Amanesoma Mak Aa Chwera Tɔn 3:7 - mzwDBL

⁷ Asɛ Yeesu ne o habɔteŋra le kaa Galilia Moo la ta. Belaa nɛnlaa bane baa le Galilia harɛ teŋɛ o nɛ. Nɛra baa le Juda harɛ

Amanesoma Mak Aa Chwera Tɔn 3:7 ပူးပေါင်းရင်းမြစ်များ

Matiu 10:23

Dɛ he la bwɛɛ bɛl ta baa ɛ heyaa hɔhɔrɔwa aa, hé chwa kaa bwɛfale ta. Kasinteŋ, haa won la Israel bwɛɛre nɔ bwa ta ka chiɡ mɔɔ Men Nɛn Bie ba.

Matiu 12:15

Yeesu aa naa kɛ nɛra la dɛ nyinu dɛ́ kpo la, o le bela kaa bofale, dɛ nɛnlaa tenten teŋɛ o nɛ, asɛ o chah ba bini banɔ la ba bwara aa dɛ wee ba la bwa,

Matiu 12:16

dɛ ŋɔ ba bɛ o waa taa baɡle nomɛlbwa.

Matiu 4:25

Dɛ nɛnlaa tenten le Galilia harɛ ne bwɛɛre fi baa dɛ yera Dekapɔles la, ne Jerusalam, ne Juda harɛ, ne Jɔɔdan Moo baŋ bwɛɛre bwa ta, dɛ kpɔ teŋɛ Yeesu nɛ.

Amanesoma Mak Aa Chwera Tɔn 1:39

Anomanta, o valɛ Galilia harɛ bwa dɛɛ bol waa ba cheremi deene bini dɛɛ doŋi kwaa aa dɛ ir nɛra nɛ.

Amanesoma Mak Aa Chwera Tɔn 1:45

Baa la aa lea la, o kpɔ waa la perɛ bobɛlbwa. A ɡelɔ Yeesu ta wone valɛ kɛrɛdɛ ɡɛ waa dɛ nyin kpa. Anomanta, bwɛɛ bɛlbwa waa la o ta la, ɡɛɛ o ka so bwɛɛ la dahara, asɛ nɛra le bobɛlbwa dɛ ba o be.

Amanesoma Mak Aa Chwera Tɔn 3:20

Yeesu aa kaa dem la, nɛnlaa baa cheme o nɛɛ ja, o ne o habɔteŋra la ta bɔr dɔe dɛ́ di kwaa kwara.

Amanesoma Mak Aa Chwera Tɔn 4:1

Yeesu berɔ la Galilia Moo la nyoa dɛ kaa baɡle nɛra wa. Nɛra baa cheɡa baro la warɔ, anomanta, o jo ɡbera bini dɛ ka so nebaah tama, asɛ nɛra la ɡe che baŋ.

Amanesoma Luk Aa Chwera Tɔn 23:5

Dɛ nɛra la nyoa ta kpeɡri, ba bol ane dɛɛ dawɛ Yeesu ŋɔ, “O kpɔ o webaɡla dɛɛ chɔɡ nɛra liire Juu tena harɛ bwa ta taraken. Galilia harɛ taa o pa mun, dɛ kpɔ ba le bonɔ!”

Amanesoma Luk Aa Chwera Tɔn 6:12

Yeesu aa le bela la, o la deŋɡare bɛl ta bela nomɛlbwa aa wola toole, dɛ ka do bela dɛɛ soŋe Korowii jwaana la bwa.

Amanesoma Luk Aa Chwera Tɔn 6:17

Waa le o toroma la tonɛ la, o ne ba le deŋɡare la doa dɛɛ tu harɛ, dɛ ba pu o habɔteŋra la bane, asɛ o ne ba che bobɛl waa chɔ harɛ. Ba warɔ pirim dɛ le Juda harɛ, ne Jerusalam, ne mpo nyoa bwɛjena baa dɛ yera Taaya ne Sidon,

Amanesoma Jɔn Aa Chwera Tɔn 7:41

Bane ŋɔ, “Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa laanee.” Asɛ bane ɡe tɔŋle ŋɔ, “Galilia harɛ taa Kristo la ɛɛ ba lee ba naa?

Amanesoma Jɔn Aa Chwera Tɔn 7:52

Anee ba bɔɔro ŋɔ, “Jamɔ he ɡe le Galilia harɛ kɛɛ? Dɛ he pese Korowii Tɔn la bini dɛ na naa, hɛɛ nao kɛŋɔ Korowii keame aa Galilia harɛ taa le ba bwa.”

We-ɛɛla 17:10

Bɔr aa baa jo la, asɔre tena la kpɔ Pɔɔl ne Silas kaa Bɛrea. Baa la bela la, ba kaa jo bela cheremi dea bini.

We-ɛɛla 17:14

Belaa asɔre tena la ɡel Pɔɔl kaa mpo nyoa buɡ ta, asɛ Silas ne Timoti te so Bɛrea.

Josua 20:7

Asɛ Israel tena la le bwɛjen Kedes waa lɔ Galilia harɛ dɛ do Naftale dea deŋɡarere ta. Dɛ le bwɛjen Sɛkem waa lɔ Efrem dea tena harɛ deŋɡarere ta, dɛ bwɛjen Kiriat Aaba, o do Juda dea tena harɛ deŋɡarere ta.

Josua 21:32

Naftale dea harɛ ta ɡe, bwɛjena baa dɔa laanee Kedes, o ɛ bwɛɛ dɛ nɛn kpo o dɔŋ aa, ó chwa ka so o ta, dɛ́ dɔ o nyu, o lɔ Galilia harɛ ta, ne Hamɔt Dɔr ne Kaatan. A lɔ bwɛjena atoro, ne a kondɛɛra dibɔra.