Mumpar 17:23 - mzwDBL

²³ Awola tɔpere la, Abraham lawɛ o bie Ismael ne baala baa lɔ o dem bwa, banɔ la baa ɛ yoma ne bibaala baa lol ba o dem, dɛ teŋe ba pena ɡɛ Korowii aa ŋɔ o be la.

Mumpar 17:23 ပူးပေါင်းရင်းမြစ်များ

Sɛɡla 27:1

Bɛ waa haa ɛ kere kpɔ dɛɛ bol wa, haa jemɛ ɡɛ tɔɔ aa dɛ ba he pera.

Wejereme 9:10

Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

Yela 119:60

Mɛɛ ɛ waranee maa wola hɛlɛ, dɛ́ɛ teŋɛ waa haa do mɛ a ta la.

Mumpar 34:24

Bwɛɛ la tena bwa sɛh waa Hamɔ ne o bie Sɛkem aa bola la ta, asɛ ba teŋni bwɛɛ la baala bwa pena.

Mumpar 18:19

Onee n le kɛŋɔ wɛɛ do o naanaree ba no n deŋna waa dɛɛ ɛ anɔ la aa wera, ne anɔ la aa toɡra, ásɛ n wobɛlbwa maa baɡɔ nyoa la, ń ɛ tɛo.”

Galaasia 6:15

Penteŋa ne o bɛ teŋa te ta hiaih kwaraa. Waa aa hiah laanee kɛ Korowii aa charɛ ya liire ya ɛ nɛnfala.

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

We-ɛɛla 16:3

Pɔɔl sie lɛ Timoti nɛ, asɛ wɛɛ nyin kɛ o teŋɛ o nɛ, dɛ koh Juu tena baa lɔ bela la waa dɛ teŋe Timoti pen, dɛkalkɛŋɔ dɛ ba jemɔ kɛ Grik tee o mɛɛ.

Mumpar 14:14

Abram aa noa kɛŋɔ ba lawɛ o lole dɛɛ kaa o ne la, o kpɔ o dem bonɔɔna lafraatoro fi dɛ banuatoro baa dɔ laa wejema dɛ ti ba ka tel bwɛɛ bɛl baa dɛ yerɛ bela Dan.

Mumpar 17:9

Korowii berɔ ŋɔ Abraham be ŋɔ, “He ɡe la, he ne he naanar baa ka ba la chɛ kɛŋɔ hé teŋɛ n fɔo nɔ ta.