Amanesoma Mak Aa Chwera Tɔn 9:25 - mzwDBL

²⁵ Asɛ Yeesu aa baa na kɛŋɔ nɛra wuro dɛɛ ba ba tɔ ba nɛɛ la, o den kɔr kwaa aa dɛ ir bie la nɛɛ la ŋɔ, “He konchɔɡa haa dɛ ir bie nɔ nɛɛ waa wola waa no, waa berɛ won dɛɛ bol waa ɡe nɔ, n ŋɔ he be ŋɔ hé le o nɛ! He bɛ o nɛɛ ba so kpa bwa!”

Amanesoma Mak Aa Chwera Tɔn 9:25 ပူးပေါင်းရင်းမြစ်များ

Sekaria 3:2

Korowii nyundua torome la ŋɔ Bɔnsam be ŋɔ, “Bɔnsam, Korowiirii dɛ́ pae bolchɔɡe! Korowii waa le Jerusalam tɛ o te la, onee dɛ́ pae bolchɔɡe! Baa nɔ do kɛŋɔ nindaa baa keero le nii ta.”

Matiu 12:22

Asɛ nɛra bane kpɔ baa bɛl kwaa aa dɛ ir o nɛɛ dɛ ɡel o nyoŋe, waa wola won waa ɡe bol ba Yeesu be, asɛ o chah baa la dɛ ɡel wɛɛ na dɛ won waa ɡe bola.

Matiu 17:18

Yeesu kɔr kwaa aa ɡela ɡbuŋɡbuŋri la ɛɛ ir bie la nɛɛ la, asɛ a le o nɛɛ kaa. Buɡ la ta, bie la den dɔ bokpeɡa.

Amanesoma Mak Aa Chwera Tɔn 9:15

Nɛra la aa na Yeesu la, ba bwara yɔrɔ, asɛ ba chwa dɛ ba jaamo.

Amanesoma Mak Aa Chwera Tɔn 9:24

Buɡ la ta, dɛ baa la sɛoh takpeɡ ne ŋɔ, “N yaradao, kɛ n yarada aa kanɛ. Cha mɛ ń yaradao kohona.”

Amanesoma Mak Aa Chwera Tɔn 9:26

Ate, dɛ kwaa la sio kpeɡri ne dɛ taɡɛ bie la ta harɛ, asɛ o chɔ dɛɛ yo kɛŋɔ ɡbuŋɡbuŋri te ken mɔɔ a le o nɛ. Anee o chɔ kɛŋɔ waa sewa ken. Asɛ nɛra kɛrɛdɛ ŋɔ o sewɔ.

Amanesoma Luk Aa Chwera Tɔn 11:14

Dɛ Yeesu dɛ doŋi kwaa aa lɔ baa bɛl nɛɛ o berɛ amumu. Kwaa la aa le baa la nɛɛ la, o bol wa. Nɛnlaa la aa lɔ bela la nyoa kpoo.

Amanesoma Luk Aa Chwera Tɔn 4:35

Anee Yeesu kɔr kwaa la aa lɔ baa la nɛɛ la ŋɔ, “Hé tɔ nyoa dɛ́ le o nɛ!” Belaa a lɔ baa la bil nɛra la siwi ta. A ta on wobɛlbwa ɛɛ, dɛ le o nɛɛ dɛ kaa.

Amanesoma Luk Aa Chwera Tɔn 4:41

Kwaa aa dɛ ir nɛra nɛɛ la le ba nɛɛ pirim. Aa dɛ le dɛ a dɛ dooɡe lɔŋɔre dɛɛ ŋɔ, “Henee Korowii Bie la!” Yeesu kah kwaa la, o ta ɡelɛ a bol wa, dɛkalkɛŋɔ a jemɔ kɛŋɔ onee Kristo la Korowii aa baɡɛ nyoa ŋɔ wɛɛ tomɔɔ ó ba lɛ o nɛra la.

Amanesoma Luk Aa Chwera Tɔn 8:29

Pɛɛ laa baa la do lɔŋɔ la, dɛkalkɛŋɔ dɛ Yeesu tɔ sie ŋɔ kwáa la le o nɛ. Gɛɛ kwaa la yon dɛɛ ir o nɛ, asɛ baa lawɔ dɛɛ doo jɔɡrɔre. Ba doo kpɛɛ ɡe aa, ɡɛɛ o yon kuuɡa, asɛ kwaa la yon kaa o ne pua hɛŋle ɡbo harɛ ta.

Amanesoma Luk Aa Chwera Tɔn 9:42

Bie la aa dɛ ba la, kwaa la ɡoo harɛ dɛ ɡel o beŋri. Yeesu kɔr kwaa la, dɛ chah bie la, dɛ kpɔɔ tɛ o mɛɛ.

We-ɛɛla 16:18

Tɔpera aŋwɛnɛ bwa dɛ ɡɛɛ wɛɛ ɛ, anomanta, a baa pe Pɔɔl, asɛ o berɛ habɔɔ dɛ kpɔ bandia ŋɔ kwaa la aa dɛ ir yomhaah la nɛɛ la be ŋɔ, “Yeesu Kristo sɔn ta, hé le o nɛ!” Buɡ la ta, dɛ kwaa la le o nɛ.

Tɔn Jud Aa Chwera 1:9

Nyundua toroma bwa nomoa Maekel ɡba ta a dɔŋa ɛɛ bwa. O ne Bɔnsam aa dɛ yo dɛɛ tɔŋle dɔŋa Mosis lale waa dɛ́ jemɛ ba bini onɔ la waa dɔɔ la, Maekel kwaraa ta liire kɛ ó bol Bɔnsam wobochɔɡe. O waa waa bola bwaa kɛŋɔ, “Korowiirii dɛ́ dii kasinteŋ.”