah taa yoo,

Mmarare 1:17

he bɛ nɛra siebɔr dɛɛ nyiŋi. Hɛ́ɛ no nomɛlbwa waa kɛrɛdɛ. Bechale ne nomonome bwa, hé nyiŋi ba bwa waa bini kɛrɛdɛ. He bɛ nomɛlbwa siebɔr ɔmɛ, Korowii ɛɛ che he nɛɛ dɛ́ pa bole. Dɛ waane bola kpeɡri tɛ heya aa, bá ba a ne n sie ásɛ n bola.’

Sitɔɔla 11:27

N ta hen wechɔɡa ɛɛ, he tenee dɛɛ ɛɛ mɛ wechɔɡa, dɛ vɔrɔwe n yoi vɔrɔwa. N dɛ soŋe kɛŋɔ Korowii waa dɛ pa bole la pa waa aa lɔ Israel tena ne Amɔn tena baah ta nɔ bole fini.”

2 Webena 19:7

Hé kpɔ duure dɛɛ tɛ Korowii, dɛ́ nyiŋi kɛrɛdɛ dɛɛ bol waa aŋwɛnɛ ta, dɛkalkɛ Korowii yaa dɛ tomɔ be te, waa waa sie berɛ bole pae ta, waa nɛn siebɔr kɛɛ sen yawa nyiŋi.”

Nehemia 9:33

He waa toɡrɔ dɛ dɔ kasinteŋ kɛŋɔ he tɛr ya deŋne, a lole kɛŋɔ ya ɛ wechɔɡa.

Job Tɔn 34:10

Anomanta, hé no men Elihu be, he nɛra haa dɛ no waa mun. Nomɛlbwa jemɔ kɛ Korowii aa wechɔɡa ɛ, On Waa Ɛ Kpeɡri Bwa Dɔɔ la aa won ɛ wechɔɡa.

Wejereme 3:17

N lii n nyu bini ŋɔ, “Korowii ɛɛ ba bol nɛra ba wa aa toɡra, ne nyubinikpeɡ tena bwa waa dɛ́ pa ba bole, dɛkalkɛ wobɛlbwa ɛɛ dɔ o saŋee, we-ɛɛla bɛlbwa ɡe dɔ o tɔpere.”

Jeremia 11:20

Ate, Jeremia soŋe ŋɔ, “Koranar Bwa Kooro haa dɛ pa bole aŋwɛnɛ ta dɛɛ nyiŋi ɡɛ nɛn liire ne o bambile aa doa, tɛr ba deŋne, dɛ́ bɔ ba kem, dɛkalkɛ he nɔn taa n kpɔ n waa do.

Ɛsekeɛl 18:25

Kɛ he dɛ bol ŋɔ, men Korowii waa ta toɡrɛ. Israel tena, hé no, he dɛ lii kɛŋɔ men Korowii n waa ta toɡrɛ kɛɛ? He waa laa wola toɡraa?

Nɛra Kura 16:22

Ate, Mosis ne Arɔn kpɔ ba sie pi harɛ dɛ do lɔŋɔre ŋɔ, “N Naa Korowii, nɛwɛnyina bwa mkpa lɔ he be, dɛ nɛmbeŋkpoŋ ɛ wechɔɡa aa, hɛɛ koh a waa he baah di ɡɛ nɛra nɔ bwa nɛ aa?”

1 Webena 16:33

Ásɛ kɔr bini daa ɡe ɛɛ hɛɡre ɡɛ, saŋ Korowii aa ba di kora harɛ nɔ ta la. Wɛɛ ba bol harɛ nɔ ta nɛra waa dɛ́ pa bole.

Job Tɔn 34:12

Kpelaa, haa lii kɛ Korowii ɛɛ ɛ wechɔɡaa, On Waa Ɛ Kpeɡri Bwa Dɔɔ la aa bole pa aa ɡole.

Yela 7:12

Dɛ wechɔɡ-ɛɛra la ta ba liire charaa, Korowii ɛɛ sar o tokobii, dɛ́ harɛ o to kpa.

Yela 50:6

Kwaa aa lɔ nyundua dɛ baɡle kɛŋɔ Korowii waa toɡrɔ, dɛkalkɛ onee bol nɛra waa dɛɛ pa bole.

Yela 75:3

Dɛ harɛ jiɡro Korowii kontaala bwa ɛɛ chel aa, mɛɛ ɡeloo kwaa aa lawɔ kpoŋe la che kiŋkiŋ.