Amanesoma Mak Aa Chwera Tɔn 4:28 - mzwDBL

²⁸ Harɛ laanee ɡela a le dɛ kpeɡ dɛ nɔnɛ.

Amanesoma Mak Aa Chwera Tɔn 4:28 ပူးပေါင်းရင်းမြစ်များ

Mumpar 2:9

O ɡelɔ daa bwa soo siwi le bela dɛ do wer siwi ta a nɔna dɔ pɛla kɛŋɔ nɛn di. Daa anɛ ane cheɡɛ konduula la baah ta. Bɛl dɛ tɛ mkpa, bɛl ɡe ɡel nɛn ɛɛ jemɛ wedɛɛɡa ne anchɔɡa.

Yela 1:3

Ba do kɛŋɔ daa baa duu bela waa sɔna, saŋ bɛlbwa o dɛ nɔnɛ o saŋ ta, o papooni ɡe aa chure bwa. A ɡɛ nɛra la wobɛlbwa baa ɛ dɛ́ do wer.

Sɛɡla 4:18

Nɛra ba wa aa toɡra waa do kɛŋɔ, bɔr aa chaahna chɔmbibii ka tel kɛŋɔ wee aa baŋa.

Wejereme 3:1

Komɛlbwa dɔ o saŋ Korowii aa lea cheɡ, asɛ wobɛlbwa ɡe dɔ o tɔpere harɛ nɔ ta.

Wejereme 3:11

O ɡelɔ komɛlbwa do wer o saŋ ta. O ɡelɔ ya jemɛ ya liire bini waa aa lole saŋ la, ne anɔ la aa chiɡ kerekere saŋ bɛlbwa dɛɛ la, kɛ yaa won no waa bwa Korowii aa ɛa le mumpar kaa a jaɡa mun.

Aesaya 61:11

Gɛ konduuli yon pere harɛ dɛ le, dɛ kpeɡ la, ɡɛɛ Nemenɛ Korowii ɛɛ ba o nɛra lɛɛ, ásɛ harɛre nɛra bwa kpɛɛro.

Hosia 6:3

Hé ɡel ya takapɔ dɛ́ jemɛ Korowii, ya do sie dɛɛ yaradao. Wɛɛ ba ya bee kɛŋɔ chɔɔlen wee ken. Wɛɛ bao kɛ bwaala, kɛŋɔ yoo saŋ bwaala aa wola vɛh la.”

Matiu 13:26

Kwaa la bwa aa lea dɛ kpeɡ la, a bie ɛɛ taa ba che jemɛ kɛ kpɔɡchɔɡa koo mea la ta.

Amanesoma Mak Aa Chwera Tɔn 4:27

asɛ dɛ chɔ, dɛɛ ir tɔpere bɛlbwa, asɛ kwaa la le. O ta jemɛ ɡɛ aa ɛa a le.

Amanesoma Mak Aa Chwera Tɔn 4:29

Belaa kwaa la aa ɛa dɛ be la, o kpɔ kere ka koma, dɛkalkɛŋɔ dɛ a koma telo.”

Felepae 1:6

N dɔ hwɛɡa kɛŋɔ ɡɛ Korowii aa pa mun dɛɛ ɛ o tondɛɛɡa he bambile bini la, wɛɛ ja a taa ka tel awola Yeesu Kristo aa ba la.

Kolosi 1:10

dɛ́ won do ɡɛ aa chɛ kɛ ya Dɔɔ torome do, he wobɛlbwa won su o siwi, he won dɛ́ɛ ɛ wedɛɛɡa bwa soo siwi, dɛ́ won jemɛ Korowii kohona,