Amanesoma Mak Aa Chwera Tɔn 9:35 - mzwDBL

³⁵ Asɛ Yeesu so harɛ dɛ yer ba dɛ ŋɔ ba be ŋɔ, “Naate waa dɛ nyin kɛ o ɛ he bwa nomoa la, a chɛ kɛŋɔ ó ɛ o te bechala dɛɛ tomɛ heya.”

Amanesoma Mak Aa Chwera Tɔn 9:35 ပူးပေါင်းရင်းမြစ်များ

Sɛɡla 13:10

Waa nee jenu ɛɛ ba, wejeremee dɛɛ bɔɔ waa bini.

Jeremia 45:5

Ɛrɛɛ hɛɛ nyin kɛŋɔ nɛra nyiŋi he nɛɛ kɛrɛdɛ nɔɔ? Bɛ an dɛɛ nyin, dɛkalkɛ n dɛ ba wenaale kpɔe ba ta harɛ nɔ nɛra bwa nɛ. Bobɛlbwa haa chwa kaa la, mɛɛ ɡeloo he dɔ he nyu. Men Korowiirii bola.”

Matiu 23:11

He bwa bini, naate waa ɡwaa heyaa la chɛ kɛ ó ɛ o te kɛŋɔ bechala dɛɛ tomɛ heya.

Amanesoma Mak Aa Chwera Tɔn 9:36

Anee o lawɛ bechajeɡa bɛl ba che ba baah ta, dɛ kpɔɔ, dɛ ŋɔ ba be ŋɔ,

Amanesoma Luk Aa Chwera Tɔn 18:14

Anee Yeesu ŋɔ, “N dɛ ŋɔ he be ŋɔ, toɔ lɛɛ la bee Korowii no dɛ kpɔ o wechɔɡa kɛo dɛ doo nɛndɛɛɡa bini, asɛ o kaa o dem. Farisii te la te, o ta o be noɛ. Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa pwɛr o te la, Korowii ɛɛ ɛo nɛnjenii.”

Amanesoma Luk Aa Chwera Tɔn 22:26

He te ne ɡɛ waa la jaŋne. He bini nomoa la, ó ɛ o te kɛ bechala, ásɛ onɔ la waa dɛɛ nyiŋi he nɛɛ la ɡe ɛ o te kɛŋɔ nɛn waa dɛ di somanjiri.

Jems 4:6

Kɛ chae Korowii aa na ya sum dɛɛ cha yaa la, on kpeɡa, ɡɛ Korowii Tɔn la aa baɡla ŋɔ, “Korowii dɛ ba nɛra baa dɛ ɛ sɔnnyin la ne harɛ, dɛɛ sune nɛra baa dɛ pwɛr ba te nɛ.”