Amanesoma Mak Aa Chwera Tɔn 8:29 - mzwDBL

²⁹ O berɔ bɔɔ ba ŋɔ, “Nɛn besoo he ɡe ɛɛ lii mɛ nɔ?” Anee Pita ŋɔ, “Kristo la Korowii aa baɡɛ nyoa ŋɔ wɛɛ tomɔɔ ásɛ o ba lɛ yaa laanee hen.”

Amanesoma Mak Aa Chwera Tɔn 8:29 ပူးပေါင်းရင်းမြစ်များ

Amanesoma Mak Aa Chwera Tɔn 4:11

Anee Yeesu ŋɔ ba be ŋɔ, “Korowii ta o Kora bini wobɛlbwa kpɔe sɔh he te. Kɛ nɛra baa kaa la te, sɛɡla nee mɛɛ ba waa ba be bola,

Amanesoma Luk Aa Chwera Tɔn 9:20

Asɛ o bɔɔ ba ɡe ŋɔ, “Nɛn besoo he ɡee lii mɛ nɔ?” Anee Pita chaŋo ŋɔ, “Henee Kristo la Korowii aa ŋɔa wɛɛ tomɔɔ ó ba lɛ yaa la.”

Amanesoma Jɔn Aa Chwera Tɔn 11:27

Anee o sɛh ŋɔ, “Ɔɔh, n Dɔɔ, n yaradao kɛŋɔ henee Korowii Bie Kristo baa bola ŋɔ wɛɛ ba harɛ nɔ taa la.”

Amanesoma Jɔn Aa Chwera Tɔn 4:42

dɛ ŋɔ haah la be ŋɔ, “A ta ɛɛ kɛŋɔ he waa haa bola la ɡboo ɡela ya yaradao. Ya ɡbaɡba ɡe aa kpɔ deŋne no o waa la name la, anee ɡela ya yarada dɛ jemɛ kɛŋɔ nɛra bwa Lɛɛree nɔ kpela.”

Amanesoma Jɔn Aa Chwera Tɔn 6:68

Asɛ Seemɔn Pita ŋɔ, “N Dɔɔ, dɛ ya le he be naa, ume bee yaa ba kaala ɔ? He wobol taa mkpa aa wola jaɡa dɔe do.

Amanesoma Jɔn Aa Chwera Tɔn 6:69

Ya dɛ yaradae, dɛ jemɛ kɛŋɔ henee Korowii Biɡoroŋ la.”

We-ɛɛla 8:36

Baa kpɔ ŋwɛnɛ la ta dɛɛ kaa la, ba kaa le nee bɛl ta, anee nomoa la ŋɔ Felep be ŋɔ, “Nee la. Den sɔ mɛ Korowii ne. Kɛ waane lole ja?”

We-ɛɛla 9:20

asɛ o den la bela cheremi deene bini dɛ kaa bol Yeesu waa dɛɛ baɡle nɛra dɛɛ ŋɔ Korowii Biee Yeesu.

1 Pita 2:7

He nɛra haa dɛ yaradao ɡe be la, wɛɛ ɛ Bwedɛɛɡe o wa aa hiaah tɛ heya. Asɛ nɛra baa wola on yaradae ɡe la, wɛɛ ɛ ɡɛ baa chwera Korowii Tɔn bini laanee ba be, kɛŋɔ, “Bwe la mamaala aa vɛoh dɛ liiru konsala laanee bera ba lawɛ dea kpoŋe la.”

1 Jɔn 4:15

Nomɛlbwa waa yarada Yeesu kɛŋɔ Korowii Biee on la, dɛ naate kpɔ o te pɛl Korowii, asɛ o ɡe lawɔ pɛl o te.

1 Jɔn 5:1

Nomɛlbwa waa yaradaa kɛŋɔ Yeesu ɛ Kristo la Korowii aa baɡɛ nyoa ŋɔ wɛɛ tomɔɔ la, naate ɛ Korowii bie, dɛkalkɛ dɛ he dɛ nyin nomɛl waa aa, dɛ he dɛ nyin o bie ɡe wa.