Amanesoma Mak Aa Chwera Tɔn 8:12 - mzwDBL

¹² Yeesu hweero fuuu dɛ ŋɔ, “Ɛrɛɛ fini nɔ nɛra ɛɛ nyin nyokpowaa dɛ́ na nɔɔ? Kasinteŋ, maa wobɛlbwaa ɛ fini nɔ nɛra na.”

Amanesoma Mak Aa Chwera Tɔn 8:12 ပူးပေါင်းရင်းမြစ်များ

Aesaya 53:3

Nɛra haoh dɛ vɛoh, o na wahala ne weweele. Nɛra nao, dɛ laa sie kpɔ o nɛ. Ya ta on kpɔe ɛ wobɛlbwa, dɛ berɛ habɔɔ kpoo.

Matiu 12:38

Tɔnjerema la bane ne Farisii tena bane ba Yeesu be dɛ ba ŋɔ, “Nomoa, ya dɛ nyin kɛ he ɛ nyokpowaane yá na dɛ́ jemɛ kɛ kpelaa Korowii bee he le.”

Matiu 16:4

Fini nɛra haa ɛ wechɔɡ-ɛɛra ɡbo haa wola Korowii ɔmɛ nɔ, heyaa ŋɔa ń ɛ nyokpowaa he na naa? Maa wobɛlbwaa ɛ hé na. Waa aa pu Korowii keame Jona la dɔŋa ɡboo dɛɛ ba n ɡe pui, ásɛ he che a ta dɛ́ jemɛ n nɛnsoo.” Anomanta, o ɡel ba bela dɛ kaa.

Amanesoma Mak Aa Chwera Tɔn 3:5

Asɛ Yeesu nyiŋi ba bwa, o baah di. Gɛ ba liire aa do toŋɡboŋ kohona la ta o sie lɛɛ. Anee o ŋɔ baa la be ŋɔ ó tɛr nɔn. Waa tɛr o nɔn la, dɛ o nɔn la berɔ do kpeɡri.

Amanesoma Mak Aa Chwera Tɔn 6:6

Yeesu bwara yɔr ba yarada baa wola on yaradae la wa. Asɛ o la bwɛɛre la aa bɛne bela la ta ka bol Amanesoma la chaɡ ba.

Amanesoma Mak Aa Chwera Tɔn 7:34

dɛ ha sie nyiŋi nyundua dɛ hwee fuuu, dɛ ŋɔ baa la be ŋɔ, “Efata!” O munii kɛŋɔ, “Pili.”

Amanesoma Mak Aa Chwera Tɔn 8:13

Asɛ dɛ ɡel Farisii tena la bela dɛ berɛ jo ɡbera bini kaa baŋ bɛl.

Amanesoma Mak Aa Chwera Tɔn 9:19

Asɛ Yeesu chaŋe ŋɔ, “Oo! Fini nɔ nɛra wechɔɡa aa lɔ he nɛɛ nɔ, he ta yarada dɔe! Tɔpera aŋwɛnɛɛ hɛɛ nyin kɛ ń lawɛ bambile dɛ́ so he be mɔɔ he yarada Korowii ɔ? Maa tɔpere bɛl dii ba he be kpa oo! Hé kpɔ bie la ba tɛ mɛ.”

Amanesoma Luk Aa Chwera Tɔn 19:41

Baa dɛ ba bwɛjen Jerusalam tela la, Yeesu nyiŋi bwɛɛ la dɛ wi tɛ o tena.