Amanesoma Mak Aa Chwera Tɔn 4:39 - mzwDBL

³⁹ Asɛ Yeesu ir dɛ kɔr peu la ŋɔ, “Gel!” Dɛ berɛ ŋɔ nehɛma la be ŋɔ, “Hel!” Belaa peu la ɡel, asɛ bɔr hel kerker ken.

Amanesoma Mak Aa Chwera Tɔn 4:39 ပူးပေါင်းရင်းမြစ်များ

Yela 107:29

O ɡelɔ peukpeɡ la nyoa sɔɔh, asɛ nehɛma la ɡel lɔe.

Yela 89:9

Mpo nehɛma dɛ ta kohona naa, henee dɛɛ di kpeɡri o ta, he wono ɡel wɛɛ hel.

Yela 65:7

He ɡelɔ mpo nehɛma sii nyoa hel, asɛ harɛre nɛra nyoa sɔɔh, moola baa dɛ moo ta.

Yela 29:10

Korowii dɛ di kora mpo vile ta, o dɛ di kora saŋ bɛlbwa dɛɛ la.

Jeremia 5:22

Menee Korowii, amɔ haa men ɔmaa? A ta chɛ kɛ hɛɛ chel n sie naa? Menee ɡela hɛŋle ɛ mpo jwɛh, o do le saŋ bɛlbwa mpo aa wola won su ɡale. Nehɛma ɛɛ won ta ɡɛ bɛlbwa, kɛɛ dɛɛ si kohona, kɛ aa won ɡale kaa hɛŋle baŋ.

Sɛɡla 8:29

N lole o maɡɛ bela mpo aa dɛɛ jaɡɛ, dɛ ŋɔ o bɛ bela ba ɡarɛ, ne ɡɛ saŋ waa pe harɛ mun.

Yela 148:8

Bwaala nyɛɡla ne dombwea, ne baama dɛ peukpeɡa aa dɛ no o be,

Job Tɔn 38:11

dɛ ŋɔ, ‘Bonɔɔ hɛɛ ba wona ba jaɡɛ, haa ɡarɛ! He nehɛma aa kpeɡa la nyoa ɡe jaɡɛ bonɔ.’

Kaala 14:22

asɛ Israel tena valɛ harɛpɛɛ waa hola ta dɛ le o baŋ. Nee la pero che kɛŋɔ danjwɛ dɛ do ba diɡ ne ɡal,

Amanesoma Mak Aa Chwera Tɔn 9:25

Asɛ Yeesu aa baa na kɛŋɔ nɛra wuro dɛɛ ba ba tɔ ba nɛɛ la, o den kɔr kwaa aa dɛ ir bie la nɛɛ la ŋɔ, “He konchɔɡa haa dɛ ir bie nɔ nɛɛ waa wola waa no, waa berɛ won dɛɛ bol waa ɡe nɔ, n ŋɔ he be ŋɔ hé le o nɛ! He bɛ o nɛɛ ba so kpa bwa!”

Kaala 14:16

Tɛr he daŋɡbala la pa Mposwɛm la ta, ásɛ o bini pere Israel tena la won valɛ o bini le kɛŋɔ harɛpɛɛ ta.

Amanesoma Luk Aa Chwera Tɔn 4:39

Belaa o la weela te la be o chɔɔbɔr, dɛ ka che o jwɛh, dɛ kɔr o weela la, asɛ a le o nɛ o bwara sɔɔhno, buɡ la ta, o ir dɛ daa kwaa tɛɛ ba.

Neehum 1:4

O dɛ bol wa mpo hweeh, dɛ́ ɡel neerare bwa hweeh. Basan harɛdɛɛɡe ne Kaamɛl Bwejen bwa dɛ hol, asɛ Lɛbanɔn daa fee bwa ɡe ɛɛ serewe.

Wiile 3:31

Korowii dɛ sune nɛra nɛ, waa won den vɛɛh ba ka tonɛ.

Matiu 8:26

Anee Yeesu ŋɔ, “Oo! Ɛrɛɛ hɛɛ ɔmɛ kohona ɡɛ nɔɔ? Haa men yarada kwaraa!” Asɛ o den ir, dɛ kɔr peujen la ne nehɛma la ŋɔ á ɡel ɡɛ. Waa bol ɡɛ la, dɛ bɔr denɔ hel kerkerker ken.

Amanesoma Mak Aa Chwera Tɔn 4:38

Dɛ Yeesu te serɛ o kapuri dɛɛ chɔ dom ɡbera la mun ta. Anee o habɔteŋra la chumu dɛ ŋɔ, “Nomoa, yaa dɛ ba mora nɔ, he waane laa kɛɛ?”

Amanesoma Luk Aa Chwera Tɔn 4:35

Anee Yeesu kɔr kwaa la aa lɔ baa la nɛɛ la ŋɔ, “Hé tɔ nyoa dɛ́ le o nɛ!” Belaa a lɔ baa la bil nɛra la siwi ta. A ta on wobɛlbwa ɛɛ, dɛ le o nɛɛ dɛ kaa.

Amanesoma Luk Aa Chwera Tɔn 8:24

Anee o habɔteŋra la chumu dɛ ŋɔ, “Nomoa, ya serewɔ tonɛ!” Belaa o ir dɛ kɔr peu la ne nehɛma la, asɛ a hel, asɛ bɔr hel kerker ken.