Amanesoma Mak Aa Chwera Tɔn 5:35 - mzwDBL

³⁵ Yeesu nyoa ta aa lɔ waa waa dɛ bol la ta la, nɛra bane le cheremi dea nomoa la dem dɛ ba ŋɔ nomoa la be ŋɔ, “He bihaah la sewɔ. Ɛrɛɛ hɛɛ ha nomoa nɔ jaɔ?”

Amanesoma Mak Aa Chwera Tɔn 5:35 ပူးပေါင်းရင်းမြစ်များ

Matiu 26:10

Yeesu aa no ɡɛ baa dɛ bol la, o pɛɛ ba ŋɔ, “Ɛrɛ waa hɛɛ pwah haah nɔ nɔɔ? Wedɛɛɡa tentenee o ɛ tɛ mɛ la.

Matiu 26:18

Anee Yeesu ŋɔ, “Hé la bwɛjen bini, hɛɛ na baa bɛl maa jemɔ ásɛ dɛ ŋɔ o be ŋɔ, ‘Nomoa la ŋɔ o tɔpere telo ŋɔ o ne o habɔteŋra dɛ ba bá di Galekaa kondikwaa la he dem.’ ”

Matiu 9:18

Yeesu ta aa dɛ bol waa nɔ la, cheremi dea nomoa bɛl baa ɡuŋi o sie dɛ ŋɔ, “N bie sewɔ taraken. Kɛ ba kpɔ nɔn dawɛ o nɛ, ásɛ o berɛ ir.”

Amanesoma Mak Aa Chwera Tɔn 10:17

Yeesu aa bera dɛɛ ba ŋwɛnɛ ta lee dɛ kaa la, baa bɛl chwao dɛ ba ɡuŋi o sie dɛ ŋɔ, “Nomondɛɛɡe, ɛrɛɛ chɛ kɛŋɔ ń ɛ dɛ́ dɔ Korowii mkpa aa wola jaɡa dɔe bwa nɔ?”

Amanesoma Mak Aa Chwera Tɔn 5:22

Belaa cheremi dea nomonome la bɛl baa dɛ yerɔ Jaerɔs ba bela dɛ ba na Yeesu, dɛ ɡuŋi o sie dɛ lawɛ o nakpala,

Amanesoma Luk Aa Chwera Tɔn 8:49

Yeesu nyoa taa lɔ waa waa dɛ bol la ta la, torome le cheremi dea nomoa la dem dɛ ba ŋɔ nomoa la be ŋɔ, “He bihaah la sewɔ. Bɛ berɛ ha nomoa la kpa.”

Amanesoma Jɔn Aa Chwera Tɔn 11:21

Maata aa chemo la, o ŋɔ o be ŋɔ, “N Dɔɔ, he fe lɔ bonɔ naa, n nimambie nɔ fe ta sewɛ nɔ.

Amanesoma Jɔn Aa Chwera Tɔn 11:25

Asɛ Yeesu ŋɔ o be ŋɔ, “Menee dɛɛ chum nɛra seo ta, menee dɛɛ tɛɛ ba mkpa. Nomɛlbwa waa yarada mɛ la, dɛ o sewɔ kwaraa naa, wɛɛ dɔ mkpaa.

Amanesoma Jɔn Aa Chwera Tɔn 11:28

Maata aa bol ɡɛ tonɛ la, o berɔ la dem dɛ ka sɔh bol Mɛɛre be ŋɔ, “Nomoa la balɔ dɛɛ pɛɛ he wa.”

Amanesoma Jɔn Aa Chwera Tɔn 11:32

Mɛɛre aa tel bela Yeesu aa lole asɛ dɛ nao la, o kaa ɡuŋi o sie dɛ ŋɔ, “Nomoa, he fe lɔ bonɔ naa, n nimambie nɔ fe ta sewɛ nɔ.”

Amanesoma Jɔn Aa Chwera Tɔn 11:39

Yeesu ŋɔ ba be ŋɔ, “Hé laa bwe la ɡbili le bɔɔ la nyoa.” Belaa Maata waa ɛ Lasorɔs nimambie la ŋɔ o be ŋɔ. “N Dɔɔ, taraken o ken ka chɔɡɔ dɛ do sɔɔh, dɛkalkɛ o tɔpera anaarɛɛ la.”

Amanesoma Jɔn Aa Chwera Tɔn 5:25

Kasinteŋ, n dɛ ŋɔ he be ja kɛŋɔ saŋ bɛl ɛɛ bao ásɛ nɛra baa serewa no men Korowii Bie la taa, ásɛ banɔ la baa dɛ no la dɔ Korowii mkpa. Tɔpere la dɔɔ tel kwara.