Amanesoma Mak Aa Chwera Tɔn 4:38 - mzwDBL

³⁸ Dɛ Yeesu te serɛ o kapuri dɛɛ chɔ dom ɡbera la mun ta. Anee o habɔteŋra la chumu dɛ ŋɔ, “Nomoa, yaa dɛ ba mora nɔ, he waane laa kɛɛ?”

Amanesoma Mak Aa Chwera Tɔn 4:38 ပူးပေါင်းရင်းမြစ်များ

Aesaya 63:15

N Naa Korowii, ba sie ne harɛ le nyundua boɡoroŋ bela haa soɡa ne jirima haa dɔa dɛ́ nyiŋi yaa. Leperaa nyina he fa aa dɛ nyin ya waa la dɔɔ? Leperaa he kpeɡri la dɔɔ? He nyina ne he tedoma la sɛ? Bɛ yaa ta.

Aesaya 64:12

N Naa Korowii, dɛ he na anɔ bwa ken aa, hɛɛ soo nyiŋi dɛ́ ɡel ya na waa a ɡwaa yaa nɛɛ kohona naa?

Wiile 3:8

Hale n kpɔ takpeɡ yerɛ dɛ soŋe Korowii ŋɔ ó cha mɛ kwaraa naa, waa n be no.

Matiu 22:16

Anomanta, ba tomɛ ba habɔteŋra bane ne Hɛrɔd nɛra bane, ba ba o be dɛ ba ŋɔ, “Nomoa, ya jemɔ kɛŋɔ kasinteŋ ɡboo hɛɛ bol, haa nyosone teŋe. Korowii ŋwɛnɛɛ hɛɛ chaɡle nɛra kasinteŋ ne. He ta bolɛ dɛɛ ɔmɛ a habɔɔ kɛŋɔ a dɛ do bane som, kɛɛ a dɛ we bane bambile nɔ. Haa nɛra siebɔr nyiŋi dɛɛ bol wa, kɛŋɔ bɛl ɛ kooro kɛɛ nomoa kɛɛ bechala nɔ.

Matiu 8:25

O habɔteŋra la kaa chumu dɛ ŋɔ, “Ya Dɔɔ, lɛ yaa! Ya dɛ ba serewa!”

Amanesoma Mak Aa Chwera Tɔn 4:37

Baa dɛ kaa la, buɡ la ta, peujen bɛl tao, dɛ kpɔ nehɛma dɛɛ jo ba ɡbera la bini wɛɛ ba sui.

Amanesoma Mak Aa Chwera Tɔn 4:39

Asɛ Yeesu ir dɛ kɔr peu la ŋɔ, “Gel!” Dɛ berɛ ŋɔ nehɛma la be ŋɔ, “Hel!” Belaa peu la ɡel, asɛ bɔr hel kerker ken.

Amanesoma Luk Aa Chwera Tɔn 8:24

Anee o habɔteŋra la chumu dɛ ŋɔ, “Nomoa, ya serewɔ tonɛ!” Belaa o ir dɛ kɔr peu la ne nehɛma la, asɛ a hel, asɛ bɔr hel kerker ken.

Amanesoma Jɔn Aa Chwera Tɔn 4:6

Dɛ Jekɔb kɔlɔŋ bɛl lɔ bela. Yeesu aa vala dɛ koh la, o kaa so kɔlɔŋ la nyoa. Dɛ wee cheɡɛ nyufala.

Hibru 2:17

Dɛ a chɛ kɛ Yeesu do ɡɛ o nimanar la aa doa ŋwɛnɛ bɛlbwa ta. Gɛɛ ó ɛ dɛ́ won tomɛ Korowii kɛŋɔ ba Sɔfonomoa kasinteŋ ne dɛɛ na ba sum, dɛ́ won dɛɛ soŋe ba wechɔɡa, dɛ́ won dɛɛ kwaa ba ne Korowii baah.

Hibru 4:15

Ya Sɔfonomonjen yaa dɔa la ta nɛn waa wola ya nɛɛ sune ya ɡwɛɡra nɔ ta ɛɛ. Daahna bɛlbwa soo siwi toole Bɔnsam aa wola on daahnɛ kɛŋɔ waa dɛ daah yaa nɔ. Kɛ o cheɡɔ kiŋkiŋ, o ta wechɔɡa ɛɛ.

1 Pita 5:7

Wobɛlbwa aa dɛ ha heyaa la, hé kpɔa bil Korowii sie, dɛkalkɛŋɔ he waa lɔ o bambile ta.