Amanesoma Mak Aa Chwera Tɔn 5:13 - mzwDBL

¹³ Asɛ Yeesu tɛa ŋwɛnɛ, a le baa la nɛɛ dɛ ka jo parakooni la nɛ. Belaa parakooni damanta dɛ ɛ kaɡboŋa anɛ la bwa chwa biribiribiri dɛ wili diŋɡoŋ bɛl dɛ ka lee moo la ta dɛ serewe kwaraa.

Amanesoma Mak Aa Chwera Tɔn 5:13 ပူးပေါင်းရင်းမြစ်များ

1 Koranar 22:22

Asɛ Korowii chaŋe ŋɔ, ‘Ŋwɛnɛ besoo taa hɛɛ ba kpɔe neɡro wɔ?’ Asɛ doma la ŋɔ, ‘Mɛɛ ɡeloo Korowii keamere baa dɛ tomɛ Kooro Ahab neɡro.’ Asɛ Korowii ŋɔ, ‘Kaa dɛ́ ka ɛ ɡɛ.’ ”

Job Tɔn 1:12

Anee Korowii ŋɔ Bɔnsam be ŋɔ, “A wer, komɛlbwa waa dɔa la lɔ he nɔn ta, kɛ o te ɡbabir te, bɛ nɔn kpɔ leɡo.” Asɛ Bɔnsam le Korowii be dɛ kaa.

Job Tɔn 2:6

Belaa Korowii ŋɔ Bɔnsam be ŋɔ, “A wer ɡa, n kpɔɔ do he nɔn ta, kɛ na kɛ haa on kpo.”

Matiu 7:6

Dɛ hé dɛ bol Korowii Amanesoma dɛɛ baɡle nɛra, asɛ baa no dɛ ɛa kɛ wesalee yaa, hé ɡel ba, dɛkalkɛŋɔ he kpɔ kondɛɛɡa tɛ nyootena aa, aa wola a waa jemɛ la, aa ɡelaa dɛ́ ba dorome. He kpɔ kondɛɛɡa ta parakooni ɡe aa, aa tiɡri a taa dɛ́ laa chɔɡ.”

Matiu 8:32

Yeesu kɔra ŋɔ, “Hé kaa!” Asɛ a bwa den le ka so parakooni la nɛ, asɛ a ɡe bwa den ɡbomɛ biribiribiri, dɛ wili diŋɡoŋ ka le moo la ta dɛ serewe.

Amanesoma Mak Aa Chwera Tɔn 5:12

Anee kwaa la aa dɛ ir baa la nɛɛ la soŋe Yeesu ŋɔ ó ɡel a kaa parakooni la nɛ.

Amanesoma Mak Aa Chwera Tɔn 5:14

Belaa nɛra baa dɛ nyiŋi parakooni la chwa, dɛ la bwɛɛ la ta ne daamune aa bɛne bela la ta, dɛ ka bol waa aa chiɡa la. Asɛ nɛra la le ba bwɛɛre ta dɛ ka na waa aa chiɡa,

Amanesoma Jɔn Aa Chwera Tɔn 8:44

Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

1 Pita 3:22

O kaa Korowii be nyundua, dɛ ka so nomombɔr o diɡ ta, dɛɛ di kora nyundua toroma ne konchɔɡa aa bea yaa wola an na bwa soo siwi nɛ.

Wepila 20:7

Dɛ bene kaɡboŋ la telaa, baa pur Bɔnsamee dɛ́ yao ta.

Wepila 9:11

A dɔ a kooro. O ɛ Bɔnsam torome waa dɛ nyiŋi Bɔnsam Bɔluŋ la ta. Hibru tena dɛ yerɔ Abadɔn, Grik tena ɡe ɛɛ yerɔ Apoleɔn. O sɔn la munii “Nɛn waa dɛ chɔɡ kwa.”