Amanesoma Mak Aa Chwera Tɔn 8:11 - mzwDBL

¹¹ Belaa Farisii tena bane ba Yeesu be dɛ ba tɔŋlo dɛ daahno na dɛɛ nyin o ɛ nyokpowaane bá na dɛ́ jemɛ o waa kɛŋɔ o le Korowii be kpela.

Amanesoma Mak Aa Chwera Tɔn 8:11 ပူးပေါင်းရင်းမြစ်များ

Kaala 17:2

Anomanta, ba ne Mosis naɡrɔ, asɛ ba ŋɔ, “Tɛ́ yaa nee yá nyɔ.” Asɛ o chaŋe ŋɔ, “N ne he naɡra munii ame o? Ɛrɛɛ hɛɛ nyin he daah Korowii dɛ́ na nɔɔ?”

Kaala 17:7

Mosis pa bela sɔn Maasa ne Mɛreba, dɛkalkɛ Israel tena la naɡre wa dɛ daah Korowii na dɛɛ bɔɔ ŋɔ, “Korowii ja ya nɛɛ kɛɛ o ta ya nɛɛ jae yɔ?”

Malakae 3:15

Kɛ taraken nɔ, ya dɛ yerɛ nɛra baa dɛ ɛ jenu bosɔɔhna tena. Kasinteŋ, waa wechɔɡ-ɛɛra aa dɛ ɛ la, a dɛ do wer dɛɛ chiɡ ba kɛrɛdɛ, hale banɔ la baa dɛ tɔŋle Korowii dɛ vɛh o waa la aa deŋnetɛra bɛlbwa dɔ.’ ”

Matiu 12:38

Tɔnjerema la bane ne Farisii tena bane ba Yeesu be dɛ ba ŋɔ, “Nomoa, ya dɛ nyin kɛ he ɛ nyokpowaane yá na dɛ́ jemɛ kɛ kpelaa Korowii bee he le.”

Matiu 19:3

Asɛ Farisii tena bane ba bela dɛ ba kpɔ webɔɔra dɛɛ haɡro bela dɛ́ fe dɔɔ lawɛ. Ba bɔɔro ŋɔ, “Mmara dɛ tɛ yaa ŋwɛnɛ kɛŋɔ baa won che wobɛlbwa ta vɛh o haah naa?”

Matiu 21:23

Yeesu berɔ la Korowii Dea, dɛ kaa chaɡle nɛra Korowii Wa. Asɛ Sɔfonomonome ne bwɛɛ la nomonome ba bɔɔro ŋɔ, “Umee tɛɛ ŋwɛnɛ ŋɔ hé ɛ ɡɛ waa nɔ haa dɛ ɛ nɔɔ? Umee tɛɛ kpeɡri kwaraa te nɔ?”

Matiu 22:15

Farisii tena la le bokɛre dɛ ka vɔrɔwe ɡɛ baa ɛ dɛ́ dɔ Yeesu lawɛ webɔɔra ne.

Matiu 22:18

Yeesu tɔ sie jemɛ ba liichɔɡa, anomanta, o ŋɔ ba be ŋɔ, “He nɛra haa nyiŋi nɛra sie mɔɔ dɛɛ ɛ wa! Ɛrɛɛ hɛɛ nyin dɛ́ har mɛ bel nɔɔ?

Matiu 22:23

Awola tenten la, Saduki tena ba Yeesu be. Dɛ baa yarada kɛŋɔ nɛn sewaa, wɛɛ berɔɔ ir ja.

Amanesoma Mak Aa Chwera Tɔn 12:15

Dɛ Yeesu jemɛ ba wepɛɛre la mun dɛ ŋɔ, “Ɛrɛɛ hɛɛ haɡre mɛ bela nɔɔ? Hé kpɔ suuɡa bwe ba ń na.”

Amanesoma Mak Aa Chwera Tɔn 2:16

Anee Farisii tena Tɔnjerema la aa na Yeesu ne toɔ lɛɛra ne wechɔɡ-ɛɛra la aa pɛa dɛɛ di kwaa la, ba bɔɔ o habɔteŋra la ŋɔ, “Ɛrɛɛ o ne ɡɛ nɛra nɔ pɛ dɛɛ di kwaa nɔɔ?”

Amanesoma Mak Aa Chwera Tɔn 9:16

Asɛ o bɔɔ o habɔteŋra la ŋɔ, “Bɔkwa waa he ne baa tɔŋle laɔ?”

Amanesoma Luk Aa Chwera Tɔn 10:25

Tɔnjereme bɛl balɔ dɛ ba kpɔ wobol kɛ wɛɛ daah Yeesuu dɛ́ jemɛ o liire, dɛ bɔɔro ŋɔ, “Nomoa, ɛrɛɛ mɛɛ ba ɛɛ dɛ́ dɔ Korowii mkpa aa wola jaɡa dɔe bwa nɔ?”

Amanesoma Luk Aa Chwera Tɔn 11:16

Dɛ bane ɡe dɛ nyin dɛ daahno na, dɛ ŋɔ o be ŋɔ ó ɛ we-ɛɛla ane, ásɛ a baɡle kɛ o le Korowii be kpela.

Amanesoma Jɔn Aa Chwera Tɔn 4:48

Belaa Yeesu ŋɔ o be ŋɔ, “He bɛlbwa ta nyokpowaa ne wekpeɡa ane nae yaa, haa men yarada bwa.”

Amanesoma Jɔn Aa Chwera Tɔn 6:30

Asɛ ba berɛ bɔɔro ja ŋɔ, “Aah bɔkwa nyokpowaa hɛɛ ba ɛɛ ásɛ ya na dɛ yaradae nɔ? Ɛ waane yá na.

Amanesoma Jɔn Aa Chwera Tɔn 7:48

He na ya nomonome nɔ bini bɛl kɛŋɔ waa dɛ yaradao wa aa? Kɛɛ he na Farisii tena la bɛl kɛ waa dɛ yaradao?

Amanesoma Jɔn Aa Chwera Tɔn 8:6

Ba pɛɛro ɡɛ waa nɔ dɛ́ kpɔ daahno na kɛŋɔ wɛɛ bol waanee ásɛ ba fee dɔ o nyoa lawɛ. Belaa Yeesu joŋi asɛ dɛ kpɔ o nonii dɛɛ chwerɛ harɛ.

We-ɛɛla 5:9

Belaa Pita pɛɛro ŋɔ, “Ɛrɛɛ he ne he jaa nyoa pɛ asɛ he daah Korowii Domadɛɛɡe dɛɛ na nɔɔ? Bonɔɔna baa kaa huɡe he jaa laanee tel doonyoa la. Baa che he ɡee le buse.”

1 Kɔrent 10:9

Ya bɛ Korowii daah dɛɛ na ɡɛ bane fa aa daahno na, asɛ o ɡel harɛ kpɔ ba ba serewe la.

Mmarare 6:16

He bɛ Korowii haa dɛ tomɔ daah na ɡɛ haa daahno na Maasa la.