Mumpar 14:20 - mzwDBL

²⁰ Nemenɛ Korowiirii dɔ jam kɛŋɔ waa ba he dɔma ne harɛ asɛ he tiɡri ba nɛɛ nɔ.” Asɛ Abram bɔne koŋkwaare waa kaa lɛ o dɔma la be la bini bɔre fi, dɛ kpɔ bɔrbeŋkpoŋ tɛ kooro Mɛlkesɛdɛk.

Mumpar 14:20 ပူးပေါင်းရင်းမြစ်များ

Mumpar 14:21

Belaa Sodom kooro ŋɔ Abram be ŋɔ, “Kpɔ n nɛra tɛ mɛ dɛ́ kpɔ laala la bwa.”

Mumpar 24:27

dɛ ŋɔ, “Korowii n dɔɔ Abraham aa dɛ tomɛ, jam kɛŋɔ haa dɔ kasinteŋ dɛ teŋɛ dɛɛ nyin n dɔɔ nɔ. Asɛ dɛ kpɔ n naa andɛɛɡa ba n dɔɔ lolanar buse nɔ.”

Mumpar 28:22

Bwe maa kpɔa pa dɛ kpɔ dɛɛ liiri nɔɔ dɛɛ ba he torome bɔr ɛɛ. Ásɛ komɛlbwa ɡe haa tɛ mɛ la, bɔre fi bɛlbwa la, mɛɛ tɛɛ bɔrbeŋkpoŋii.”

Mumpar 47:24

A ɡɛ saŋ a koma aa ba tel la, a chɛ kɛ he bɔne a bini bɔre anue, dɛ́ kpɔ bɔrbeŋkpoŋ ba tɛ kooro. Ásɛ dɛ ɡe kpɔ a kar, dɛ́ kpɔ ane ɛ dwee cheɡ, ásɛ he ne he dem tena ɡe di a kabora.”

Mumpar 47:26

Anomanta, Josef ɛ mmara harɛ la ta kɛŋɔ nomɛlbwa komɛ o koo kwa aa, ó bɔne a bini bɔre anue, dɛ́ kpɔ bɔrbeŋkpoŋ ba tɛ kooro. A ɡɛ mmara la ta lɔ Ijipt harɛ ta ba le fini. Nemenɛ harɛ waa ɛ sɔfore kon la ɡboo wola jae.

Mumpar 9:26

Asɛ o berɛ ŋɔ, “Hé kpɛɛ Korowii Sɛm aa dɛ tomɔ, Keenan ɛɛ tomɛ Sɛmii.

2 Samoɛl 18:28

Ate, Ahimas kpɔ silɛɛ yerɛ kooro ŋɔ, “Wobɛlbwa maɡrɔ.” O ɡuŋi kooro sie dɛ kpɔ duure tɛo dɛ ŋɔ, “Korowii haa dɛ tomɔ laanee dɔ jam! O ɡelɔ he pɔ nɛra baa ɛɛ dɔm la nɛ!”

2 Webena 31:12

Asɛ ba pa koŋkɛɛla la ne kwaa baa bɔne a bini fi, dɛ kpɔ bɔrbeŋkpoŋa ba, dɛ kwaa baa lea cheɡ tɛ Korowii la cheɡ bela. Ba kpɔ Lewi dea te bɛl baa dɛ yerɔ Konania ɛ nomoa ŋɔ wɛ́ɛ nyiŋi a ta, asɛ o nime Simee ja o nɛ.

Nehemia 10:37

Yaa kpɔ ya kondikonloɡlaa la Korowii yaa dɛ tomɔ la Dea, bela baa dɛ cheɡ kwaa la, dɛ́ kpɔ ka tɛ sɔfore la, ya mendɛɛɡa ne mea sarahare, ne ya daa nɔna, ne senfala dɛ ɔleve no. Yaa bɔne komɛlbwa aa le ya kooni ta bɔre fii, dɛ́ kpɔ bɔrbeŋkpoŋ ka tɛ Lewi dea tena la, dɛkalkɛ banee dɛɛ lɛa ya bwɛɛre bwa ta.

Nehemia 13:12

Asɛ Juda tena la bwa berɛ pa mun dɛɛ ba ba kwaa baa bɔne a bini bɔre fi bɔrbeŋkpoŋa kɛŋɔ, mea ne senfala dɛ ɔleve noo ne, dɛ kpɔ baa cheɡ deene aa lɔ Korowii Dea la bini ja.

Yela 144:1

N dɛ kpɛɛ Korowii, onee do kɛ Bwetal, n chwa baa marɔ. Onee chaɡ mɛ n jemɛ laa yoi.

Yela 44:3

Ba tokobie ne laa ba yo lɛ harɛ la, kɛɛ ba ɡbaɡba bokpeɡa ne laa, he ɡbabir kpeɡri nee, dɛkalkɛ he baɡ ba nyoa ŋɔ, he ja ba nɛ, dɛɛ nyin ba.

Yela 68:19

Ya kpɛɛ Korowii yaa dɛ tomɔ, onee ya Lɛɛ la. Tɔpere bwaa wɛɛ nyiŋi ya nɛ, ya waa bwa dawɛ o nɛ.

Kaala 18:10

Asɛ Jetro ŋɔ, “Korowiirii dɔ jam kɛŋɔ waa lɛ heyaa le Ijipt tena ne ba kooro nɔn ta.

Emɔs 4:4

Korowii ŋɔ, “Israel tena, he dɛ nyin aa, hé ir kaa Bɛtel, bela haa dɛ tom mɛ la, ka ɛ wechɔɡa. Hé kaa Gelɡal ɡe ka ɛ wechɔɡa kohona. Hé kpɔ saraha kwaa kaa tɛ chɔɔ bɛlbwa, dɛ́ bɔne kwaa haa dɔa bini bɔre fi, dɛ́ kpɔ bɔrbeŋkpoŋ kaa tɛ tɔpera atoro bɛlbwa.

Malakae 3:10

Kwaa haa bɔne a bini bɔre fi la, hé kpɔ bɔrbeŋkpoŋ ba tɛ men Korowii n Dea, ásɛ kondikwaa warɛ n Dea bela. Hé daah mɛ ɡɛ waa nɔ ta dɛ́ na, ásɛ n ɡel bwaala nɛ kohona, dɛ́ swee heyaa andɛɛɡa, dɛ́ ɡel kondikwaa warɛ he deremi kohona.

Malakae 3:8

N dɛ bɔɔ heyaa ŋɔ a wer kɛŋɔ nɛn ŋwɛ men Korowii aa? Kɛ he dɛ ŋwɛɛ mɛ. He dɛ bɔɔ ŋɔ, ‘Bɔkwa taa yaa ŋwɛɛ nɔ?’ Kwaa haa bɔne a bini bɔre fi, dɛ kpɔ bɔrbeŋkpoŋ baa tɛ mɛ, ne saraha kwaa taa hɛɛ ŋwɛɛ mɛ.

Nɛra Kura 28:26

Awola haa kpɔ mefala dɛɛ ba dɛ́ ba tɛ Korowii la, a ɡɛ Koo Kondikwaa Koma Tɔpejen la dii ta, hé cheme dɛ́ tomɛ Korowii dɛ bɛ toma bɛlbwa ɛ.

Amanesoma Luk Aa Chwera Tɔn 18:12

N dɛ vɔwɛ nyoa tɔpera anɛ yawanyoa bɛlbwa ta, dɛɛ bɔne kwaa maa dɛ dɔ bwa bini bɔre fi dɛ kpɔ beŋkpoŋ dɛ baa tɛ hen Korowii.’

Tɔn Pɔɔl Aa Chwerɛ Rom Tena 15:16

dɛ kpɔ o toma nɔ do n nɔn ta ŋɔ mɛ́ɛ baɡle nɛra baa wola Juu tena ɛɛ la, a waa n won di heyaa kasinteŋ ɡɛ la. Maa dɛ bol Yeesu Kristo Amanesoma la dɛɛ baɡle he nɛra haa wola Israel tena ɛɛ la, n kpɔ n te ɛ kɛŋɔ Sɔfo waa lɛ nɛra kwaa ɛ saraha dɛɛ tɛɛ ba Korowii Dea bini la. N dɛ nyin he no a waa dɛ yaradaa, ásɛ Korowii Domadɛɛɡe won laa he doŋa kpɔ he nɛ, ásɛ he ɛ Korowii nɛra. Belaa ń won kpɔ heyaa tɛ Korowii kɛŋɔ baa ɛ saraha dɛɛ tɛo la, ásɛ he waa su o siwi o lɛ heya.

Ɛfesos 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii, dɛkalkɛŋɔ o cha yaa wedɛɛɡa la bwa aa le o Domadɛɛɡe be la ta, asɛ yaa na som o be nyundua, pɛɛ ya ne Yeesu Kristo aa pɛa la wa.

Mmarare 12:17

Komɛlbwa haa wola kpɔe tɛ Korowii la, hé dia bela haa soɡa, nemenɛ he mea bɔre fi bini bɔrbeŋkpoŋ, he sen bɔre fi bini bɔrbeŋkpoŋ, ɔleve noo bɔre fi bini bɔrbeŋkpoŋ, ne he nae ne peera biloɡla, dɛ he nyobaɡa kwaa ne he bambile bini kwa, dɛ saraha bɛlbwa aa jaa.

Mmarare 14:23

Hé kpɔ he mea ne sen ne ɔleve noo haa bɔne a bini bɔre fi la bɔrbeŋkpoŋ, ne nao ne pee dɛ booh biloɡla kaa bela Korowii aa lea tɛ heyaa ŋɔ he tomɔ la, ásɛ dɛ ka dia o sie bela. Hɛ́ɛ ɛ ɡɛ dɛ́ che a ta dɛ́ɛ duu Korowii saŋ bɛlbwa.

Mmarare 14:28

Bene atoro bɛlbwa ta la, he bɔne he koo kwaa bini bɔre fi, dɛ́ kpɔ bɔrbeŋkpoŋ cheɡ he bwɛɛre ta bela baa dɛ cheɡ kwa.

Josua 10:42

Josua ne o laa tena kaa yo a ɡɛ koranar nɔ ne ba nɛra, dɛ ba harɛre la teŋɛ dɔŋa nɛ, dɛ pɔ ba nɛ. Korowii Israel tena aa dɛ tomɔ laanee yoa tɛɛ ba.