Amanesoma Mak Aa Chwera Tɔn 7:27 - mzwDBL

²⁷ Waa wola Juu te ɛɛ la, Yeesu ŋɔ o be ŋɔ, “A chɛ kɛ bechale di kwaa vaɡre mɔɔ nyootena ɡe di. Aa were kɛ ba kpɔ bechale kondikwaa tɛ nyootena.”

Amanesoma Mak Aa Chwera Tɔn 7:27 ပူးပေါင်းရင်းမြစ်များ

We-ɛɛla 22:21

Anee o ŋɔ n be ŋɔ, ‘Kaa! Mɛɛ ɡeloo he kaa bojaŋ, dɛ́ la nɛra baa wola Juu tena ɛɛ be.’ ”

Matiu 10:5

Yeesu aa dɛ tomɛ a ɡɛ nɛra fi dɛ banɛ nɔ la, o do ba ŋɔ, “He bɛ nɛra baa wola Juu tena ɛɛ la harɛ ta la, he bɛ Samaria bwɛɛ bɛlbwa ta la.

Matiu 7:6

Dɛ hé dɛ bol Korowii Amanesoma dɛɛ baɡle nɛra, asɛ baa no dɛ ɛa kɛ wesalee yaa, hé ɡel ba, dɛkalkɛŋɔ he kpɔ kondɛɛɡa tɛ nyootena aa, aa wola a waa jemɛ la, aa ɡelaa dɛ́ ba dorome. He kpɔ kondɛɛɡa ta parakooni ɡe aa, aa tiɡri a taa dɛ́ laa chɔɡ.”

Ɛfesos 2:12

He fa aa Kristo Korowii aa baɡɛ nyoa ŋɔ wɛɛ tomɔɔ ó ba lɛ yaa la waa jemɛ. He fa ta Juu tena Korowii aa lee ba dɛ ɡel ba ɛ o nɛra la nɛɛ jae. He fa aa nyoo Korowii aa baɡa dɛ kwaa o ne o nɛra fɔo dɔe la waa jemɛ. He fa ta hwɛɡa bɛlbwa dɔe. He fa aa Korowii jemɛ ó won cha heya.

Tɔn Pɔɔl Aa Chwerɛ Rom Tena 15:8

dɛkalkɛŋɔ Yeesu Kristo wono ɛ toma Juu tena bini, asɛ dɛ chaɡle kɛ Korowii waa dɔ kasinteŋ. Anee Korowii ɛ dɛ chuɡri o nyobaɡa waa baɡɛ Israel tena naawa la,

Amanesoma Mak Aa Chwera Tɔn 7:26

dɛ soŋo ŋɔ ó doŋi kwaa la le o bihaah la nɛɛ tɛo. Haah la ta Juu te ɛɛ, kɛ lola bini te, Siiria harɛ bobɛl baa dɛ yerɛ bela Finiisia tee.

Amanesoma Mak Aa Chwera Tɔn 7:28

Haah la wono no a mun dɛ ŋɔ, “Kpelaa he ŋɔ, Nomoa, kɛ nyootena aa bechale kondikompuɡrere aa leera la ɡe di aa?”