Amanesoma Mak Aa Chwera Tɔn 4:34 - mzwDBL

³⁴ Sɛɡla ɡbo nee wɛɛ bol waa ba be. Kɛ o ne o habɔteŋra la ɡbo te, o dɛ baɡ ba a bini.

Amanesoma Mak Aa Chwera Tɔn 4:34 ပူးပေါင်းရင်းမြစ်များ

Matiu 13:34

Waa nɔ bwa Yeesu aa bola dɛɛ baɡle nɛnlaa la bwa la, dɛ sɛɡla nee wɛɛ bol. Webeŋkpoŋ ɡba toole o wobol ta waa wola sɛɡla kpɔe bol.

Amanesoma Mak Aa Chwera Tɔn 4:10

Aa ka Yeesu ne o habɔteŋra la ne nɛra baa dɛ teŋɛ o nɛɛ la, ba bɔɔro sɛɡla la mun.

Amanesoma Mak Aa Chwera Tɔn 4:33

Gɛɛ Yeesu kpɔ sɛɡla nɔ bwa dɔŋa dɛ bol waa ka tel kɛ nɛra la aa wona no a mun.

Amanesoma Luk Aa Chwera Tɔn 24:27

Asɛ Yeesu baɡ ba o bwara waa aa lɔ Korowii Tɔn la bwa bini. O pa mun le anɔ la aa lɔ Mosis Tɔne la bini dɛ baɡle kaa anɔ la aa lɔ Korowii keamere kwaa la ta.

Amanesoma Jɔn Aa Chwera Tɔn 10:6

Sɛɡlaa o kpɔ dɛ baɡ ba ɡɛ waa nɔ, kɛ ba ta a mun noɛ.

Amanesoma Jɔn Aa Chwera Tɔn 16:25

Anɔ maa bola baɡle heyaa nɔ ɛ sɛɡla, kɛ tɔpere bɛl dɛ ba bala maa wola heyaa sɛɡle kpa. Mɛɛ bol n Mɛɛ la waa he bee dɛ́ pili a bini chasee ken.

We-ɛɛla 28:23

Ba tɛo tɔpere baa kpɔ ba no o nyoa wobol. Tɔpere la aa tela la, ba ba o be pirim o dea bela. Pɔɔl le chɔɔ dɛ baɡ ba Korowii Kora waa ka tel jwaana. O bol Yeesu wa, dɛ lii ba waa Mosis ne Korowii keamere faa chwera Korowii Tɔn bini la bwa, dɛ fe ɛɛ nyin kɛ ba sɛh ŋɔ Yeesu waa ba faa chwerɛ la.