Amanesoma Mak Aa Chwera Tɔn 4:32 - mzwDBL

³² Kɛ o baa le dɛ kpeɡ aa, o kan ɡwaa konduula bwa, dɛ peɡri kpaljena, asɛ jumbii sɔh kɔne do o papooni lɔɡre.”

Amanesoma Mak Aa Chwera Tɔn 4:32 ပူးပေါင်းရင်းမြစ်များ

Yela 104:12

Jumbii sɔh a kɔne, daa aa cheɡɛ neerare la nyoo ta dɛɛ si.

Yela 91:1

Nomɛlbwa waa chwa ka so Nemenɛ Korowii lɔɡa o kpɔ nɔn tɔ o nɛ, nomɛlbwa waa ka do On Waa Ɛ Kpeɡri Bwa Dɔɔ lɔɡa la,

Sɛɡla 4:18

Nɛra ba wa aa toɡra waa do kɛŋɔ, bɔr aa chaahna chɔmbibii ka tel kɛŋɔ wee aa baŋa.

Yelsom 2:3

Gɛ apol daa aa lɔ kɔr bini, dɛɛ nɔnɛ nɔndɛɛɡa la, ɡɛɛ baa maa dɛ nyinu do wer bonɔɔna bini. N sie lɛo kɛ ń so o chunchule lɔɡa, o nɔna som n nyoa bini.

Aesaya 11:9

Nɛra aa ba dɔŋaa kpo kɛɛ dɛ chɔɡ komɛlbwa kpa, Korowii Bwejen waa do ɡoroŋ la ta. Nɛra ɛɛ jemɛ Korowii harɛ la bwa taa, kɛŋɔ mpo aa yɛɛra la ken.

Aesaya 32:2

Ba bɛlbwa ɛɛ doo kɛŋɔ bɔr dɛ peu dɛ ta aa, he chwa ka jo, dɛ́ berɛ do kɛ bɔr dɛ bwaala peu dɛ ba naa, he chwa ka sɔh. Ásɛ pua hɛŋle ɡbo harɛ ta ɡe neerare aa chɔ o ta, do kɛŋɔ bwetal waa dɔ chunchule, dɛ che bela daa a wola toole.

Wiile 4:20

Ba lawɛ kooro Korowii aa leo tɛ yaa. Ya liiro kɛŋɔ o nɛɛ yá che dɛ́ dɔ mkpa. Onee ya yarada kɛŋɔ wɛɛ lɛ yaa le nomɛlbwa waa ba lɔ tɔ ya nɛɛ la be.

Ɛsekeɛl 17:23

Israel bwejen doaa mɛɛ ba o chɔɔra. Wɛɛ ta kpalaa, dɛ́ do wer dɛ́ nɔnɛ. Jumbii bwa soo siwi ba sɔh a kɔne bela, dɛ́ so o chunchule ta.

Matiu 13:32

Kwaa bie baa dɛ du bwa bini onjeɡaa. Kɛ dɛ o leɔ dɛ kpeɡ aa, o dɛ ɡwaa konduula bwa, dɛ́ yon kpeɡ dajen, ásɛ jumbii ɡba ba sɔh a kɔne o kpala ta.”

Amanesoma Mak Aa Chwera Tɔn 4:31

O waa tamaa won yɛɛra kɛŋɔ baa bɛl aa ira, dɛ kpɔ mastad bii dɛ ka du. O do jeɡaa ken ɡwaa harɛ nɔ ta kwaa bwa bie.

Amanesoma Mak Aa Chwera Tɔn 4:33

Gɛɛ Yeesu kpɔ sɛɡla nɔ bwa dɔŋa dɛ bol waa ka tel kɛ nɛra la aa wona no a mun.