Amanesoma Mak Aa Chwera Tɔn 9:17 - mzwDBL

¹⁷ Baa bɛl le nɛra la bini dɛ ŋɔ, “Nomoa, kwaa dɛ ir n bie nɛɛ dɛ ɡel waa won waa bol, asɛ n kpɔɔ ba he be.

Amanesoma Mak Aa Chwera Tɔn 9:17 ပူးပေါင်းရင်းမြစ်များ

Matiu 12:22

Asɛ nɛra bane kpɔ baa bɛl kwaa aa dɛ ir o nɛɛ dɛ ɡel o nyoŋe, waa wola won waa ɡe bol ba Yeesu be, asɛ o chah baa la dɛ ɡel wɛɛ na dɛ won waa ɡe bola.

Matiu 17:15

dɛ ŋɔ, “N Dɔɔ, na n bibaa nɔ sum tɛ mɛ! O dɛ chole ɡbuŋɡbuŋri. A iraa, aa were kwaraa. Tɔpebɛla a iraa, a ɡelɔ wɛɛ chole nii ta, asɛ tɔpebɛla ɡe a ɡel wɛɛ chole nee ta.

Matiu 9:32

Nɛra la aa le dem bela dɛɛ kaa la, nɛra bane ɡe berɔ kpɔ baa bɛl kwaa aa dɛ ir o nɛɛ o bol waa kahonɛ ba Yeesu be.

Amanesoma Mak Aa Chwera Tɔn 10:13

Dɛ nɛra bane kpɔ ba bii dɛɛ ba Yeesu be ŋɔ ó kpɔ o nɔn dawɛ ba nɛ. Asɛ o habɔteŋra la kɔɡre nɛra la ŋɔ bá kpɔ ba bii la le le!

Amanesoma Mak Aa Chwera Tɔn 5:23

dɛ soŋo ŋɔ, “N poori, nomoa, n bihaah bwara dɛ weo wɛɛ ba sewa. Ba dɛ́ ba kpɔ he nɔɔra dawɛ o nɛɛ ásɛ o bwara do kpeɡri o ir.”

Amanesoma Mak Aa Chwera Tɔn 7:26

dɛ soŋo ŋɔ ó doŋi kwaa la le o bihaah la nɛɛ tɛo. Haah la ta Juu te ɛɛ, kɛ lola bini te, Siiria harɛ bobɛl baa dɛ yerɛ bela Finiisia tee.

Amanesoma Mak Aa Chwera Tɔn 9:16

Asɛ o bɔɔ o habɔteŋra la ŋɔ, “Bɔkwa waa he ne baa tɔŋle laɔ?”

Amanesoma Mak Aa Chwera Tɔn 9:18

A iraa, ɡɛɛ a ɡoo harɛ, ásɛ fufuɡ ɛɛ le o nyoa, dɛ o dɛ chwe o nyena, dɛ ɡbeŋri chɔ. N soŋe he habɔteŋra la ŋɔ bá doŋi kwaa la ta, asɛ ba doŋa kahonɛ.”

Amanesoma Mak Aa Chwera Tɔn 9:25

Asɛ Yeesu aa baa na kɛŋɔ nɛra wuro dɛɛ ba ba tɔ ba nɛɛ la, o den kɔr kwaa aa dɛ ir bie la nɛɛ la ŋɔ, “He konchɔɡa haa dɛ ir bie nɔ nɛɛ waa wola waa no, waa berɛ won dɛɛ bol waa ɡe nɔ, n ŋɔ he be ŋɔ hé le o nɛ! He bɛ o nɛɛ ba so kpa bwa!”

Amanesoma Luk Aa Chwera Tɔn 11:14

Dɛ Yeesu dɛ doŋi kwaa aa lɔ baa bɛl nɛɛ o berɛ amumu. Kwaa la aa le baa la nɛɛ la, o bol wa. Nɛnlaa la aa lɔ bela la nyoa kpoo.

Amanesoma Luk Aa Chwera Tɔn 9:38

Belaa baa bɛl kpɔ takpeɡ bol waa nɛra la bini ŋɔ, “Nomoa! N dɛ soŋe, nyiŋi n bie nɔ nɛɛ tɛ mɛ. O ɡboo n bie.

Amanesoma Jɔn Aa Chwera Tɔn 4:47

Nomoa la aa noa kɛŋɔ Yeesu le Juda harɛ ba Galilia harɛ la, o ba o be dɛ ba soŋo ŋɔ ó la Kapeeneɔm dɛ ka chah o bie waa dɛ ba sewa la.