Mumpar 14:15 - mzwDBL

¹⁵ Bɔr aa joa la, Abram bɔne o bonɔɔna la bini kuore ta, asɛ ba ka yo nɛra la dɛ pɔ ba nɛ. Ba doŋ ba ɡɛ naaa dɛ ka tel bobɛl baa dɛ yerɛ bela Hoba waa lɔ Damaskɔs weekaŋle nyunduabɔr.

Mumpar 14:15 ပူးပေါင်းရင်းမြစ်များ

Mumpar 15:2

Anee Abram ŋɔ, “Nemenɛ Korowii, bɔkwa konee hɛɛ ba kpɔe tɛ mɛ ó ɡwaa kɛŋɔ maa wola bie lolɛ bwa nɔɔ? N bonɔɔ Eliesa waa le Damaskɔs laanee dɛɛ ba n kapɛrɛ dii.

1 Koranar 15:18

Kooro Asa kpɔ suuɡapoŋa ne suuɡaswɛm bwa aa kaa, dɛ do deene baa kpɔ kwaa a yoɡ aa kpeɡa dɛɛ cheɡ koodem bela, dɛ Korowii Dea la tomɛ nomonome ba kpɔ ka tɛ Kooro Bɛn Hadad. Dɛ Kooro Hadad mɛɛ sɔne Tabrimɔn, o nabaa ɡe ɛ Aram Kooro Heseɔn dɛɛ di kora Damaskɔs.

Yela 112:5

Nomɛlbwa waa ta tea dɛɛ kemɛ o bala suuɡa dɛɛ di kasinteŋ o toma ta la, o na som.

Aesaya 17:1

Waa aa chiɡ bwɛjen Damaskɔs Korowii bol baɡle Aesaya chaahna ta laanee nɔ. “Damaskɔs aa bwɛjen ɛɛ ba kpa, wɛɛ ba chɔɡoo dɛ́ berɛ dimɡbia chɔ.

Aesaya 7:8

Damaskɔs laa Siiria harɛ bwɛjen aa? Kooro Resin ɡee Damaskɔs nyu te. Onee umeo? Bonɔ bene fifraanumɛl dɛ anue dɛ Israel harɛ paɡrɔ, waa bwɛbirii tel kpa.

Jeremia 49:23

Korowii bol bwɛjen Damaskɔs tena waa dɛ ŋɔ, “Bwɛjena Hamat ne Aapad tena liire chɔɡɔ, dɛkalkɛ ba ta amanesoma noɛ. Ba bambile dɛ wure kɛŋɔ mpo nehɛma aa taa dɛɛ kaa bobɛlbwa ken.

Ɛsekeɛl 27:18

Damaskɔs tena ne he di bona kwaa haa dɔa kohona la wa. Ba kpɔ sen le Hɛlbɔn, dɛ pee pona ɡe le Saha ba charɛ laala he be.

Ɛsekeɛl 47:16

ne bwɛjena Bɛrɔta ne Sibraim aa lɔ bwɛjena Damaskɔs ne Hamat jwɛh ta, dɛ́ kpoŋe kaa bwɛjen Hasa Hatikon, o ɡe aa lɔ Hauran jwɛh ta.

We-ɛɛla 9:10

Dɛ asɔre te bɛl lɔ Damaskɔs baa yerɔ Ananias. O noɔ kɛŋɔ Yeesu aa dɛ yerɔ chaahna ta ŋɔ, “Ananias!” Asɛ o sɛh ŋɔ, “N Dɔɔ, menee la.”

We-ɛɛla 9:2

dɛ ka soŋo ŋɔ ó tɛo o nɔn bini tɔn ásɛ o kpɔ ɡaaɡe bwɛɛ la baa dɛ yerɔ Damaskɔs la cheremi deene ta, ásɛ dɛ o na Yeesu ŋwɛnɛfale tena la bɛlbwa naa, baalee yoo, haahnee yoo, ó laɡ ba dɛ́ vɔɡ ba, dɛ́ kpɔ ba ba Jerusalam.

We-ɛɛla 9:8

Sɔɔl iro che dɛ pili sie, kɛ dɛ waa na, asɛ ba lawɔ daa ba Damaskɔs.

Mmarare 15:2

Kenii chɛ kɛŋɔ he ɛ. Nomɛlbwa o dɔŋ Israel te aa kemɛ suuɡa o be la, a chɛ kɛŋɔ ó ɡel á ta. O bɛ suuɡa la lɛ kpa bwa. Korowii ɡbabirii tɛ ɡɛ ŋwɛnɛ la.

Sitɔɔla 7:16

O bɔne o laa tena lafraatoro la bini kuore atoro, dɛ kpɔ bɛla ne vii kapɛla aa lɔ o bini dɛɛ hɔ tɛ bɛlbwa.