Amanesoma Mak Aa Chwera Tɔn 6:21 - mzwDBL

²¹ Tɔpere aa tela kɛ kooro la di o lola tɔpere la, o ɛ kondikwaa dɛ yawɛ sene dɛ hɛlɛ, dɛ lɛ o koranar baa sawɔ ne Galilia nomonome bwa sie.

Amanesoma Mak Aa Chwera Tɔn 6:21 ပူးပေါင်းရင်းမြစ်များ

Mumpar 27:41

Gɛ Jekɔb aa neɡre o mɛɛ o soŋe andɛɛɡa tɛo la, Esɔ haoh. O lii o nyu bini ŋɔ, “Aa biɡri bɛlbwa n mɛɛ sewɛ. Ba baa ɛ o lwe tonaa, ásɛ n kpo Jekɔb.”

Mumpar 40:20

A habɔɔ tɔpetooro wee la, kooro la dɛ di o lola tɔpere, asɛ dɛ yerɛ o nomonome bwa. O le o sendoola nomoa la ne paanowɔɔra nomoa la, dɛ kpɔ ba ba o nɛra la sie.

Ɛsta 2:18

Kooro ɡelɔ ba ɛ kondikonjena a warɛ kohona tɛ Ɛsta waa ɛo o haah la. O yerɛ o nomonjena ne nɛra baa dɛ tomɔ la bwa, ba ba di kwaa dɛ lɛ ba sie. Dɛ ɛ awola tɔpere la ona tɔpere, dɛ kɛ nɛra kwaa kohona aa baɡle kan waa doa.

Ɛsta 3:7

Kooro Sɛksɛs kora dii bene fi dɛ anɛ Nisan korobie ta la, Heeman ɡelɔ ba bil daa o sie, dɛ́ lawɛ korobie ne tɔpere waa wera tɛo, ó kpɔ ɛ waa waa vɔrɔwa la. Korobie baa lawɔ laanee Nisan korobie.

Hosia 7:5

Kooro tɔpejen bɛl dii ta la, nomonome la nyɔ sen dɛɛ, asɛ kooro ne sennyɔɔra la dɛɛ, dɛɛ ɛ ɡɛnewa.

Amanesoma Luk Aa Chwera Tɔn 3:1

Gɛ saŋ Siisa Tibeereɔs aa di Rom kora bene fi dɛ anue la, dɛ Pɔnteɔs Paelet ɛ Juda harɛ nomoa, asɛ Hɛrɔd ɛ Galilia harɛ kooro, asɛ o dɔɔ Felep ɛ Ituria ne Trakonaetes harɛre kooro. Dɛ Laiseenias ɛ Abilini harɛ kooro,

We-ɛɛla 25:23

Tɔ aa pera la, Kooro Aɡrepa ne Bɛnes do ba koolaala, asɛ ba waa dɔ nyɛl kohona, asɛ ba ne bela bwɛjen soojanomonome ne bela nomonjena ba jo lamu ta. Baa chema la, Fɛstɔs ɡelɔ ba ba Pɔɔl ne.

1 Pita 4:3

Waa nɛra baa wola Korowii tomɛ aa dɛ ɛa asɛ he fa aa ɛa la, he ta a nyoa nae yaa? Dɛ he sie dɛ lɛ jwamane ne pɛlchɔɡa we-ɛɛla ta. Dɛ he dɛ sɔ sen, dɛɛ ɛ saɡasaɡa, dɛ lawɛ dɔŋa dɛɛ nyɔ sennyɔbala. Dɛ he dɛ tomɛ voɡa dɛɛ jo Korowii kii nɛ.

Wepila 11:10

Nɛra baa lɔ harɛ nɔ ta ɛɛ koh ba seo la waa ba sie lɛ ba baah sɔɔh ba. Baa chemoo dɛ́ lɛ sie, dɛ́ kɛ dɔŋa kwa, dɛkalkɛŋɔ a ɡɛ Korowii toroma banɛ la fa kpɔ wahala ta ba nɛɛ taeh.