Amanesoma Mak Aa Chwera Tɔn 4:12 - mzwDBL

¹² ásɛ a ɛ ɡɛ baa chwera ŋɔ, ‘Baa nyiŋuu kohona, kɛ baa a mun jema ba baa noo kohona, kɛ baa a jema ba, dɛkalkɛ baa ba liire chara ba bwa, ásɛ Korowii kpɔ ba wechɔɡa kɛ ba.’ ”

Amanesoma Mak Aa Chwera Tɔn 4:12 ပူးပေါင်းရင်းမြစ်များ

Aesaya 43:8

Korowii ŋɔ, “Hé kpɔ nɛra baa dɔ sibie kɛ baa wola na, ne nɛra baa dɔ deŋna kɛ baa wola waa no la ba.

Aesaya 44:18

Nɛra baa dɛ tomɛ voɡa la ɡɛnɔ kohona, baa wobɛlbwa ɡe mun no. Ba sibie tɔɔɡɔ, baa na, ba ta liire ɡe dɔe dɛ́ no waa mun.

Jeremia 36:3

Dɛ Juda tena no wekpeɡa maa dɛ nyin n kpɔ ba ta ba nɛɛ nɔ naa, ba ken ɛɛ charɛ ba liiree le ba wechɔɡa ta, ásɛ n kpɔ ba nyubinikpeɡ we-ɛɛla ne ba wechɔɡa kɛ ba.”

Jeremia 5:21

‘Hé cheɡ deŋne, ɡɛna haa wola liire bɛlbwa dɔe. He dɔ sibie kɛ haa na, he dɔ deŋna kɛ haa waa no.

Ɛsekeɛl 12:2

“Nɛwɛnyini bie, deŋnekpeɡ tena binii he so la. Ba dɔ sibie kɛ baa na, dɛ dɔ deŋna ɡe kɛ baa waa no, dɛkalkɛ ba ɛ deŋnekpeɡ tena.

Amanesoma Mak Aa Chwera Tɔn 8:18

He dɔ sibie kɛ haa na naa? He dɔ deŋna ɡe kɛ haa waa no aa? Haa waa lii kɛɛ?

Amanesoma Luk Aa Chwera Tɔn 8:10

Anee o ŋɔ ba be ŋɔ, “Korowii ta o Kora bini wobɛlbwa kpɔe sɔh he te. Kɛ nɛra baa kaa la te, sɛɡla nee mɛɛ ba waa ba be bola, ásɛ a ɛ ɡɛ baa chwera ŋɔ, ‘Ba dɔ sibie kɛ baa na, dɛ dɔ deŋna kɛ baa no, baa waa mun jemɛ.’

We-ɛɛla 3:19

Anomanta, hé charɛ he liire le he wechɔɡa ta dɛ́ kpɔ he te tɛ Korowii ásɛ o kpɔ he wechɔɡa kɛ heya, dɛɛ tɛ heyaa bambisɔɔhna, dɛɛ do heyaa ɡbemba.

Mmarare 29:4

Kɛ kpoŋe ba le fini Korowii saa he liire, dɛ tɛ heyaa sibie aa wola kasinteŋ laanee na, ne deŋna aa wola kasinteŋ laanee no.

2 Timoti 2:25

dɛɛ baɡle nɛra o ne ba liire aa wola beŋkpoŋ ɛɛ la waa taa ne. Bɛl lole naa, Korowii ɛɛ na ɡɛ nɛra la sumii, dɛ́ ɡel ba charɛ ba liire, ásɛ ba won jemɛ kasinteŋ waa la,

Hibru 6:6

Anɔ bwa habɔɔ la, ba ɡel Korowii waa ba fa aa dɛ yarada la! A kpeɡri kɛ ba charɛ ba liire dɛ́ le ba wechɔɡa ta dɛ berɛ ba yaradao, dɛkalkɛŋɔ ba kaa ɛ kɛŋɔ baa kwaara kpaa Korowii Bie la dɛɛ pɛl o daɡaɡre ta, dɛ ɡel sihiih kpoo nɛra baah ta. Ba ɛo dawɛ ba nyu ta.