Mumpar 13:10 - mzwDBL

¹⁰ Belaa Lɔt ha sie dɛ nyiŋi harɛ la, asɛ dɛ na ɡɛ Jɔɔdan Moo nyoa harɛ aa sɔna ka le Soar harɛ ta, dɛ do wer kɛŋɔ bela Korowii aa du daa Eden bodɛɛɡe ne Ijipt harɛ la ken. Gɛ waa nɔ chiɡo mɔɔ Korowii chɔɡ bwɛɛre ane baa dɛ yera Sodom ne Gomoora la.

Mumpar 13:10 ပူးပေါင်းရင်းမြစ်များ

Mumpar 11:27

Kenii Tɛɛra bwara waa do. Onee lolɛ Abram ne Neehɔ dɛ Haaran. Asɛ Haaran ɡe aa kpeɡa la, o lolɛ Lɔt.

Mumpar 13:11

Lɔt kpɔ deŋɡarere doa harɛ waa chɔa kaa Jɔɔdan Moo nyoa la te bwa, asɛ dɛ kpɔ sie chaɡɛ wee leebɔr pera. Gɛɛ a do ba nɛra banɛ la peɡri dɔŋa baah.

Mumpar 13:9

Anomanta, ya peɡri dɔŋa baah. Nyiŋi harɛ nɔ waa chɔa kaa nɔ bwa, ásɛ dɛ kpɔ baŋ bela bwa waa wera he be, ásɛ he do baŋ bɛl, ń ɡe do baŋ bɛl.”

Mumpar 14:2

Ba nyoa pɛo ba yo koranar banue bane. Banee nɔ. Sodom Kooro Bɛra, ne Gomoora Kooro Birsa ne Adma kooro Sinab ne Seboiim kooro Sɛmɛba dɛ Bɛla kooro. Bɛla nɔ sɔn bɛl ɡee Soar.

Mumpar 14:8

Belaa Sodom kooro ne Gomoora kooro, ne Adma kooro ne Seboiim kooro, dɛ Bɛla baa bera dɛɛ yerɔ Soar kooro bwa boa ba laa tena nyoa, dɛ kaa Sidim Fɛlembɔjen ta ka yo

Mumpar 3:6

Dɛ haah la nao kɛŋɔ daa la nɔn la ɡe wer siwi ta dɛ do wer ne dii, dɛɛ tɛ wejema ɡe ja. Anomanta, o haŋrɔ kahonɛ dɛ cha ane di, dɛ kpɔ ane ka tɛ o jaa ɡe o di.

Mumpar 47:6

Ijipt harɛɛ chɔa kaa la. Harɛ la bela waa wera la, kpɔ he mɛɛ ne he dɔɔranar ka so o ta. Dɛ he nyiŋi ba bini dɛ na kɛŋɔ bane ɛɛ won nyiŋi kondɛɛra ta kɛrɛdɛ naa, kpɔ n ɡbaɡba kondɛɛra la do ba nɔn ta.”

Mumpar 6:2

belaa nyundua nɛra la aa naa kɛŋɔ harɛ nɛra la bihaahna la wer la, ba kpɔ ba bini bane mo, asɛ ba ne ba so.

1 Koranar 7:46

Jɔɔdan Moo deŋɡarere dor harɛ waa chɔa kaa dɛ do Sukot ne Saretan baah ta chooh ba kpɔ, dɛ charama ɛ komɛlbwa baa dɛ nyin dɛ fora bɔɔ, asɛ dɛ kpɔ ayaawa ɛ a bini.

Job Tɔn 40:23

Hale Jɔɔdan Moo suu ba tɔ o nɛɛ kwaraa naa, waa ɔmɛ.

Yela 107:34

dɛ ɡel harɛ waa wera berɛ harɛ komɛlbwa aa wola won do wer o ta, nyubinikpeɡ tena ba fa aa soɡe bela la wa.

Aesaya 15:5

N bambile dɛ wee mɛ Moab tena wa. Nɛra baa soɡe harɛ la ta chwao kaa Soar, hale dɛ ka tel Eɡlat Sɛleseya. Bane teehnɔ kaa Luhit, baa dɛ kaa la bwa, dɛ ba ne wii. Bane chwao kpɔ Horonaim ŋwɛnɛ dɛɛ wi ba chɔɡa wa.

Aesaya 51:3

Jerusalam berɛ dimɡbia, mɛɛ dɔ tedomaa tɛ o nɛra baa soɡe o ta. Mɛɛ ɡeloo o pua hɛŋle ɡbo harɛ le daa warɛ dɛ́ do wer, kɛŋɔ Eden bodɛɛɡe la. Silɛɛ ne hɛɡra ɛɛ do belaa, ásɛ ba ɡo kpɛɛra ne jam yela dɛɛ tɛ mɛ.

Jeremia 48:34

Hɛsbɔn ne Eleale tena lɔŋɔre dɛ le, hale aa tel Jahas tena be. A tel Soar tena be, dɛ kpoŋe kaa Horonaim ne Eɡlat Sɛleseya. Hale neerare aa lɔ Nimrim nenabɔɔ bwa hweehrɔ.

Ɛsekeɛl 16:46

He nahaahnee Samaria, o ne o bihaahna so he weekaŋle nyunduabɔr. He nime bihaah ɡee Sodom, o ne o bihaahna so he weekaŋle harɛbɔr.

Ɛsekeɛl 16:49

Wechɔɡa he nime Sodom aa dɛ ɛ laanee nɔ. O ne o bihaahna dɔ mbarafo, ba dɔɔ kohona dɛɛ di ba waane laa nomɛlbwa wa. Ba ta nyaara ne nɛra aa hiah ba chae.

Ɛsekeɛl 28:13

Dɛ he fa lɔ Eden bodɛɛɡe men Korowii aa du daa la, dɛɛ do kwaa aa wera kɛŋɔ, bwedɛɛɡa bwa soo siwi baa dɛ yera rubi, ne topas, ne emirad, ne kresolet, ne onis, ne jasepa, ne safaaya, ne tɛɛkoes dɛ bɛrel. Awola baa tae laanee ba ɛ ɡɛ kwaa nɔ ne suuɡaswɛm kwaa tɛɛ.

Ɛsekeɛl 31:8

Haa won kpɔ peleme daa aa lɔ Eden bodɛɛɡe bela men Korowii aa du daa la maɡɔ. Haa won kpɔ dakpeɡ bɛlbwa soo siwi kpala maɡɛ peleme daa la kpala. Daa aa lɔ Eden bodɛɛɡe bela bɛlbwa toole dɛ do wer kɛ on.

Ɛsekeɛl 31:9

Menee ɡela o do wer, dɛ ta kpala kohona. Men Korowii daa maa dua Eden bodɛɛɡe bela fe dɛ nyin a do kɛ on.

Ɛsekeɛl 47:18

O wee leebɔr jwɛh la ɛɛ chɔɔ le Hauran ne bwɛjen Damaskɔs baah ta, dɛ́ kpɔ Jɔɔdan Moo nyoa, Gelead ne Israel harɛ baah ta, dɛ́ kpoŋe kaa Yar Mpo ta, dɛ́ kaa bwɛɛ bɛl baa dɛ yerɔ Taama. Onɔ ɡee wee leebɔr jwɛh la.

Joel 2:3

A dɛ chɔɡ kwaa kɛŋɔ nii yon fuh kwaa dɛ chɔɡa la. Harɛ waa chɔ a sie do kɛ Korowii bodɛɛɡe Eden ken, asɛ pua hɛŋle ɡbo harɛ chɔ a habɔɔ, komɛlbwa aa won chwa le a be.

Mmarare 34:3

Korowii berɔ baɡlo harɛ la tenten waa chɔa kaa Nɛɡɛv weekaŋle harɛbɔr Jeriko Fɛlembɔjen, dɛ ka le bwɛɛ Soar harɛ ta.