Amanesoma Mak Aa Chwera Tɔn 4:19 - mzwDBL

¹⁹ dɛkalkɛ ba no Korowii Waa la, kɛ dɛ ba soɡa bini ne kondɔɔh waa ne wepuu aa lɔ harɛ nɔ ta beɡre ba sie, baa ɡelɛ Waa la ɛɛ dɔ tɔnɔ.

Amanesoma Mak Aa Chwera Tɔn 4:19 ပူးပေါင်းရင်းမြစ်များ

Sɛɡla 23:4

Bɛ kondɔɔh waa koh dɛ́ chɔɡ he te, ɡel a ɡɛ liire la, dɛ́ jemɛ he te lawa.

Sɛɡla 23:5

Kondɔɔh won hee kelo kɛŋɔ komɛl yon ɡale he sie ta la, a won ɛɛ kɛŋɔ kee kena yon moɡɛ ó ir kaa la.

Wejereme 4:8

Dɛ baa bɛl ɡboo soɡa, o ta bibaa kɛɛ nime dɔe. Dɛ tɔpere bɛlbwaa wɛɛ koh, kɛ o siwi aa o kondɔɔh su. Ate, o bɔɔ ŋɔ, “Ume waa mɛɛ koh maa wola won lɛ n sie nɔɔ?” Anɔ ɡe ɛ wepuu, bosɔɔhna aa wola toole a ta.

Aesaya 5:2

O buɡli harɛ la, dɛ laa bwea aa lɔ o ta bwa pa mɔɔ dɛ nyin dadɛɛɡa chɔɔ o ta, dɛ chiɡri jɛŋla baa so o ta dɛɛ kpa koo la. O komɛ bwe bɔɔ, bela baa ba tiɡri a nɔna ta a nee le. Name o soɡo dɛɛ hwɛɡɛ kɛŋɔ aa nɔnɛ nɔndɛɛɡaa, kɛ a berɛ nɔnɛ nɔnchɔɡa.

Aesaya 5:4

A fe ta ka waane n fee ɛ daa la ta, asɛ n ta wone ɛ kɛɛ? N fe dɛ nyin kɛ a nɔnɛ nɔndɛɛɡa, aah bɔkwaa bera ɡel a nɔnɛ nɔnchɔɡa nɔɔ?

Matiu 13:22

Mea la aa lee sɔɔhne baah la cheɡɔ tɛ nɛra baa no waa nɔ, asɛ harɛ nɔ soɡa liire ne harɛ nɔ kondɔɔh waa beɡre ba sie, ba ta ɡelɛ waa la dɔ tɔnɔ.

Matiu 19:23

Anee Yeesu ŋɔ o habɔteŋra la be ŋɔ, “Kasinteŋ, n dɛ ŋɔ he be, aa do kpeɡrii tɛ dɔɔh kɛ ó dɔ bɔr ja Korowii Kora la ta.

Matiu 3:10

He do kɛŋɔ daa. Daa bɛlbwa waa wola nɔndɛɛɡa nɔnɛ la, baa teŋoo ta dɛ́ fuuh. Gɛɛ Korowii ɡe ɡɔɔ o kpanfɛ nɛra baa wola ba liire charɛ la nɛɛ dɛɛ ba ba teŋna ta, dɛ́ kpɔ ba do nii ta bá fuh.

Amanesoma Mak Aa Chwera Tɔn 4:18

Asɛ nɛra baa dɛ no Waa la bane ɡe do kɛ mea la aa lee sɔɔhne baah la,

Amanesoma Luk Aa Chwera Tɔn 10:41

Anee Yeesu chaŋo ŋɔ, “Ei, Maata! Wedamanta beɡre he sie, a lɛ he liire bwa. Kɛ webeŋkpoŋ ɡee hiaah.

Amanesoma Luk Aa Chwera Tɔn 21:34

Hé nyiŋi he te kɛrɛdɛ! He bɛ ɡel bodia kondikwaa dii ne sen nyɔe ne he weliira ɡwaa he nɛ, ásɛ tɔpere la bɛ heyaa ba piɡri kɛŋɔ nɛn yon ɡbarɛ bel la,

Amanesoma Jɔn Aa Chwera Tɔn 15:2

N kpale bɛlbwa waa wola nɔnɛ la, o teŋo dɛɛ ta, kɛ n kpale waa won nɔna la te, o dɛ kuu o nyoo ó won nɔnɛ kɛrɛdɛ.

Tɔn Pɔɔl Aa Chwerɛ Rom Tena 12:2

He bɛ nɛra baa dɔ harɛ nɔ ta liire la da kpɔ. Hé ɡel Korowii tɛ heyaa liifala, dɛ́ berɛ heyaa ásɛ he won jemɛ waa waa dɛ nyin, dɛ́ jemɛ waa aa wera o be dɛɛ too o tea, ne waa aa toɡra.

Ɛfesos 2:2

He fa dɔ harɛ nɔ ta liire dɛɛ teŋɛ wechɔɡa ta, dɛɛ teŋɛ konchɔɡa bwa yaa wola an na la dɔɔ la nɛ. O tentenee dɛɛ ɛ toma deŋnekpeɡ tena bambili bini.

Ɛfesos 6:12

dɛkalkɛŋɔ nɛn laa ya ne wɛɛ yo. Ya ne konchɔɡa aa bea yaa wola an na a dɔ kpeɡri harɛ nɔ ta nɛra baa wola Korowii tomɛ dɛ do biro ta la nɛ, ne konchɔɡa bwa soo siwi aa wara kohona laanee dɛɛ yo la.

Felepae 4:6

He bɛ ɡel wobɛlbwa ha heya, kɛ hé kpɔ wobɛlbwa dɛɛ do Korowii nɔn ta dɛɛ soŋo waa aa hiah heya, dɛ́ɛ jaamo kɛ waa dɛ no he wesoŋa.

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

2 Timoti 4:10

dɛkalkɛ Demas koh harɛ nɔ ta silɛɛ waa dɛ chwa mɛ. O chwao kaa Tesalonika. Krɛsɛns kaa Galaasia harɛ ta, asɛ Taetos ɡe kaa Dalmatia harɛ ta.

2 Pita 1:8

Da waa wera tɛ heyaa la. He wono dɔ a ɡɛ da nɔ kɛrɛdɛ naa, aa ɡeloo jema haa jemɛ ya Dɔɔ Yeesu Kristo la dɔ tɔnɔ dɛ́ su siwi.

Tɔn Jud Aa Chwera 1:12

He yon cheme dɛ pɛ dɛɛ di kondikwaa aa dɛ baɡle beŋkpoŋri ɛɛ haa dɔa he Dɔɔ tom nɔ ta la, a ɡɛ nɛra la lɔ he baah kɛŋɔ doŋa dɛɛ chɔɡ he wer. Ba ta sihiih dɔe. Ba ɡbo waa baa dawɛ, baa nɛra waa dawɛ. Ba waa ta hwɛɡa dɔe kɛŋɔ baama peu aa dɛ kaa a ne aa wola bwaala nee ne ba la. Ba do kɛŋɔ daa aa wola won a nɔna saŋ nɔnɛ, asɛ ba chuɡra ta a den serewe kwaraa la.