Amanesoma Mak Aa Chwera Tɔn 9:9 - mzwDBL

⁹ Baa le bwejen la doa dɛɛ ba la, Yeesu ja ba ŋɔ, “He bɛ waa nɔ haa naa nɔ taa baɡle nomɛlbwa bwa, dɛ́ ka tel ɡɛ saŋ Men Nɛn Bie la aa sewa dɛ ir mɔɔ.”

Amanesoma Mak Aa Chwera Tɔn 9:9 ပူးပေါင်းရင်းမြစ်များ

Matiu 12:19

Waa waa tɔŋle dɛɛ nyɛɡ, waa takpeɡ ɡee kpɔ bol waa fɔɡbaahna.

Matiu 12:40

Gɛ Jona aa di tɔpebire atoro pɛŋejen la tea bini la, ɡɛɛ Men Nɛn Bie la ɡee ba tɔpebire atoro dii lalbɔɔ bini.

Matiu 16:21

Le ɡɛ saŋ la, Yeesu bol waa chasee ken dɛɛ baɡle o habɔteŋra la, dɛ ŋɔ, “A chɛ kɛŋɔ ń kaa Jerusalam, dɛ́ ka na wahala bela nomonome ne Sɔfonomonome ne Tɔnjerema nɔn ta, ásɛ ba kpo mɛ, ásɛ a tɔpetooro wee la, ń ir seo ta.”

Matiu 27:63

dɛ ŋɔ o be ŋɔ, “Nomoa, ɡɛ saŋ a ɡɛ nyosonteŋni nɔ aa wola sewɛ mɔɔ la, dɛ o dɛ bol ŋɔ dɛ o sewaa, tɔpera atoro wɛɛ iruu ja.

Matiu 8:4

Anee Yeesu kaoh ŋɔ, “Bɛ nomɛlbwa be ŋɔ. Pa sie kaa Sɔfo be, dɛ́ kpɔ he te ka baɡlo ó pɛne, ásɛ he kpɔ kwaa ka tɛo ó kpo ɡɛ Mosis aa chaɡla la, á baɡle kɛ he weela la toole he nɛɛ kpa.”

Amanesoma Mak Aa Chwera Tɔn 5:43

Yeesu kah ba ŋɔ ba bɛ ɡel nomɛlbwa no, kɛ bá nyin kwaa tɛ bie la ó di. Gɛ saŋ la dɛ bie la dɔ bene fi dɛ anɛ.

Amanesoma Mak Aa Chwera Tɔn 7:36

Yeesu aa chah baa la tonɛ la, o kah nɛra la ŋɔ ba bɛ nomɛlbwa be ŋɔ. Waa dɛ kah ba la, ate taa ba ta ɛɛ bol waa la kwara.

Amanesoma Mak Aa Chwera Tɔn 9:10

Anomanta, ba ta nomɛlbwa be ŋɔe, kɛ dɛ ba te ɡbaɡba dɛ bɔɔ dɔŋa ŋɔ, “Seo bini ira nɔ te munii ɛrɛ te nɔ?”

Amanesoma Mak Aa Chwera Tɔn 9:8

Ba te ne taa la noe tonɛ dɛ ke nyiŋi dɛ nomɛlbwa toole bela. Yeesu ɡboo ba na kɛŋɔ o ja ba nɛɛ bela.

Amanesoma Luk Aa Chwera Tɔn 24:46

Dɛ berɛ ŋɔ ba be ŋɔ, “Ba chwerɔ ŋɔ Kristo la chɛ kɛŋɔ ó na wahala nɛra nɔn ta bá kpoo, ásɛ o seo habɔɔ tɔpera atoro la, ó ir seo ta,

Amanesoma Luk Aa Chwera Tɔn 9:36

Wobol la aa chiɡa la, dɛ a ka Yeesu ɡbo, asɛ o habɔteŋra la hel jeiih ken ɡɛ waa nɔ ta, ba ta nomɛlbwa be waa baa naa la bolɛ ɡɛ saŋ.