Mumpar 17:17 - mzwDBL

¹⁷ Anee Abraham kpɔ sie pi harɛ, asɛ dɛ mamɛ o nyu bini ŋɔ, “Amɔ baa lɛɛ won di bene lafa dɛ lolaa? Saara aa di bene fifraanuanaarɛ nɔ, amɔ o ɡe ɛɛ won lolɛ kenɛ?”

Mumpar 17:17 ပူးပေါင်းရင်းမြစ်များ

Mumpar 17:18

Belaa o ŋɔ Korowii be ŋɔ, “N Naa Korowii, he fe ɡelɔ ɡɛ hɛɛra nɔ ba Ismael nɛɛ sɛ?”

Mumpar 17:3

Belaa Abram kpɔ sie pi harɛ asɛ Korowii ŋɔ o be ŋɔ,

Mumpar 18:11

A ɡɛ saŋ dɛ Abraham ne o haah Saara bwa hwɛɛhrɔ, asɛ Saara ɡarɛ dahara lee.

Mumpar 18:12

Anomanta, o mamɛ o nyu bini ŋɔ, “Taraken n ne n jaa bwa aa hwɛɛhra tonɛ nɔɔ mɛɛ ba silɛɛ kon nɔ dɔŋ dɔe yaa?”

Mumpar 21:5

Baa lolɛ Aesek la, dɛ Abraham dɔ bene lafa.

Mumpar 21:6

Anee Saara ŋɔ, “Korowii tɛ mɛ silɛɛ dɛ ŋɔ n mamɛ name, nomɛlbwa waa ba no ɡɛ waa nɔ la ɡe sie ɛɛ lɛo ó mamɛ.”

Mumpar 21:7

Dɛ berɛ ŋɔ, “Dɛ nɛn ŋɔ Abraham be ŋɔ n ɡe Saara ɛɛ sɔɔh biirii yaa, ba fe aa ŋɔ n nyosone naa? Kɛ n lolɛ bibaa tɛo o banjeni saŋ.”

1 Webena 21:16

Kooro Devid ha sie nyiŋi dɛ na Korowii nyundua torome la kɛŋɔ waa cheɡɛ harɛ ne nyundua baah, dɛ pamɛ kere pa Jerusalam dɛɛ ba o chɔɡa. Dɛ Kooro Devid ne o nomonome tɔ lweyale, ba cholo dɛ kpɔ sie pi harɛ.

Job Tɔn 1:20

Job aa no ɡɛ la, o ir che dɛ laa o batakaare kɛɛ, a baɡle kɛ o loo kuu, dɛ fonɛ o nyu. Ate, dɛ chɔ kpɔ sie pi harɛ, dɛ jam Korowii,

Ɛsekeɛl 1:28

Gɛ bwaala deŋɡare yon le baama ta bɔr chaah la, ɡɛɛ bɔr waa chaahna bar kookara la do. A dɛ baɡle ɡɛ Korowii jirima aa doa. Maa nao la, n cholo dɛ kpɔ sie pi harɛ, asɛ dɛ no taa bɛl.

Daneɛl 8:17

Ate, Gebreɛl ba che bɛne bela maa cheɡa la, asɛ n ɔmɛ kohona dɛ chole kpɔ sie pi harɛ. Anee o ŋɔ n be ŋɔ, “Nɛwɛnyini bie, n dɛ nyin he jemɛ kɛŋɔ wepila nɔ mun dɛ baɡle waa bwa jaɡa saŋ wa.”

Lewi Dea Tena 9:24

Belaa Korowii ɡel nii le dɛ ba fuh saraha kwaa la ne a noorare la bwa nyaam ken saraha kon la ta. Nɛra la bwa aa naa la, ba kpɔ silɛɛ dooɡe lɔŋɔre dɛ ɡuŋi dɛ kpɔ sie piiɡi harɛ.

Nɛra Kura 14:5

Belaa Mosis ne Arɔn kpɔ ba sie pi harɛ Israel tena baa chema la bwa sie.

Nɛra Kura 16:22

Ate, Mosis ne Arɔn kpɔ ba sie pi harɛ dɛ do lɔŋɔre ŋɔ, “N Naa Korowii, nɛwɛnyina bwa mkpa lɔ he be, dɛ nɛmbeŋkpoŋ ɛ wechɔɡa aa, hɛɛ koh a waa he baah di ɡɛ nɛra nɔ bwa nɛ aa?”

Nɛra Kura 16:45

“Hé laa he te kpɔ ɡɛ nɛra nɔ bini, ásɛ n won kpoo ba buɡ nɔ ta ba waa tonɛ.” Asɛ Mosis ne Arɔn kpɔ ba sie pi harɛ dɛ soŋe Korowii.

Matiu 2:11

Ba jo dem bela, dɛ ka na bie la ne o nya Mɛɛre. Ba kaa ɡuŋi bie la, dɛ duuru dɛ pur ba bone, dɛ kpɔ suuɡaswɛm ne daawiile ane a sɔɔh aa soma baa yera fraŋkensɛns ne korobo tɛ bie la.

Amanesoma Luk Aa Chwera Tɔn 1:18

Belaa Sekaria bɔɔ nyundua torome la ŋɔ, “Ɛrɛɛ hɛɛ ba ɛɛ n jemɛ kɛ ɡɛ waa nɔ ɛ kpela ɔ? Dɛkalkɛŋɔ n ne n haah bwa hwɛɛhrɔ.”

Amanesoma Jɔn Aa Chwera Tɔn 8:56

He nabaa Abraham sie lɛo wɛɛ tamane n bala wa. O nao o baah sɔɔhno.”

Mmarare 9:18

Asɛ n berɛ chole dɛ kpɔ n sie pi harɛ Korowii sie tɔpera fifraanaarɛ webaŋa ne jwaana ɡɛ n fa aa kaa di bwejen la ta la. Dɛ maa kwaa di maa nee ɡe nyɔ, he wechɔɡa haa ɛ Korowii o baah di la nomanta.

Mmarare 9:25

Anomanta, n kpɔ n sie pi harɛ Korowii sie ɡɛ tɔpera fifraanaarɛ la ta webaŋa ne jwaana bwa, dɛkalkɛŋɔ n nao kɛŋɔ o dɛ nyin o chɔɡ heya.

Josua 5:14

Asɛ baa la chaŋe ŋɔ, “N toole a bɛlbwa bini, Korowiirii lee mɛ ŋɔ ń ba tɔ o laa tena sie, asɛ n ba nɔ.” Ate, Josua ɡuŋu dɛ duuru ŋɔ, “N dɔɔ, bɔkwaa hɛɛ nyin kɛ he bonɔɔ ɛ tɛɛ nɔ?”

Josua 7:6

Ate, Josua kɛɛ laala waa doa la, dɛ kpɔ sie pi harɛ Korowii Ne Nɛwɛnyina Fɔo Daka la sie, dɛ chɔ bela ka tel jɔmɔra. Israel nomonome la ɡe ɛ ɡɛ, ba ne Josua bwa ɛ teera do ba nyuune ta a baɡle kɛŋɔ ba loo kuu.

Wepila 11:16

Asɛ nomonome fifraanɛ dɛ banaarɛ baa soɡe ba kookane ta Korowii sie la ir, dɛ ɡuŋi dɛ kpɔ sie pi harɛ dɛɛ duuru,

Wepila 5:8

Waa lɛ tɔn la, hweera kwaa anaarɛ la ne nomonome fifraanɛ dɛ banaarɛ la, ɡuŋi Pebie la sie dɛɛ duuru. Bɛlbwa ne o janjela ne o suuɡaswɛm loɡ, asɛ daawiile baa dɛ fuah a sɔɔh do som la do ba loɡa la bini. Konsɔɔhsoma la cheɡɔ tɛ Korowii nɛra ba wa aa toɡra wesoŋa.

Sitɔɔla 13:20

Ninlao le kon baa dɛ ɛ saraha o ta la ta, dɛ hɔ dɛɛ kaa nyundua, asɛ Korowii nyundua torome la kpɔ ninlao la bini kaa nyundua. Manoa ne o haah aa na ɡɛ waa nɔ la, ba cholo dɛ kpɔ sie pi harɛ.