Amanesoma Mak Aa Chwera Tɔn 9:7 - mzwDBL

⁷ Belaa bam bɛl ba tɔ ba nɛ, asɛ ba no taa bɛl bam la bini kɛ, “N Bie maa dɛ nyinuu nɔ. Hé cheɡ deŋne dɛ́ no o be.”

Amanesoma Mak Aa Chwera Tɔn 9:7 ပူးပေါင်းရင်းမြစ်များ

2 Pita 1:17

O Mɛɛ Korowii ɡbaɡba aa tɛo duure ne jirima la, dɛ ya lɔ bela. Taa bɛl le o Mɛɛ Korowii waa dɔ jirima kohona la be kɛŋɔ, “N ɡbaɡba Bie maa dɛ nyinu o wa ɛɛ su n siwii nɔ.”

Matiu 3:17

Asɛ taa bɛl le nyundua ŋɔ, “N bie maa dɛ nyinu o wa ɛɛ su n siwii nɔ.”

Amanesoma Mak Aa Chwera Tɔn 1:11

Asɛ o no taa bɛl le nyundua ŋɔ, “Henee n bie maa dɛ nyin he wa, he wa ɛɛ su n siwi.”

Wepila 1:7

Hɛ́ɛ no! Wɛɛ bao. Baama taa o che dɛɛ ba bala. Nomɛlbwa ɛɛ na o balaa. Nɛra ba fa aa yaɡɔ dɛ kpoo la, ba ɡba ɛɛ nao. Harɛ nɔ ta nɛra bwa ɛɛ nao, dɛ́ koh o bala waa dɛ ba la waa dɛ́ wi. Aa ba ɡɛɛ. Aamen.

Hibru 2:1

Gɛɛ a do te naa, a chɛ kɛ ya do sie dɛ nyiŋi waa yaa noa la kɛrɛdɛ, ásɛ dɛ bɛ ba koni dɛ́ nyoɡre ŋwɛnɛ.

Amanesoma Jɔn Aa Chwera Tɔn 20:31

Kɛ n chwerɛ anɔ ásɛ he che a ta dɛ́ yarada kɛŋɔ Yeesuu Kristo Korowii aa baɡɛ nyoa ŋɔ wɛɛ bao la, onee Korowii Bie la, ásɛ a che he yarada haa dɛ yaradao la ta he dɔ Korowii mkpa.

Amanesoma Jɔn Aa Chwera Tɔn 6:69

Ya dɛ yaradae, dɛ jemɛ kɛŋɔ henee Korowii Biɡoroŋ la.”

Amanesoma Jɔn Aa Chwera Tɔn 1:34

A ɡɛ waa nɔ chiɡo n na, anomanta, n dɛ ŋɔ he be ŋɔ Korowii Biee on.”

1 Jɔn 5:20

Ya jemɔ kɛŋɔ Korowii Bie la balɔ, dɛ ba tɛ yaa liire yá kpɔ jemɛ Korowii tenten la. Korowii tenten la lawɛ yaa pɛl o nɛ, dɛkalkɛŋɔ o kpɔ ya te pɛl o Bie Yeesu Kristo la nɛ. O ɛ Korowii tenten, dɛ dɔ mkpa aa wola jaɡa dɔe bwa.

Tɔn Pɔɔl Aa Chwerɛ Rom Tena 1:4

asɛ o Korowii ɛɛ ɡe be pera la, Korowii cheɡɛ o seo ta ira la ta, dɛ baɡle kpeɡri ne kɛŋɔ o Korowii Biee on.

We-ɛɛla 8:36

Baa kpɔ ŋwɛnɛ la ta dɛɛ kaa la, ba kaa le nee bɛl ta, anee nomoa la ŋɔ Felep be ŋɔ, “Nee la. Den sɔ mɛ Korowii ne. Kɛ waane lole ja?”

We-ɛɛla 7:37

Mosisii ŋɔ nɛra la be ŋɔ Korowii ɛɛ tomɛ o keame bɛlee ba be ɡɛ waa tomɔ la, dɛ ŋɔ wɛɛ le ba dwee taa.

We-ɛɛla 1:9

Waa bol a ɡɛ waa nɔ tonɛ ba ta che dɛɛ nyiŋu la, dɛ Korowii baa kpɔɔ dɛɛ kaa nyundua, asɛ baama ba tɔ o nɛɛ nyundua bela, ba ta on nae kpa.

Amanesoma Jɔn Aa Chwera Tɔn 19:7

Belaa Juu tena la berɛ chaŋo ŋɔ, “Ya dɔ Mmara bɛl waa dɛ baɡle kɛ o chɛ kpoe, dɛkalkɛ o dɛ yerɛ o te Korowii Bie.”

Amanesoma Jɔn Aa Chwera Tɔn 9:35

Yeesu aa noa kɛŋɔ ba doŋu cheremi dea bala la, o nyin o bɔr asɛ dɛ pɛɛro ŋɔ, “He dɛ yarada Men Nɛn Bie la aa?”

Amanesoma Jɔn Aa Chwera Tɔn 5:37

Asɛ n Mɛɛ la waa tom mɛ laanee dɛɛ di mɛ danseɛ. He ta o taa noɛ bwa á ba ɛ kɛŋɔ he na o siebɔr ka,

Amanesoma Jɔn Aa Chwera Tɔn 5:18

Gɛ waa nɔ Yeesu aa bola la ɛɛ ba bwaawee kohona dɛ ɡel baa nyinu dɛ́ kpo kwara, dɛkalkɛŋɔ dɛ Ona Tɔpere la ɡbo laa wɛɛ chɔɡ. O berɔ ŋɔ o Mɛɛ waa lolɔɔ Korowii, asɛ dɛ kpɔ o te dɛɛ maɡɔ kɛŋɔ o ne o ɛ kɛrɛdɛ.

Amanesoma Jɔn Aa Chwera Tɔn 1:49

Anee Nataaneɛl ŋɔ, “Nomoa, Korowii Biee hen. Henee Israel tena Kooro la.”

Matiu 27:54

Sooja nomoa ne o soojare baa dɛ daah Yeesu la aa na ɡɛ harɛ aa jiɡra ne waa aa chiɡa la, ba ɔmɔ, asɛ ba ŋɔ, “Korowii Biee baa nɔ kpela!”

Matiu 27:43

O ŋɔ Korowii nɛɛ o sie dawɛ, dɛ ŋɔ Korowii Biee on. Dɛ o waa dɛ lɛ Korowii sie te naa, amɔ Kórowii ba lɛo taraken.”

Daneɛl 7:13

Wepila la ta jwaana la ne la, n na nomɛl kɛŋɔ nɛwɛnyini bie ken, o le nyundua baama bini dɛɛ ba. O baa tel Nɛn Waa Lole Saŋ La Bwa la jwɛh, asɛ dɛ ba che o sie.

Yela 97:2

Baama ne biro baro cheme, waa aa toɡra ne kasinteŋ nee wɛɛ di kora.

Yela 2:7

Kooro la ŋɔ, “Mɛɛ bol waa Korowii aa bola la waa. O ŋɔ n be ŋɔ, ‘N Biee hen, fini n berɛ he Mɛɛ.

Kaala 40:34

Belaa bam la ba tɔ Korowii Dea Cheremibɔr la bwa, asɛ Korowii jirima su o Tɛnte Dea la bini.

Kaala 24:16

asɛ Korowii jirima tɔ o bwa. Tɔpera anumɛl dɛ bam la ta bɔle bwe la bwa ɡɛ, asɛ tɔpenuanɛ wee ta la, Korowii bol waa le bam la ta dɛ yerɛ Mosis.

Amanesoma Mak Aa Chwera Tɔn 9:6

Ɔmee laɡ ba kohona dɛ ɡel Pita aa dɛ bol waa kwaraa la, dɛ waa jemɛ waa waa dɛ bol.

Amanesoma Mak Aa Chwera Tɔn 9:8

Ba te ne taa la noe tonɛ dɛ ke nyiŋi dɛ nomɛlbwa toole bela. Yeesu ɡboo ba na kɛŋɔ o ja ba nɛɛ bela.

Amanesoma Luk Aa Chwera Tɔn 3:22

asɛ Korowii Domadɛɛɡe do kɛŋɔ borɔnoma ken dɛ ba so o nɛ, asɛ ba no taa bɛl nyundua kɛŋɔ, “Henee n bie maa dɛ nyin he wa, he waa ɛɛ su n siwi.”

Amanesoma Jɔn Aa Chwera Tɔn 12:28

Asɛ o ŋɔ, “N Mɛɛ, ɡel he sɔn dɔ jirima!” Belaa ba no taa bɛl le nyundua kɛŋɔ, “N ɡelɔ n sɔn dɔ jirima, kɛ mɛɛ berɔɔ ɡel o dɔ ja.”