Amanesoma Mak Aa Chwera Tɔn 3:24 - mzwDBL

²⁴ Dɛ sɛɡ ba ŋɔ, “Dɛ harɛ bɛl ta tena bini pere anɛ asɛ baa yo aa, o dɛ paɡre.

Amanesoma Mak Aa Chwera Tɔn 3:24 ပူးပေါင်းရင်းမြစ်များ

2 Samoɛl 20:1

A balɔ kɛŋɔ Bikri bibaa Seeba lɔ Gelɡal harɛ, o le Bɛnjamen dea. Dɛ o dɔ dichɔɡa o nyu bini. O hoh bɛla dɛ ŋɔ, “Ya ta dibɔr bɛlbwa dɔe Kooro Devid be, yaa Jese bibaa nɛɛ teŋɛ! Israel baa bɛlbwa berɛ kaa dem.”

2 Samoɛl 20:6

Belaa kooro ŋɔ Abisae be ŋɔ, “Seeba nɔ ɛɛ ba waa nee ba ta ya nɛ ɡwaa Absalɔm. Kpɔ he dɔɔ laa tena la dɛ ti ba, o ken ɛɛ ka nyin bwɛjena baa ma danjwɛjena bara la bɛl binii ka sɔh, dɛ́ chwa yaa.”

Ɛsekeɛl 37:22

Mɛɛ lɔ baa pɛ bá ɛ harɛ beŋkpoŋ nɛra, dɛ́ so Israel bwejena dor. Kooro beŋkpoŋ ɛɛ nyiŋi ba nɛ, ásɛ ba bini aa pere dɛ́ ɛ harɛ anɛ nɛra kpa.

Sekaria 11:14

Ate, n berɛ ku daŋɡbanɛɛte maa pa o sɔn ‘Nyopɛo’ la, a baɡle kɛ n chɔɡ beŋkpoŋri waa lɔ Juda harɛ ne Israel harɛ baah la.

Matiu 12:25

Yeesu aa jemɛ waa baa dɛ bol la, anee o ŋɔ, “Dɛ harɛ bɛl ta tena bini pere anɛ ba ɡbo ɛɛ yo aa, harɛ la dɛ paɡre. Asɛ bwɛjen bɛlbwa ɡe o bini aa pere anɛ bampera ne bampera ɛɛ yo la, bwɛɛ la dɛ paɡre. Gɛɛ dɛ waane ba lolanar bane bini asɛ ba pere anɛ ba ɡbo ɛɛ yo aa, lola la aa won ɛ lola.

Amanesoma Mak Aa Chwera Tɔn 3:23

Anee Yeesu yer ba dɛ ŋɔ ba be ŋɔ, “Ɛrɛɛ Bɔnsam ɛɛ ba wona doŋi o tenten nɔ?”

Amanesoma Mak Aa Chwera Tɔn 3:25

Dɛ waane ba dem bɛl ta asɛ ba baah pere anɛ ba ɡbo ɛɛ yo aa, dem la aa won che.

Amanesoma Jɔn Aa Chwera Tɔn 17:21

N dɛ soŋe kɛ hé ɛ ba bwa beŋkpoŋ. N Mɛɛ, ɡɛ n ne haa ɛ beŋkpoŋ bɛl aa wola won daɡre o te o dɔŋ nɛɛ la, ɡɛɛ mɛɛ soŋe kɛ ya ne ba won ɛ beŋkpoŋ, ásɛ nɛra baa dɔ harɛ nɔ ta ɡbo liire bwa won yarada kɛŋɔ henee tom mɛ.