Amanesoma Mak Aa Chwera Tɔn 7:9 - mzwDBL

⁹ Yeesu berɔ ŋɔ ba be ja ŋɔ, “Hé na ɡɛ haa vɛh Korowii waa la bil dɛ lawɛ he saŋ la waa bini!

Amanesoma Mak Aa Chwera Tɔn 7:9 ပူးပေါင်းရင်းမြစ်များ

Yela 119:126

N Naa Korowii, saŋ telo kɛ he ir nyu ne, dɛkalkɛ nɛra vɛh he Mmarare la ta teŋa.

Aesaya 24:5

Harɛ ta nɛra siwi ta Korowii waa la sui, ba vɛh o Mmarare dɛ chɔɡ fɔo o ne baa fɔwa ó chɔ le saŋ bɛlbwa dɛɛ la, dɛ kpɔ doŋa kah harɛ.

Aesaya 29:13

Korowii ŋɔ, “Nɛra nɔ te, nyoa ɡbo nee baa baɡle kɛŋɔ n ne ba pɛo, nyoa ɡbo nee baa duu mɛ, kɛ ba tea bini te ta toe. Toma baa dɛ tom mɛ la, nɛwɛnyini mmarare taa baa baɡle ŋɔ nɛ́ra teŋɛ.

Daneɛl 11:36

Siiria kooro la ɛɛ ɛ ɡɛ waa dɛ nyinii, dɛɛ ɛ mbarafo, dɛɛ ɡɔɔ o te ŋɔ o ɡwaa voɡ bɛlbwa, hale Nemenɛ Korowii waa kana la. Wɛɛ ɛ ɡɛ waa nɔ bwaa ka tel saŋ Korowii aa tɛr o deŋne. Korowii ɛɛ ɛ waa waa bola ŋɔ wɛɛ ɛo laanee.

Daneɛl 7:25

Wɛɛ bol waa yaɡɛ Nemenɛ Korowiirii, ásɛ dɛ fiiɡi Korowii nɛra ba waa aa toɡra, dɛ́ takapɔ kɛŋɔ wɛɛ beɡre Korowii nɛra mmarare baa cheɡɛ a ta dɛɛ tomɛ Korowii ne tɔpejenaa. Ásɛ Korowii nɛra ba waa aa toɡra la do o lɔɡa bene atoro korobie anumɛl.

Amanesoma Mak Aa Chwera Tɔn 7:13

Hé kpɔ he saŋ la waa la haa dɛ baɡle la dɛɛ tɔ Korowii waa la ŋwɛnɛ. Waa haa dɛ ɛa ken warɔ.”

Amanesoma Mak Aa Chwera Tɔn 7:3

Dɛ ba le yawa ta ba naa, ba dɔ yaɡla bɛl baa dɛ yaɡle kondikwaa baa kpɔa le yawa ta ba la, dɛɛ loo ba numoli ne polviine ne loɡa ɡɛ saŋ la tena aa baɡla la mɔɔ dɛɛ di kwa.

Amanesoma Mak Aa Chwera Tɔn 7:5

Ba bɔɔ Yeesu ŋɔ, “Ɛrɛ waa he habɔteŋra nɔ ɛɛ jo ya kii nɛɛ baa wola sarama ya naawa aa baɡle yaa ŋɔ yá sarame ya nɔɔra mɔɔ dɛɛ di kwaa nɔɔ?”

Tɔn Pɔɔl Aa Chwerɛ Rom Tena 3:31

Aa do ɡɛ nɔ, dɛ ya dɛ yarada Yeesu aa, dɛ ya tɔ Mmara la ŋwɛnɛ kɛɛ? Akai! Yeesu yaradae nɔ te kwaraa dɛɛ ba ɡela ya won teŋɛ Mmara la ta.

2 Kɔrent 11:4

Kɛ he dɛ lawɛ bambile dɛɛ no nɛra baa ba he be dɛ baa baɡle Yeesu waa a korɛ waa ya fa aa baɡle heyaa la ta nɔ? Kɛ ba dɛ baɡle kwaa aa dɛ ir nɛra nɛɛ waa a korɛ Korowii Domadɛɛɡe waa soɡe he nɛɛ la ta, kɛɛ ba dɛ baɡle heyaa amanesoma a korɛ anɔ la ya fa aa baɡle heyaa la ta naa, he dɛ lawɛ bambile dɛɛ no ba be nɔ?

Galaasia 1:14

Dɛ n dɛ teŋɛ ya Juu tena Korowii toma ŋwɛnɛ la ta ɡwaa n nyudɔŋa baa ɛ Juu tena kɛrɛdɛ, dɛɛ teŋɛ ya Juu tena nawee waa ɡe ta ɡwaa nomɛlbwa.

Galaasia 2:21

Maa sɛh ɡel Korowii nɛra nɛɛ suna la ɛ pɛɛ. Dɛ Mosis Mmara ta teŋa taa a che nɛn ɛ nɛndɛɛɡe o waa su Korowii siwi aa, amɔ te dɛ pɛɛpɛɛ Yeesu Kristo sewɛ la.”

2 Tesalonika 2:4

Wɛɛ ɛ o tenee dɛ́ ɡwaa komɛlbwa nɛra aa dɛ toma dɛɛ yera ba dɔɔranar, hale wɛɛ kpɔ Korowii Dea berɛ sobɔr dɛ́ ŋɔ onee Korowii.