Amanesoma Mak Aa Chwera Tɔn 4:35 - mzwDBL

³⁵ Awola tenten jɔmɔra ne la, Yeesu ŋɔ o habɔteŋra la be ŋɔ bá ɡel ba kaa Galilia Moo la baŋ.

Amanesoma Mak Aa Chwera Tɔn 4:35 ပူးပေါင်းရင်းမြစ်များ

Matiu 14:22

Belaa Yeesu ɡel o habɔteŋra la jo ɡbera bini dɛ tɔ sie kaa moo la baŋ, asɛ o ɡe ɡel nɛra la ɛɛ peɡre.

Matiu 8:18

Yeesu aa na nɛnlaa la aa baro cheme la, o ŋɔ o habɔteŋra la be ŋɔ bá le Galilia Moo baŋ.

Amanesoma Mak Aa Chwera Tɔn 5:21

Yeesu aa jo ɡbera bini dɛ berɛ kaa moo la baŋ le la, nɛnlaa bane baro cheme, o do nee nyoa.

Amanesoma Mak Aa Chwera Tɔn 6:45

Belaa o ɡel o habɔteŋra la jo ɡbera bini dɛ tɔ sie kaa baŋ bobɛl baa dɛ yerɛ bela Bɛtsaeda, asɛ o ɡe ɡel nɛra la peɡre.

Amanesoma Mak Aa Chwera Tɔn 8:13

Asɛ dɛ ɡel Farisii tena la bela dɛ berɛ jo ɡbera bini kaa baŋ bɛl.

Amanesoma Luk Aa Chwera Tɔn 8:22

Awola bɛl, Yeesu ne o habɔteŋra la kaa jo ɡbera bini, asɛ o ŋɔ ba be ŋɔ bá kaa moo baŋ, asɛ ba taɡɛ ɡbera la do.

Amanesoma Luk Aa Chwera Tɔn 8:25

Bɔr aa hela la, o bɔɔ o habɔteŋra la ŋɔ, “Ɛrɛɛ haa wola men yarada nɔɔ?” Ba ɔmɔ, ba bwa bwara hwah, asɛ baa bɔɔ dɔŋa ŋɔ, “Nɛn besoo siwii nɔ, wɛɛ bol waa peu ne nehɛma ɛɛ no o wobol nɔɔ?”

Amanesoma Jɔn Aa Chwera Tɔn 6:1

A habɔɔ la, Yeesu le Galilia Moo baa dɛ yerɔ Tibeerias Moo la.

Amanesoma Jɔn Aa Chwera Tɔn 6:17

asɛ dɛ ba jo ɡbera bini, dɛ berɛ ɡale moo la dɛ fe ɛɛ kaa Kapeeneɔm. Bɔr baa jo dɛ Yeesu ta ba be balɛ mɔɔ.

Amanesoma Jɔn Aa Chwera Tɔn 6:25

Nɛra la aa tel bela la, ba kaa na Yeesu kɛ waa lɔ moo la baŋ bela, asɛ dɛ bɔɔro ŋɔ, “Nomoa, saŋ besoo he ba bonɔ nɔ?”