Amanesoma Mak Aa Chwera Tɔn 2:26 - mzwDBL

²⁶ O la Korowii Dea dɛ ka di paanoo aa ɛ Korowii kwa, nomɛlbwa fe aa wola ŋwɛnɛ dɔe kɛ ó di la atane kɛ sɔfore la ɡbo, asɛ o di dɛ tɛ o nɛra baa ja o nɛɛ la ɡe ba di.”

Amanesoma Mak Aa Chwera Tɔn 2:26 ပူးပေါင်းရင်းမြစ်များ

2 Samoɛl 15:24

Dɛ sɔfo Sadɔk lɔ bela, asɛ Lewi dea tena bwa baa ja o nɛɛ la che Korowii Ne Nɛwɛnyina Fɔo Daka la. Ba kpɔɔ cheɡ harɛ, asɛ sɔfo Abiata kpoo kwaa ɛ saraha ka tel kɛŋɔ Kooro Devid ne o nɛra la bwa aa le bwɛjen la ta.

2 Samoɛl 15:29

Anomanta, Sadɔk ne Abiata baa ɛ sɔfore berɔ kpɔ Korowii Ne Nɛwɛnyina Fɔo Daka la kaa Jerusalam dɛ ka so bela.

2 Samoɛl 15:35

Sadɔk ne Abiata baa ɛ sɔfore bwa ɛɛ do he be belaa, wobɛlbwa haa no kooro dem bela la, bol ba be.

2 Samoɛl 20:25

Sɛva ɛ kɔɔto karake, asɛ Sadɔk ne Abiata ɛ sɔfore,

2 Samoɛl 8:17

asɛ Ahitub bibaala Sadɔk ne Abiata bibaala Ahemɛlɛk ɡe ɛ sɔfore, asɛ Seraya ɡe ɛ ba karake waa chwerɛ waa dɛɛ do tɔne bini.

1 Koranar 1:7

Adonija ne Joab waa ɛ Seruya bibaa, dɛ Abiata waa ɛ sɔfo la ɛ nyoa beŋkpoŋ asɛ ba teŋɛ o nɛɛ dɛ chao.

1 Koranar 2:22

Anee Kooro Solomɔn chaŋe o nya ŋɔ, “Ɛrɛ waa hɛɛ soŋe Abisaɡ Sunem te nɔ dɛɛ tɛ Adonija ó mo nɔɔ? Den bol kora la waa ɡe tɛo, on ɡee n dɔɔ. Bol tɛ o ne sɔfo Abiata ne Seruya bibaa Joab, dɛkalkɛ ba bwa teŋɛ o nɛ.”

1 Koranar 4:4

Jehoiada bibaa Bɛnaya ɛ laa sitɔɔ, Sadɔk ne Abiata ɛ sɔfore,

1 Webena 24:6

Nɛtanɛl bibaa Sɛmaya waa ɛ Lewi dea te, onee chwerɛ ba sɔna Kooro Devid ne o nomonome bwa sie. Sadɔk waa ɛ sɔfo ne Abiata bibaa Ahemɛlɛk, ne sɔfore dea ne Lewi dea nomonnyuune ɡe jao, ba chwerɛ sɔna la. Ba le dea beŋkpoŋ le Eliasa naanar bini, dɛ le bɛl le Itama naanar ɡe bini.

Matiu 12:4

O jo Korowii Dea dɛ kpɔ paanoo aa ɛ Korowii kwa, o ne o nɛra di. Mmara fe aa ŋwɛnɛ tɛ kɛ bá fee di ɡɛ paanoo la, sɔfore ɡboo fe dɔ ŋwɛnɛ kɛ bá dia.

Amanesoma Mak Aa Chwera Tɔn 2:25

Belaa Yeesu ŋɔ, “He ta ɡɛ ya naa Devid aa ɛa saŋ la Abiata aa ɛ Sɔfonomoa la kure kɛɛ? Gɛ saŋ la Devid nyao, asɛ lɔr ɛɛ kpo o ne nɛra baa ja o nɛɛ la.

1 Samoɛl 21:1

Devid la sɔfo Ahemɛlɛk be Nɔb. Sɔfo Ahemɛlɛk aa nao la, o leɔ ba chemo, dɛ o bwara dɛ sa, asɛ Ahemɛlɛk bɔɔro ŋɔ, “Ɛrɛɛ he ɡbo ɛɛ valɛ nɔɔ? Bɔkwa waa nomɛlbwa ta he nɛɛ jae yɔ?”

1 Samoɛl 23:6

Dɛ Abiata waa ɛ sɔfo Ahemɛlɛk bibaala la kpɔ sɔfo batakaarebora efɔd la kpoŋe ɡɛ saŋ waa chwaa ba Devid be Keila la.

1 Samoɛl 23:9

Devid aa naa kɛŋɔ Kooro Sɔɔl dɛ vɔrɔwe o kpoe waa la, o ŋɔ sɔfo Abiata be ŋɔ, “Kpɔ sɔfo batakaarebora efɔd la ba tɛ mɛ, ásɛ ya bɔɔ le Korowii be ɡɛ yaa ɛ.”