Gɛ nɛra nɔ bwa noɔ kɛŋɔ haa dɛ ɡaaɡe la, he ka dɛ baɡle Juu tena baa lɔ harɛre aa wola Juu tena harɛre ɛɛ ta la ŋɔ bá ɡel Mosis Mmara la ta teŋa. Hale ba ŋɔ he ŋɔ bá ɡel ba bii pena teŋa, dɛ ŋɔ ba bɛ Juu tena kii te bɛlbwa ta dɛɛ teŋɛ. Mosis Mmara ɡe ta ŋwɛnɛ ɡɛ tɛɛ.
Kpɔ ba la Korowii Dea, ásɛ he ne ba ka pɛ ɛ we-ɛɛla haa dɛ ba ɛɛ, ásɛ dɛ laa doŋa kpɔ he nɛɛ la. He laŋaa, hé bɔ ba kem aa chɛ kɛ ba bɔ waa la ta la tɛɛ ba, ásɛ ba won fonɛ ba nyuune. He ɛ ken aa, nɛra bwa ɛɛ jemɔɔ kɛŋɔ haŋaa ba haŋɛ he nyoa. Baa nao kɛŋɔ he ɡbabir dɛ teŋɛ Mosis Mmara la ta.
Yabala, ya cheɡɛ ya Dɔɔ Yeesu Kristo sɔn ta dɛɛ ŋɔ he be ŋɔ, he bini bɛlbwa dɛ ɛ bɔhwaah o ta sɛɛh dɛɛ ɛ toma ɡɛ yaa baɡla la aa, hé ɡelo, he ne o bɛ pɛ.