Amanesoma Mak Aa Chwera Tɔn 4:8 - mzwDBL

⁸ Asɛ anɔ la aa lee harɛdɛɛɡe ta la le, dɛ do wer dɛ ɛ. Ane ma fifraatotoro, ane ma fifraanunumɛla, asɛ ane ɡe ma lafare.”

Amanesoma Mak Aa Chwera Tɔn 4:8 ပူးပေါင်းရင်းမြစ်များ

Mumpar 26:12

A bena la, Aesek parɔ dɛ dɔ kondikwaa kohona. Kwaa waa para la bele lafaa o dɔ dɛkalkɛ Korowii tɛo hɛɛra.

Aesaya 58:1

Korowii ŋɔ, “Kpɔ takpeɡ bol wa, bɛ hel! Gel he taa le kohona kɛŋɔ bɛla! Ŋɔ n nɛra Israel tena be ba deŋnekpeɡ ne ba wechɔɡa baa ɛɛ mɛ la wa.

Jeremia 23:29

N waa la do kɛŋɔ nii, dɛ berɛ do kɛ hamba waa won bwea paɡra burbur ken. Men Korowiirii bola.

Matiu 13:23

Asɛ mea la aa lee harɛdɛɛɡe ta la ɡe cheɡɔ tɛ nɛra baa no Korowii Waa la dɛ lawɛ a bini, a dɔ tɔnɔ tɛɛ ba kɛŋɔ mea la aa ɛa kɛrɛdɛ, ane ma lafare, ane ma fifraanunumɛla, ane ma fifraatotoro la.”

Matiu 13:8

Kɛ anɔ la aa lee harɛdɛɛɡe ta la te leɔ, asɛ dɛ ma kohona. Ane ma lafare, ane ma fifraanunumɛla, asɛ ane ɡe ma fifraatotoro.”

Amanesoma Mak Aa Chwera Tɔn 4:20

Nɛra baa dɛ no Korowii Waa la bane ɡe do kɛ mea la aa lee harɛdɛɛɡe ta dɛ le, asɛ dɛ ma fifraatotoro ne fifraanunumɛla ne lafare la, dɛkalkɛ ba no Korowii Waa la aa, ba dɛ kpoŋe a bini, dɛ́ ɡel a dɔ tɔnɔ.”

Amanesoma Mak Aa Chwera Tɔn 4:7

Ane lee sɔɔhne baah dɛ le, asɛ sɔɔhne la kpeɡ dɛ lawa, a ta wone ɛ.

Amanesoma Mak Aa Chwera Tɔn 4:9

Anee Yeesu ŋɔ, “Nomɛlbwa waa dɛ nyin dɛ́ no la, ó no.”

Amanesoma Luk Aa Chwera Tɔn 8:15

Anɔ la ɡe aa lee harɛdɛɛɡe ta dɛ le dɛ do wer dɛ ma kohona la ɡee nɛra baa no Korowii Waa la dɛ kpoŋe a bini kɛrɛdɛ, dɛ dɔ bambile dɛ teŋɛ a ta, dɛ́ ɡel a dɔ tɔnɔ la.”

Amanesoma Luk Aa Chwera Tɔn 8:8

Ane ɡe lee harɛdɛɛɡe ta dɛ le, dɛ do wer kɛrɛdɛ, asɛ mendaa bɛlbwa ɛ bie lafa.” Yeesu aa bol waa nɔ tonɛ la, o kpɔ takpeɡ ŋɔ, “Nomɛlbwa waa dɛ nyin dɛ́ no la, ó no!”

Amanesoma Jɔn Aa Chwera Tɔn 15:5

Menee ɡrepo daa la, asɛ he ɡee o kpala. Dɛ he bɛlbwa choŋi n nɛɛ kɛrɛdɛ asɛ n ɡe lawɔ pɛl n te naa, anee ó won nɔnɛ kɛrɛdɛ. Dɛ he ta n nɛɛ cheɡɛ te naa, haa won ɛ wobɛlbwa.

Amanesoma Jɔn Aa Chwera Tɔn 7:17

Dɛ nomɛlbwa sɛoh kɛ wɛɛ ɛ Korowii tetoowaa te naa, wɛɛ won jemɛ kɛŋɔ kasinteŋ waa aa le Korowii bee mɛɛ bol la. N ɡbaɡba webaɡla laa.

We-ɛɛla 17:11

Dɛ bela Juu tena la waa do kɛrɛdɛ ɡwaa Tesalonika Juu tena, dɛkalkɛŋɔ ba lɛ Yeesu waa la silɛɛ ne, dɛ won dɛɛ nyiŋi Korowii Tɔn bini tɔpere bɛlbwa dɛ́ɛ na, dɛ́ jemɛ kɛ waa Pɔɔl aa dɛ bol la, kpelaa kɛɛ nyosonee yɔ.

Ɛfesos 2:21

Onee lawɛ banɔ la bwa ba ne waa pɛa la kpoŋe, asɛ dea la ɛɛ kpeɡ dɛ ɛ Korowii Dea, o nomanta.

Felepae 1:11

N dɛ soŋo kɛ he che Yeesu Kristo kpeɡri la ta dɛ́ won dɛɛ ɛ wedɛɛɡa kɛrɛdɛ, ásɛ nɛra ɛɛ tɛ Korowii sɔn ne jirima.

Kolosi 1:6

Amanesoma la perɔ, nɛra ɛɛ noa harɛ nɔ ta bobɛlbwa, aa ba hɛɛra ne. Gɛ tentenee aa ba hɛɛra ne he be dɛ le awola haa noa Korowii pili he sie he jemɛ suna waa sune he nɛɛ dɛ cha heyaa la.