Amanesoma Mak Aa Chwera Tɔn 9:20 - mzwDBL

²⁰ Asɛ ba kpɔ bie la ba tɛo. O kwaa aa dɛ ir o nɛɛ la aa na Yeesu la, a taɡɔ ta, asɛ o chɔ dɛɛ yo ɡɛ ɡbuŋɡbuŋri te aa dɛ ɛ la, dɛɛ ɡbili bɔr bwa, dɛ fufuɡ dɛ le o nyoa.

Amanesoma Mak Aa Chwera Tɔn 9:20 ပူးပေါင်းရင်းမြစ်များ

Amanesoma Mak Aa Chwera Tɔn 1:26

Asɛ a ir o nɛɛ dɛ ɡel o beŋri, a dooɡe lɔŋɔre mɔɔ dɛ le o nɛ.

Amanesoma Luk Aa Chwera Tɔn 4:35

Anee Yeesu kɔr kwaa la aa lɔ baa la nɛɛ la ŋɔ, “Hé tɔ nyoa dɛ́ le o nɛ!” Belaa a lɔ baa la bil nɛra la siwi ta. A ta on wobɛlbwa ɛɛ, dɛ le o nɛɛ dɛ kaa.

1 Pita 5:8

Hé ɡel he sie chɔ harɛ, hɛɛ nyiŋi kɛrɛdɛ, dɛkalkɛŋɔ he dɔm Bɔnsam lole. Gɛ nyujente yon dɛɛ kɔɡre, dɛ́ ɡaaɡe dɛɛ nyin ola dɛ́ lawɛ la, ɡɛɛ o ɡe ɡaaɡe dɛɛ nyin nɛra dɛ́ lawɛ.

Amanesoma Jɔn Aa Chwera Tɔn 8:44

Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

Amanesoma Luk Aa Chwera Tɔn 9:42

Bie la aa dɛ ba la, kwaa la ɡoo harɛ dɛ ɡel o beŋri. Yeesu kɔr kwaa la, dɛ chah bie la, dɛ kpɔɔ tɛ o mɛɛ.

Amanesoma Luk Aa Chwera Tɔn 8:29

Pɛɛ laa baa la do lɔŋɔ la, dɛkalkɛŋɔ dɛ Yeesu tɔ sie ŋɔ kwáa la le o nɛ. Gɛɛ kwaa la yon dɛɛ ir o nɛ, asɛ baa lawɔ dɛɛ doo jɔɡrɔre. Ba doo kpɛɛ ɡe aa, ɡɛɛ o yon kuuɡa, asɛ kwaa la yon kaa o ne pua hɛŋle ɡbo harɛ ta.

Amanesoma Mak Aa Chwera Tɔn 9:26

Ate, dɛ kwaa la sio kpeɡri ne dɛ taɡɛ bie la ta harɛ, asɛ o chɔ dɛɛ yo kɛŋɔ ɡbuŋɡbuŋri te ken mɔɔ a le o nɛ. Anee o chɔ kɛŋɔ waa sewa ken. Asɛ nɛra kɛrɛdɛ ŋɔ o sewɔ.

Amanesoma Mak Aa Chwera Tɔn 9:18

A iraa, ɡɛɛ a ɡoo harɛ, ásɛ fufuɡ ɛɛ le o nyoa, dɛ o dɛ chwe o nyena, dɛ ɡbeŋri chɔ. N soŋe he habɔteŋra la ŋɔ bá doŋi kwaa la ta, asɛ ba doŋa kahonɛ.”

Amanesoma Mak Aa Chwera Tɔn 9:19

Asɛ Yeesu chaŋe ŋɔ, “Oo! Fini nɔ nɛra wechɔɡa aa lɔ he nɛɛ nɔ, he ta yarada dɔe! Tɔpera aŋwɛnɛɛ hɛɛ nyin kɛ ń lawɛ bambile dɛ́ so he be mɔɔ he yarada Korowii ɔ? Maa tɔpere bɛl dii ba he be kpa oo! Hé kpɔ bie la ba tɛ mɛ.”

Amanesoma Mak Aa Chwera Tɔn 9:21

Asɛ Yeesu bɔɔ bie la mɛɛ ŋɔ, “Saŋ besoo weela nɔ lawɔ wɔ?” Asɛ o mɛɛ la ŋɔ, “O bechale saŋ bwaa a lawɔ.

Amanesoma Luk Aa Chwera Tɔn 9:39

Kwaa dɛ ir o nɛ. A ir o nɛ aa, ɡɛɛ o piɡri do lɔŋɔ, asɛ a yon kpɔɔ ɡo harɛ o beŋri chɔ, asɛ fufuɡ ɛɛ le o nyoa. A dɛ ɛo hɔhɔrɔwa mɔɔ dɛ́ le o nɛ.