Mumpar 14:17 - mzwDBL

¹⁷ Waa kaa yo Kooro Kedolaoma ne koranar baa ja o nɛɛ tonɛ la, o berɔ ba. O bala bini la, Sodom kooro kaa chemo fɛlembɔjen Savɛ ta. O sɔn bɛl ɡee Kooro Fɛlembɔjen.

Mumpar 14:17 ပူးပေါင်းရင်းမြစ်များ

Mumpar 14:1

A kaa ba kɛŋɔ koranar banaarɛ banee lole. Ba sɔnaa nɔ. Amrafɛl waa ɛ Babelɔn kooro ne Areɔk waa ɛ Elasar kooro, ne Kedolaoma waa ɛ Elam kooro dɛ Tidal waa ɛ Goiim kooro.

Mumpar 14:10

Dɛ Sidim Fɛlembɔjen la ɛ bɔɔne bɔɔne kootal su o bwa nomanta, Sodom kooro ne Gomoora kooro ne ba nɛra aa chwaa dɛɛ kaa la, ba bini bane kaa lee bɔɔne la bini asɛ koranar batoro la ɡe ne ba nɛra la chwa kaa bwejena la dor.

Mumpar 14:5

Asɛ bene fi dɛ anaarɛ ta la, Kedolaoma ne koranar bane baa ja o nɛɛ ka yo Refa tena baa lɔ Astarɔt Kanaim, ne Susi tena baa lɔ Ham, dɛ pɔ ba nɛ. Dɛ berɛ yo Emi tena ba harɛ bɛl waa chɔa dɛ kaa baa yerɛ bela Kiriataim ta dɛ pɔ ba nɛ.

2 Samoɛl 18:18

Absalɔm fa aa soɡe le la, o ma komɛl dɛ kpɔ tɛ o te ba kpɔ dɛɛ liiru bobɛl baa dɛ yerɔ Kooro Fɛlembɔjen ta. O liiro ŋɔ, “N ta bibaa lolɛ á che o nɛɛ ń dɔ sɔn.” O kpɔ kon la sɔn pa o te, anomanta, ba le fini ba dɛ yerɛ kon la Absalɔm Kon Baa Kpɔ Dɛɛ Liiru.

Sɛɡla 14:20

Nyaa dɔŋ kwaraa laa sie dɛɛ kpɔ o nɛ, suuɡatee dɔ chamene tena warɛ.

Sɛɡla 19:4

Dɔɔh daamanaree dɛɛ warɛ, nyaa daamanaree yon chwao.

Hibru 7:1

A ɡɛ Mɛlkesɛdɛk nɔ, dɛ Salɛm kooroo on, asɛ o ɛ Nemenɛ Korowii Sɔfo. A saŋ la Abraham aa le laa waa kaa yo dɛ pɔ koranar banaarɛ bane nɛɛ dɛɛ ba la, Mɛlkesɛdɛk chemo dɛ swee andɛɛɡa tɛo.

Sitɔɔla 11:34

Jɛfta aa bera dɛɛ ba o dem Mispa la, dɛ o bihaahnee lea ba chemo, dɛ yiiɡi kwaa kɛŋɔ loŋa dɛɛ sa. Dɛ o ɡbosoroo ɛ o bie. O ta bie bɛlbwa dɔe kpa.

1 Samoɛl 18:6

Devid aa kpo Goliat asɛ laa tena la berɛ dɛɛ kaa dem la, haahna le Israel bwɛɛre bwa ta ba cheme Kooro Sɔɔl. Ba yiiɡi loŋa, dɛ lɔ janjela silɛɛ ne dɛɛ sa.