Amanesoma Mak Aa Chwera Tɔn 4:17 - mzwDBL

¹⁷ Kɛ Waa la aa wola ban jooɡɛ la ɡelɔ aa won ba nyu bini ka. A cheɡɛ Korowii Waa ta waane puu ba aa, dɛ ba horɔ.

Amanesoma Mak Aa Chwera Tɔn 4:17 ပူးပေါင်းရင်းမြစ်များ

Job Tɔn 19:28

Dɛ he ŋɔ, ‘Ŋwɛnɛ besoo taa yaa ba wona ɡel o bwara nyɛɡo wɔ?’ Hé dɛ nyin ŋwɛnɛ haa kpɔ o ta dɛ́ ha mɛ.

Matiu 11:6

Nomɛlbwa haa wola men tɔŋle la, he na som.”

Matiu 12:31

Anomanta, n dɛ ŋɔ he be kɛ Korowii ɛɛ wonoo kpɔ wechɔɡa bɛlbwa ne wobochɔɡa bɛlbwa kɛ nɛn. Kɛ nomɛlbwa waa bol Korowii Domadɛɛɡe la te nɛnhɛlwobol la, waa kpɔ kɛo bwa.

Matiu 13:21

Kɛ waa la aa wola ban jooɡe la ɡelɔ aa won ba nyu bini ka. A cheɡɛ Korowii waa ta waane puu ba, asɛ nɛra ɡe ɛɛ ba hɔhɔrɔwa aa, dɛ ba horɔ.

Amanesoma Mak Aa Chwera Tɔn 4:16

Nɛra baa dɛ no Waa la bane ɡe do kɛ mea la aa lee bwetala ta bela teera aa wola toole kohona kɛŋɔ a lune won kaa bini la, dɛkalkɛ ba baa no Korowii Waa la, dɛ ba sie lɛo.

Amanesoma Mak Aa Chwera Tɔn 4:18

Asɛ nɛra baa dɛ no Waa la bane ɡe do kɛ mea la aa lee sɔɔhne baah la,

Amanesoma Luk Aa Chwera Tɔn 12:10

Nomɛlbwa waa bol waa yaɡɛ Men Nɛn Bie la, Korowii ɛɛ kpɔɔ kɛo, kɛ naate waa ɛ Korowii Domadɛɛɡe la nɛnhɛla la te, Korowii aa o wechɔɡaa kpɔ kɛo.

Amanesoma Jɔn Aa Chwera Tɔn 8:31

Asɛ o ŋɔ Juu tena baa yaradao la be ŋɔ, “Dɛ he ɡelɔ n waa maa baɡle heyaa la do he bambile bini hɛɛ teŋɛ a ta te naa, dɛ he ɛ n habɔteŋra kpela,

Galaasia 6:12

Nɛra baa dɛ do heyaa ŋɔ hé teŋni he pena la, nɛra sie ta waa baa ɛ ɡɛ. Ba dɛ ɛ ɡɛ ásɛ Juu tena na dɛ bɛ ba yaradae baa yarada Yeesu Kristo daɡaɡre ta sewa waa koh dɛ́ hah ba.

2 Timoti 1:15

He jemɔ kɛ nɛra baa lɔ Eesia harɛ ta bwa chwa mɛ, hale Fejelas ne Hɛmojenes ɡba jao.

2 Timoti 4:10

dɛkalkɛ Demas koh harɛ nɔ ta silɛɛ waa dɛ chwa mɛ. O chwao kaa Tesalonika. Krɛsɛns kaa Galaasia harɛ ta, asɛ Taetos ɡe kaa Dalmatia harɛ ta.

2 Timoti 4:16

Baa yer mɛ cheme ŋɔ ń ba tɔh n nyoa loɡla la, n ta nomɛlbwa dɔe ó ba che n habɔɔ. Nɛra bwa chwa mɛ. Korowii bɛ ɡel a ɛ wechɔɡa ɡure ba nɛ.

Hibru 10:29

Aah dɛ ɛrɛɛ a chɛ kɛ ba ɛ nɛn waa nyiŋi Korowii Bie la dɛɛ vaɔh? Dɛ nɛn nyiŋi fɔo la Korowii aa cheɡɛ o Bie seo ta dɛ fɔwɛ la, dɛ fee o wechɔɡa o nɛɛ la pɛɛ aa, kembɔr besoo chɛ kɛ bá tɛo wɔ? A ɡɛ nɛn la ɛ Korowii Domadɛɛɡe la waa sune o nɛɛ la nɛnhɛla. Korowii ŋɔ ó bɔɔ kem aa, o wenaale aa kanee do aa?

1 Jɔn 2:19

Dɛ bane fa ja ya nɛ, kɛ dɛ ba ta denɛ ɛ ya bini bane, dɛkalkɛ ba chwao. Dɛ ba fe ja ya nɛ aa, ya ne ba fe ta pɛo. Kɛ ba chwao, asɛ a den baɡle kɛŋɔ ba bini bɛlbwa ta ya nɛɛ jae.

Wepila 2:10

He bɛ wahala bɛlbwa haa ba na la ɔmɛ. Hɛ́ɛ no! Bɔnsam ɛɛ ɡeloo bá larawe he bane do dea, dɛ́ daah heyaa na. Hɛɛ na wahalaa kohona tɔpera fi. Dɛ seo bini kwara, he cheɡɛ kiŋkiŋ naa, mɛɛ tɛ heyaa mkpaa o ɛ kompoŋ haa yoa dɛ lɛ ba vɔwɛ heya.

Wepila 2:13

N jemɛ bela haa soɡa. Bɔnsam soŋnibɔree he do la, kɛ dɛ ta che kiŋkiŋ. Hale ɡɛ saŋ ba fa aa kpo Antipas waa ɛ kasinteŋ te dɛ che tɛ mɛ he bwɛjen Bɔnsam soŋnibɔr bela la, he ta tɔeh kɛŋɔ haa men yarada.