Amanesoma Mak Aa Chwera Tɔn 5:34 - mzwDBL

³⁴ Yeesu ŋɔ o be ŋɔ, “Tolo, he yarada lɛɛ. Kaa bosɔɔhna ne, ásɛ he bwara do kpeɡri.”

Amanesoma Mak Aa Chwera Tɔn 5:34 ပူးပေါင်းရင်းမြစ်များ

Amanesoma Luk Aa Chwera Tɔn 8:48

Anee Yeesu ŋɔ o be ŋɔ, “Tolo, he yarada haa yarada mɛ la ɡelɔ he ɡbaŋre. Dɛɛ la. Korowii tɛɛ bosɔɔhna.”

Matiu 9:22

Yeesu ke nyiŋi dɛ na haah la, asɛ dɛ ŋɔ, “Tolo, sɔɔh bwara. He yarada haa yarada mɛ la ɡelɔ he ɡbaŋre.” Gɛ waa nɔ taa haah la ɡbaŋre.

Amanesoma Luk Aa Chwera Tɔn 18:42

Belaa Yeesu ŋɔ o be ŋɔ, “He yarada lɛɛ. N chaeh. Na bɔr.”

Amanesoma Luk Aa Chwera Tɔn 7:50

Asɛ Yeesu ŋɔ haah la be ŋɔ, “He yarada haa yarada mɛ nɔ lɛɛ. Ir dɛɛ la. Kórowii tɛɛ bosɔɔhna.”

Amanesoma Mak Aa Chwera Tɔn 5:29

Buɡ la ta, chal la aa dɛ fuɡo la teŋe. O na o bwadabii bini kɛ o weela la kaalɔ.

We-ɛɛla 14:9

Pɔɔl aa dɛ bol waa la bwa dɛ boobi la soɡe bela, dɛ cheɡ deŋne dɛɛ no o be. Pɔɔl nao kɛ boobi la yarada waa waa dɛ bol la, dɛ na kɛ wɛɛ wonoo che o yarada la ta dɛ́ chaoh. Belaa o pa sie boobi la be,

Amanesoma Luk Aa Chwera Tɔn 17:19

Yeesu ŋɔ o be ŋɔ, “Ir kaa, yarada haa yarada mɛ nɔɔ ɡela he dɔ he te.”

Amanesoma Mak Aa Chwera Tɔn 10:52

Asɛ Yeesu ŋɔ o be ŋɔ, “Kaa. He yarada haa yarada mɛ la ɡelɔ he dɔ bokpeɡa.” Buɡ la ta, dɛ o wono dɛɛ na, dɛ teŋɛ Yeesu nɛɛ ŋwɛnɛ la ta.

Matiu 9:2

Belaa nɛra bane kpɔ weela te bɛl waa kuuɡa so fɔɔ kalaŋ ta dɛɛ chemo. Yeesu aa na ɡɛ baa yaradao la, o ŋɔ naate waa kuuɡa la be ŋɔ, “Sɔɔh bwara. Aa maɡroo, n bie. N kpɔ he wechɔɡa kɛɛ.”

2 Koranar 5:19

Anee Elaesa ŋɔ o be ŋɔ, “Kpɔ deŋnesɔɔhna kaa.” Asɛ Naaman kaa, waa tel sie tama la,

1 Samoɛl 1:17

Ate, sɔfo Eli ŋɔ, “Kaa deŋnesɔɔhna ne, Korowii Israel tena aa dɛ tomɔ la tɛɛ komɛlbwa haa dɛ nyin.”

1 Samoɛl 20:42

Jonatan ŋɔ Devid be ŋɔ, “Kaa deŋnesɔɔhna ne, ya bwa ŋwɛɛrɔ Korowii sɔn ta ŋɔ, ‘Korowii ɛ ya danseɛ dɛ́ chɔ le tɛ n ne hen, he naanar ne n ɡe naanar baah saŋ bɛlbwa dɛɛ la.’ ” Belaa Devid kaa asɛ Jonatan ɡe berɛ kaa bwɛɛ la ta.

Wejereme 9:7

Kaa ka di kondikwaa dɛ́ nyɔ sen silɛɛ ne, kɛ taraken Korowii sie dɛ lɛ waa haa dɛ ɛ ta.

Amanesoma Mak Aa Chwera Tɔn 3:10

Waa chah nɛra kohona nomanta, weela tena la kar ta dɛ nyinu dɛ leɡe.

Amanesoma Mak Aa Chwera Tɔn 5:33

Haah la aa naa ɡɛ Yeesu aa ɛa tɛo la, o kpɔ ɔmee ne bochela dɛ ba ɡuŋi o sie, dɛ bol o weela la bwa waa baɡlo.

We-ɛɛla 15:33

Ba soɡe Anteɔk tama, asɛ ba bala la ŋɔ bá berɛ la nɛra baa tom ba la be, dɛ ŋɔ Kórowii la ba ne sɔnɔnɔɔ.

We-ɛɛla 16:36

Belaa o ŋɔ Pɔɔl be ŋɔ, “Rom nomonome tomɛ nɛra ŋɔ bá ba le he ne Silas dea. Anomanta, hé le, dɛ́ kaa. Kórowii ka do heya.”

Jems 2:16

asɛ he ŋɔ o be ŋɔ, “Kórowii tɛɛ bokpeɡa dɛ tɛɛ bosɔɔhna,” dɛ vɔmɔ kwaa aa tɛo bokpeɡa la te naa, dɛ tɔnɔ besoo lɔ waa haa bola tɛo la ta nɔ?

Lewi Dea Tena 14:48

Kɛ dɛ ba maa dem la asɛ a habɔɔ sɔfo la ba nyiŋi dɛ na kɛŋɔ konfɔɔla la ta dii jo aa, wɛɛ ŋɔɔ doŋa toole o ta, dɛkalkɛ konfɔɔla la toole o ta kpa.