Amanesoma Mak Aa Chwera Tɔn 8:34 - mzwDBL

³⁴ Belaa o yerɛ nɛnlaa ne o habɔteŋra la dɛ ŋɔ ba be ŋɔ, “Dɛ nomɛlbwa dɛ nyin kɛ ó teŋɛ n nɛ aa, ó ɡel o tetookwaa nyina, dɛ́ kpɔ o te kɛ wɛɛ sɛh wahala nae ne seo bwaa, dɛ́ ba teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la,

Amanesoma Mak Aa Chwera Tɔn 8:34 ပူးပေါင်းရင်းမြစ်များ

1 Koranar 14:8

Menee laa Kooro Devid dem kora la pere dɛ kpɔ tɛɛ, kɛ he ta doe kɛŋɔ n bonɔɔ Kooro Devid waa teŋɛ men Mmarare ta, dɛɛ teŋɛ n nɛɛ o bambile bwa ne dɛɛ ɛ waa aa dɛ too n tea ɡbo la.

Nɛra Kura 14:24

Kɛ n bonɔɔ Kaleb te aa wola doe kɛŋɔ ban, dɛ dɔ yarada kohona dɛ teŋɛ n nɛɛ bambile bwa ne nɔ, mɛɛ la o ne harɛ waa la o ta la taa, ásɛ o ɛ o naanar kon.

Matiu 10:38

He naate haa wola he te kpɔe tɛ dɛ sɛh wahala nae ne seo bwa, dɛ baa teŋɛ n nɛ kɛŋɔ nɛn waa kpɔ daɡaɡre che bá ka kpaaro pɛl o ta la ta chɛɛ kɛŋɔ he teŋɛ n nɛ.

Matiu 16:24

Asɛ Yeesu ŋɔ o habɔteŋra la be ŋɔ, “Dɛ nomɛlbwa dɛ nyin kɛ ó teŋɛ n nɛ aa, ó ɡel o tetookwaa nyina dɛ́ kpɔ o te kɛ wɛɛ sɛh wahala nae ne seo bwaa, dɛ́ ba teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la,

Matiu 27:32

Baa dɛ kaa la, ba kaa na Sairini baa bɛl baa dɛ yerɔ Seemɔn. Ba ɛɡro o lɛ Yeesu daɡaɡre la che.

Amanesoma Mak Aa Chwera Tɔn 10:21

Yeesu nyiŋu, o sie lɛ o nɛ, dɛ ŋɔ o be ŋɔ, “A ka he webeŋkpoŋ. La ka yoɡ kwaa haa dɔa bwa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kondɔɔh cheɡ Korowii doa. Ka ɛ ɡɛ ásɛ dɛ ba teŋɛ n nɛ.”

Amanesoma Mak Aa Chwera Tɔn 7:14

Yeesu yerɛ nɛra la ba o be ja dɛ ŋɔ, “Hé bwa no n be dɛ́ jemɛ kɛŋɔ

Amanesoma Luk Aa Chwera Tɔn 13:24

“Hé takapɔ dɛ́ kpɔ doonyoa waa do feelɔɔ o ta joe do kpeɡri la ta, dɛ́ jo ka ja Korowii Kora la ta, dɛkalkɛŋɔ nɛra ɛɛ warɔɔ dɛ́ɛ nyin dɛ́ jo bela, kɛ baa won dɔ bɔr jo.

Amanesoma Luk Aa Chwera Tɔn 14:33

Gɛ tentenee a chɛ kɛ he so lii mɔɔ. Nomɛlbwa ta o komɛlbwa ɡelaa, waa won ɛ n habɔteŋre.

Amanesoma Luk Aa Chwera Tɔn 18:22

Yeesu aa no ɡɛ la, o ŋɔ o be ŋɔ, “A ta kae webeŋkpoŋ. Ka yoɡ kwaa haa dɔa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kwaa cheɡ Korowii doa. Ka ɛ ɡɛ ásɛ dɛ ba teŋɛ n nɛ.”

Amanesoma Luk Aa Chwera Tɔn 20:45

Yeesu cheɡɛ nɛra la bwa siwi ta dɛ ŋɔ o habɔteŋra la be ŋɔ,

Amanesoma Luk Aa Chwera Tɔn 9:23

O berɔ ŋɔ ba bwa be ŋɔ, “Dɛ nomɛlbwa dɛ nyin kɛ ó teŋɛ n nɛ aa, ó ɡel o tetookwaa nyina, dɛ́ kpɔ o te tɛ tɔpere bɛlbwa kɛ wɛɛ sɛh wahala nae ne seo bwaa, dɛ́ ba teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la,

Amanesoma Jɔn Aa Chwera Tɔn 10:27

N peera dɛ no n taa, asɛ n jema aa teŋɛ n nɛ,

Amanesoma Jɔn Aa Chwera Tɔn 19:17

Ba kpɔ Yeesu le koodem bela dɛ ɡel o che daɡaɡre baa dɛ ba o kpaara pɛl o ta la, dɛ ba tel bobɛl baa dɛ yerɛ bela Nyuhoɡ Bɔr, asɛ Juu tena wobol ta, ba ɡe ɛɛ yerɛ bela Gɔlɡɔta.

We-ɛɛla 14:22

Pɔɔlwa do ɡɛ bwɛɛre nɔ asɔre tena la ɡbemba ŋɔ báa teŋɛ Yeesu ŋwɛnɛ la ta kɛrɛdɛ dɛ bɛ ba nyoɡre, dɛ ŋɔ a chɛ kɛ nomɛlbwa na wahala kohona mɔɔ dɛ dɔ Korowii Kora la bini jo.

Tɔn Pɔɔl Aa Chwerɛ Rom Tena 6:6

Ya jemɔ kɛŋɔ ya dobene la ne Yeesuu ba pɛ saɡɛ o daɡaɡre ta. Ya dobene la ne o wechɔɡa bwaa ba kpo, ásɛ o bɛ won di kpeɡri ya nɛɛ kpa, ásɛ wechɔɡa bɛ won yawɛ yaa yoma kpa.

Tɔn Pɔɔl Aa Chwerɛ Rom Tena 8:17

Yaa ɛ Korowii bii nomanta, dɛ ya sɛoh dɛ na wahala Yeesu Kristo aa naa la aa, ya ɡee di o kapɛrɛɛ kɛŋɔ Yeesu Kristo aa dɛ di la, ásɛ Korowii kpɛɛ yaa ɡɛ waa kpɛɛ Yeesu Kristo la.

1 Kɔrent 15:31

Yabala, kpelaa mɛɛ ŋɔ, dɛ maa siswɛm ta jo tɔpere bɛlbwa naa, amɔ te dɛ n laa yon dɛɛ kpɛɛ heyaa ya Dɔɔ Yeesu Kristo nɛɛ teŋa ta la.

1 Kɔrent 8:13

Dɛ n nao kɛ kondikwaa maa dɛ di la ɛɛ ɡeloo n dɔŋ ɡe di a kaa o ne wechɔɡa ta naa, amɔ te mɛɛ ɡel a dii, ásɛ n dɔŋ ɡe bɛ di dɛ́ ba kaa wechɔɡa ta.

1 Kɔrent 9:19

N fe dɛ di n nyu, nomɛlbwa laa dɔɔ mɛ, kɛ n ɛ n te yom dɛɛ ɛ toma dɛɛ tɛ nomɛlbwa, dɛ́ fee dɔ nɛra kɛrɛdɛ tɛ Korowii.

Galaasia 2:20

Baa kpaa Yeesu Kristo pɛl o daɡaɡre ta la, a kaa ɛ kɛ n ne onee sewa. Anomanta, n soɡa nɔ maa soɡa nɔ, n ɡbaɡba laa dɛɛ hwee nɔ. Korowii Bie Yeesu Kristoo soɡe n nɛɛ dɛɛ hwee la. N hweera nɔ maa dɛ hwee nɔ, yarada maa yaradao la, anee ɡela n do le la. Korowii Bie nɔ nyin mɛ kohona dɛ kpɔ o hweera charɛ n nyu.

Galaasia 5:24

Nɛra baa ɛ Yeesu Kristo nɛra la, ba kpaa ba nɛwɛnyini mar wechɔɡa aa suu nɔ wenyina ne ba liichɔɡa bwa pɛl Yeesu daɡaɡre la ta dɛ kpoa.

Galaasia 6:14

N te aa n te maŋkura wobɛlbwa ta, ya Dɔɔ Yeesu Kristo daɡaɡre ta sewa la waa taa n te ɛɛ jaaɡi. O seo la ɡelɔ harɛ ta bonɔ waa berɛ wepɛɛ n be, a ta kpeɡri dɔe n nɛɛ kpa.

Felepae 3:10

N waa bwaa kɛ ń won jemɛ Yeesu Kristo, dɛ́ won jemɛ kpeɡri la soo waa ira seo ta dɛ dɔ, dɛ́ na wahala waa naa la dɔŋa, dɛ́ kpɔ n te ɛ kɛ n sewɔ ɡɛ waa sewa la,

Felepae 3:7

Kɛ waa la bwa n fa aa lɔ a ta a ɛ tɔnɔ tɛ mɛ la, Yeesu Kristo nomanta, n dɛ liira wepuu.

Kolosi 1:24

Taraken a do n som kɛ maa lɛ he wahala dɛɛ na. Wahala lole ń che Yeesu Kristo naa ta dɛ́ na tɛ asɔre tena baa ɛ o bwadabii la. Anomanta, a do n som kɛ maa dɛ ba wona na wahala aa kaa la ane, ásɛ a won tonɛ.

Kolosi 3:5

Anomanta, hé ɡel he harɛ nɔ ta dor bwa ta kwaraa. He bɛ he bwadabii kpɔ do jwamane, ne wedoŋa, ne kayɛɡlɛ, ne pɛlchɔɡa, dɛ kwaa ta sibeɡra ta. Kwaa ta sibeɡra do kɛŋɔ voɡa toma ken.

2 Tesalonika 3:11

Ya dɛ no he waa kɛŋɔ he bane ta sɛɛh dɛɛ ɛ toma, dɛ valɛ pɛɛpɛɛ dɛ kpɔ nyoa dɛɛ do nɛra waa ta.

Taetos 2:12

Anomanta, ɡɛ dɛ baɡle kɛŋɔ a wer kɛ ya laa sie kpɔ wechɔɡa bɛlbwa ne harɛ nɔ ta pɛlchɔɡa la bwa ta, dɛ́ dɔ nfɛrɛ, dɛɛ ɛ waa aa toɡra, dɛɛ ɔmɛ Korowii ya bere nɔ ta,

Hibru 13:13

Anomanta, hé ɡel ya la o be dahara bela, dɛ́ ka puu di o sihiih waa dia la,

1 Pita 4:1

Yeesu Kristo aa baa ɛ nɛwɛnyini la, o na bonyɛɡa. Anomanta, a chɛ kɛ he kpɔ he te, dɛ́ jemɛ kɛ ɡɛɛ he ɡe bwara ɛɛ ba nyɛɡa. Nomɛlbwa waa wona lawɛ bambile dɛ na bonyɛɡa ka la, waa wechɔɡa ɛ.

1 Pita 4:13

Hé ɡel he sie lɛ kɛŋɔ haa dɛ na Yeesu Kristo wenaale dɔŋa nɔ, ásɛ awola haa ba na o jirima waa dɔa la, he sie lɛ, he bwara sɔɔh heyaa kohona.

2 Pita 1:14

N jemɔ kɛŋɔ aa biɡri n wur n harɛ nɔ ta bwadabii nɔ ta. Ya Dɔɔ Yeesu Kristo ɡelɔ n jemɛ ɡɛ waa nɔ.

1 Jɔn 3:16

Gɛ Yeesu Kristo aa koh ya waa dɛ kpɔ o te tɛ dɛ sewɛ la, a taa ya che dɛ jemɛ ɡɛ nyina aa doa. A chɛ kɛŋɔ ya ɡe koh yabala waa dɛ́ ɡe kpɔ ya te tɛ kɛŋɔ yaa sewɔɔ tɛɛ ba.

Wepila 2:10

He bɛ wahala bɛlbwa haa ba na la ɔmɛ. Hɛ́ɛ no! Bɔnsam ɛɛ ɡeloo bá larawe he bane do dea, dɛ́ daah heyaa na. Hɛɛ na wahalaa kohona tɔpera fi. Dɛ seo bini kwara, he cheɡɛ kiŋkiŋ naa, mɛɛ tɛ heyaa mkpaa o ɛ kompoŋ haa yoa dɛ lɛ ba vɔwɛ heya.