Amanesoma Mak Aa Chwera Tɔn 9:23 - mzwDBL

²³ Anee Yeesu ŋɔ, “Mɛɛ wonoo chaoh waa, a lɔ he be. Nɛn waa yarada Korowii la, Korowii won wobɛlbwa ɛɛ dɛ́ tɛo.”

Amanesoma Mak Aa Chwera Tɔn 9:23 ပူးပေါင်းရင်းမြစ်များ

2 Webena 20:20

Tɔ aa pera chɔɔ la, ba leɔ kaa Tekoa pua hɛŋle ɡbo harɛ ta bela. Baa dɛ ba kaala la, Kooro Jehosafat iro che dɛ ŋɔ, “Hé no, Juda ne Jerusalam tena. Hé yarada Korowii haa dɛ tomɔ la, dɛ́ yarada waa o keamere ɡe aa bola la, aa chiɡ heyaa kɛrɛdɛɛ.”

Matiu 14:29

Anee Yeesu ŋɔ, “Ba.” Belaa Pita den le ɡbera bini tu nee sie dɛ valɛ dɛɛ kaa o be.

Matiu 17:20

Anee Yeesu ŋɔ, “He yarada aa wola kanɛ waa. Kasinteŋ, dɛ he yarada fe kan kɛŋɔ sipon ɡba aa, hé fe ɛɛ wonoo ŋɔ bwejen nɔ be ŋɔ ó huɡri kaa bela haa dɛ nyin, ásɛ o kaa. Hé fe ɛɛ wonoo ɛ komɛlbwa.

Amanesoma Mak Aa Chwera Tɔn 11:23

Kasinteŋ, nomɛlbwa waa won kpɔ yarada ŋɔ bwe nɔ be ŋɔ ó ir ka le mpo ta, waa wola tɔŋlɛ o bambile ta tamaa bɛlbwa, dɛ yarada kɛŋɔ Korowii ɛɛ wonoo ɛ ɡɛ la, aa ɛo tɛo kpela ɡe.

Amanesoma Mak Aa Chwera Tɔn 9:22

Kwaa la ir o nɛɛ aa, dɛ a dɛ nyin o kpoe. Tɔpebɛla a taɡɔ dɛɛ ta nii ta, tɔpebɛla ɡe a taɡɔ dɛɛ ta nee ta. Dɛ hɛɛ wonoo chaoh waa, na ya sum dɛ́ chaoh tɛ yaa.”

Amanesoma Mak Aa Chwera Tɔn 9:24

Buɡ la ta, dɛ baa la sɛoh takpeɡ ne ŋɔ, “N yaradao, kɛ n yarada aa kanɛ. Cha mɛ ń yaradao kohona.”

Amanesoma Luk Aa Chwera Tɔn 17:6

Asɛ Yeesu chaŋe ŋɔ, “Dɛ he yarada fe kan kɛŋɔ sipon ɡba aa, he fe ɛɛ wonoo ŋɔ dajen nɔ aa cheɡa nɔ be ŋɔ ó chuɡri ka che mpo ta, ásɛ o no dɛ́ ɛ ɡɛ.”

Amanesoma Jɔn Aa Chwera Tɔn 11:40

Anee Yeesu ŋɔ o be ŋɔ, “N ta ŋɔe ŋɔ dɛ he yarada mɛ naa, hɛɛ na ɡɛ Korowii aa dɔ jirimaa yaa?”

We-ɛɛla 14:9

Pɔɔl aa dɛ bol waa la bwa dɛ boobi la soɡe bela, dɛ cheɡ deŋne dɛɛ no o be. Pɔɔl nao kɛ boobi la yarada waa waa dɛ bol la, dɛ na kɛ wɛɛ wonoo che o yarada la ta dɛ́ chaoh. Belaa o pa sie boobi la be,

Hibru 11:6

Nɛn ta yarada dɔe yaa, o waa aa won lɛ Korowii sie. Nomɛlbwa waa ba Korowii be la, a chɛ kɛ o dɔ yarada kɛŋɔ Korowii lole, dɛ́ yarada kɛŋɔ nomɛlbwa waa dɛ nyin o jemɛ Korowii la, Korowii dɛ chao.