Mumpar 13:11 - mzwDBL

¹¹ Lɔt kpɔ deŋɡarere doa harɛ waa chɔa kaa Jɔɔdan Moo nyoa la te bwa, asɛ dɛ kpɔ sie chaɡɛ wee leebɔr pera. Gɛɛ a do ba nɛra banɛ la peɡri dɔŋa baah.

Mumpar 13:11 ပူးပေါင်းရင်းမြစ်များ

Mumpar 13:10

Belaa Lɔt ha sie dɛ nyiŋi harɛ la, asɛ dɛ na ɡɛ Jɔɔdan Moo nyoa harɛ aa sɔna ka le Soar harɛ ta, dɛ do wer kɛŋɔ bela Korowii aa du daa Eden bodɛɛɡe ne Ijipt harɛ la ken. Gɛ waa nɔ chiɡo mɔɔ Korowii chɔɡ bwɛɛre ane baa dɛ yera Sodom ne Gomoora la.

Mumpar 13:12

Abram soɡe Keenan harɛ ta, asɛ Lɔt te ka baŋre o tɛnte deene deŋɡarere dor harɛ waa chɔa kaa Jɔɔdan Moo nyoa bwɛɛre ane baah ta dɛ bɛne Sodom.

Mumpar 13:14

Belaa Abram ne Lɔt aa peɡri dɔŋa baah la, asɛ Korowii ŋɔ Abram be ŋɔ, “Che bela haa lole nɔ, dɛ́ nyiŋi he sie ne habɔɔ, he diɡ ne ɡal.

Mumpar 13:9

Anomanta, ya peɡri dɔŋa baah. Nyiŋi harɛ nɔ waa chɔa kaa nɔ bwa, ásɛ dɛ kpɔ baŋ bela bwa waa wera he be, ásɛ he do baŋ bɛl, ń ɡe do baŋ bɛl.”

Mumpar 19:17

Belaa Korowii toroma la bini bɛl ŋɔ ba be ŋɔ, “He chwa dɛ́ lɛ he nyu. Bɛlbwa bɛ ke nyiŋi. He bɛ deŋɡarere doa harɛ waa chɔa kaa la ta che, he chwa kaa deŋɡarere dor, dɛ́ dɔ he nyu.”

Yela 119:63

N kpɔ nomɛlbwa waa dɛ tomɛ la ɛ n dam, nɛra baa dɛ teŋɛ he Mmarare ta bwa.

Yela 16:3

Korowii nɛra ba wa aa toɡra harɛ nɔ ta la, ba waa wer n be kɛrɛdɛ, asɛ n bwara ɛɛ sɔɔh mɛ ba waa taeh.

Sɛɡla 27:10

Bɛ he chamenate kɛɛ he mɛɛ chamenate chwa. He dam waa bɛne la ɡwaa lole waa lɔ bojaŋ, anomanta, dɛ waane pui naa, haa won la he lole be ŋɔ ó chae.

Ɛsekeɛl 47:18

O wee leebɔr jwɛh la ɛɛ chɔɔ le Hauran ne bwɛjen Damaskɔs baah ta, dɛ́ kpɔ Jɔɔdan Moo nyoa, Gelead ne Israel harɛ baah ta, dɛ́ kpoŋe kaa Yar Mpo ta, dɛ́ kaa bwɛɛ bɛl baa dɛ yerɔ Taama. Onɔ ɡee wee leebɔr jwɛh la.

Hibru 10:25

ásɛ dɛ bɛ chema yaa dɛ cheme saŋ bɛlbwa la ɡel, kɛŋɔ bane aa ɡela la. Waa bwa jaɡa tɔpere la dɛ tel, anomanta, hɛ́ɛ do dɔŋa ɡbemba.

1 Pita 2:17

Hɛ́ɛ tɛ nomɛlbwa duure, dɛɛ nyin he bala baa dɛ yarada Yeesu Kristo la. Hɛ́ɛ ɔmɛ Korowii, dɛ́ kpɔ duure dɛɛ tɛ he harɛ bwa nyu te.