Amanesoma Mak Aa Chwera Tɔn 8:23 - mzwDBL

²³ Belaa Yeesu lawɛ nyoŋe la nɔn dɛ kpɔɔ le bwɛɛ la dahara dɛ ka ta nentane do o sie ta, dɛ kpɔ nɔɔra dawɛ o nɛ, dɛ bɔɔro ŋɔ, “He dɛ na bɔr aa?”

Amanesoma Mak Aa Chwera Tɔn 8:23 ပူးပေါင်းရင်းမြစ်များ

Aesaya 44:2

Menee Korowii maa ta heya, dɛ jemɛ heyaa mɔɔ ba lolɛ heya, dɛ cha heyaa la. He bɛ ɔmɛ, he ɛ n bonɔɔna maa le heyaa tɛ n te, n bambile lawɛ heya.

Aesaya 51:18

He bii haa lol ba bwa, bɛlbwa toole dɛ́ tɔ he sie. Bɛlbwa toole he dɛɛ ó lawɛ he nɔɔra.

Jeremia 31:32

O ne fɔo la n ne ba naawa aa fɔwa a ɡɛ saŋ maa laɡ ba le Ijipt harɛ ta la, aa beŋkpoŋ ɛɛ ba, dɛkalkɛŋɔ ba naawa fa ta fɔo la ta teŋɛ.

Amanesoma Mak Aa Chwera Tɔn 5:23

dɛ soŋo ŋɔ, “N poori, nomoa, n bihaah bwara dɛ weo wɛɛ ba sewa. Ba dɛ́ ba kpɔ he nɔɔra dawɛ o nɛɛ ásɛ o bwara do kpeɡri o ir.”

Amanesoma Mak Aa Chwera Tɔn 7:33

Yeesu kpɔ baa la le nɛra la baah ta, o ne o ɡbo ka che bokɛre, asɛ o kpɔ o nonie do baa la deŋna bini, dɛ berɛ ta nentane dɛ kpɔ leɡe o nyondoŋe,

Amanesoma Mak Aa Chwera Tɔn 8:24

Nyoŋe la laa sie ir dɛ ŋɔ, “N na nɛra baa valɛ, kɛ n dɛ na ba kɛ daa ken.”

Amanesoma Mak Aa Chwera Tɔn 8:26

Asɛ Yeesu kaoh ŋɔ ó kaa o dem dɛ bɛ a waa bol tɛ nomɛlbwa bwɛɛ bini.

We-ɛɛla 23:19

Belaa nomoa la lawɛ bonɔɔ la nɔn dɛ le o ne bokɛre dɛ pɛɛro ŋɔ, “Bɔkwa waa he dɔ dɛɛ nyin he bol n be nɔ?”

We-ɛɛla 9:8

Sɔɔl iro che dɛ pili sie, kɛ dɛ waa na, asɛ ba lawɔ daa ba Damaskɔs.

Hibru 8:9

O ne fɔo la n ne ba naawa aa fɔwa a ɡɛ saŋ maa laɡ ba le Ijipt harɛ ta la aa beŋkpoŋ ɛɛ ba, dɛkalkɛŋɔ ba naawa fa ta fɔo la ta teŋɛ. Anomanta, n ɡe laa sie kpɔ ba nɛ.

Wepila 3:18

Hé ɡel n ŋɔ he be. A wer kɛ hé yawɛ suuɡaswɛm maa kpɔ nii laa o doŋa bwa kpɔ o ta la, ásɛ dɛ dɔ kwa, dɛ́ yawɛ yapoŋa n be dɛ́ tɔ, ásɛ dɛ laa sihiih kpɔ he nɛɛ he mumɡbal cheɡa ta. Hé ba yawɛ tɛɛɡa ɡe n be, dɛ́ ka do he sibie ta dɛ́ won dɛɛ na.