Amanesoma Mak Aa Chwera Tɔn 2:22 - mzwDBL

²² Baa senfala kpɔe dɛɛ do loŋbena aa kɔɔhna bini dɛɛ tɔ a nyoa. Dɛ he ɛ ɡɛ naa, senfala la baa peraa, aa do kpeɡrii dɛ́ pere loŋa la á chɔɡ, ásɛ sen la fuɡe. Senfala chɛ loŋfala.”

Amanesoma Mak Aa Chwera Tɔn 2:22 ပူးပေါင်းရင်းမြစ်များ

Job Tɔn 32:19

Waa su n bini kɛŋɔ loŋ baa do sen o bini dɛ tɔ o nyoa, mɛɛ peroo kɛŋɔ loŋfale, baa do senfala o bini wɛɛ ba pera.

Yela 119:80

Gel n bambile lawɛ he waa la, mɛɛ teŋɛ a ta kɛrɛdɛ, ásɛ sihiih bɛ men kpo.

Yela 119:83

N do kɛ yakwajɛɡla, baa wola men kpɔe dɛɛ ɛ wobɛlbwa ken, kɛ n ta he Mmarare la soɛh.

Matiu 9:17

Gɛɛ baa wola senfala kpɔe dɛɛ do loŋbena aa kɔɔhna bini dɛɛ tɔ a nyoa. Gɛ laa, dɛ sen la baa peraa, aa do kpeɡrii dɛ́ pere loŋa la á chɔɡ, ásɛ sen la fuɡe. Loŋfale binii baa do senfala, ásɛ a bwa won do wer.”

Amanesoma Mak Aa Chwera Tɔn 2:21

Baa yafale yakwara kpɔe dɛɛ tɔ yabene bɔɔ. A ba ɡɛ naa, onfale la ɛɛ kɛɛroo le yabene la ta, ásɛ bɔɔ la berɛ do kan kohona.

Amanesoma Mak Aa Chwera Tɔn 2:23

Awola Ona Tɔpere bɛl, Yeesu ne o habɔteŋra kpɔ mea koo bɛl ta, asɛ o habɔteŋra la kuuɡi mea la ane.

Josua 9:13

Ola tɔne yaa do sen a bini nɔ, dɛ anfalaa, kɛ hé nyiŋi na ɡɛ aa doa taraken, a bwa kɛɛrɔ. Ya laala ne naŋɡaware yaa doa bwa kɛɛrɔ, jaŋne ŋwɛnɛ la aa doa nomanta.”

Josua 9:4

ba kpɔ neɡra ŋwɛnɛ ta dɛ dɔ ba nyu. Ba nyin bɔɡtɔ bena do kondikwa, dɛ kpɔ ola tɔmbena dɛ nyarɛ loŋa baa kpɔ sen do a ta dɛ vɔrɔwe choɡ keeɡore.