Amanesoma Mak Aa Chwera Tɔn 2:20 - mzwDBL

²⁰ Kɛ tɔpere bɛl ɛɛ bao kɛŋɔ baa lawɛ hanfale jaa laanee le ba bini. Gɛ saŋ la te, baa vɔwɛ nyoaa.

Amanesoma Mak Aa Chwera Tɔn 2:20 ပူးပေါင်းရင်းမြစ်များ

Yela 45:11

He wer ɡelɔ kooro bambile do he nɛ, dɛɛ duuru, dɛkalkɛ he dɔɔree on.

Yelsom 3:11

Jerusalam haahna, hé le ba, dɛ́ ba na Kooro Solomɔn kooɡbɛrɛ o nya aa kpɔa piu, awola o sie aa lɛa kohona wɛɛ ɛ o hanfalwaa la.

Aesaya 54:5

Naate waa tae laanee dɛ́ do kɛ he jaa, o sɔne Nemenɛ Korowii. Israel Nɛŋɡoroŋ laanee he Lɛɛ, onee harɛ nɔ bwa Dɔɔ.

Aesaya 62:5

Gɛ bonɔmbii yon nyin bitolo waa wola baa jemɛ dɛ lawɔ hanfale la, ɡɛɛ Korowii waa tae ɛɛ ba he jaa ɛɛ. Gɛɛ Korowii sie ɛɛ ba he nɛɛ lɛɛ, kɛŋɔ baa sie yon lɛ o hanfale nɛɛ la.

Sekaria 13:7

Koranar Bwa Kooro ŋɔ, “Mɛɛ ir n keree dɛ́ kpo n peteɡre waa dɛ tom mɛ la. Kpo peteɡre la ásɛ peera la lɔ peɡre ń dɔ bɔr kpoo a bii la.”

Matiu 26:31

Yeesu ŋɔ ba be ŋɔ, “Jwaana nɔ ne he bwa ɛɛ chwao kaa ɡel mɛ, ɡɛ baa chwera Korowii Tɔn bini ŋɔ, ‘Korowii ɛɛ kpo peteɡre laanee, ásɛ peera la bwa lɔ peɡre’ la.

Matiu 9:15

Anee Yeesu sɛɡ ba ŋɔ, “Baa aa lawɛ hanfale dɛ yerɛ o daamanar ŋɔ bá ba lɛ ba sie nɔ, baa berɔɔ so lɔr aa? Baa lɔree so. Kɛ tɔpere bɛl ɛɛ bao kɛŋɔ baa lawɛ hanfale jaa laanee le ba bini. Gɛ saŋ la te, baa vɔwɛ nyoaa.

Amanesoma Mak Aa Chwera Tɔn 2:19

Anee Yeesu sɛɡ ba dɛ ŋɔ, “Baa aa lawɛ hanfale dɛ yerɛ o daamanar ŋɔ bá ba lɛ ba sie nɔ, baa berɔɔ so lɔr aa? Baa lɔree so.

Amanesoma Mak Aa Chwera Tɔn 2:21

Baa yafale yakwara kpɔe dɛɛ tɔ yabene bɔɔ. A ba ɡɛ naa, onfale la ɛɛ kɛɛroo le yabene la ta, ásɛ bɔɔ la berɛ do kan kohona.

Amanesoma Luk Aa Chwera Tɔn 17:22

Asɛ Yeesu ŋɔ o habɔteŋra la be ŋɔ, “Aa ba tel saŋ bɛlee ásɛ hɛɛ nyin dɛ fe dɔ Men Nɛn Bie la kɛŋɔ n ne haa soɡa tɔpebeŋkpoŋ ɡbo ɡba, kɛ haa ɡɛɛ dɔ.

Amanesoma Luk Aa Chwera Tɔn 5:35

Kɛ tɔpere bɛl ɛɛ bao kɛŋɔ baa lawɛ hanfale jaa laanee le ba bini. Gɛ saŋ la te, baa vɔwɛ nyoaa.”

Amanesoma Jɔn Aa Chwera Tɔn 12:8

He ne nyaara ɛɛ do lee saŋ bɛlbwa. Kɛ n te, maa he bee so ka tonɛ.”

Amanesoma Jɔn Aa Chwera Tɔn 13:33

N bii, maa he be bonɔɔ biɡri bɛlbwa. Hɛɛ baa nyin n bɔree. Gɛ maa bol Juu tena nomonome be laanee mɛɛ bol he be la. Anee kɛŋɔ haa won ba bela maa dɛ kaa la.

Amanesoma Jɔn Aa Chwera Tɔn 16:28

O bee n le dɛ ba harɛ nɔ ta, taraken n berɔ dɛɛ le bonɔ dɛ kaa o be.”

Amanesoma Jɔn Aa Chwera Tɔn 16:7

Kasinteŋii mɛɛ bol he be la, a wer tɛ heyaa kɛ ń kaa. Dɛ n ta kaalaa, Habɔchekpaa la aa he bee ba. Kɛ dɛ n baa kaalaa, mɛɛ tomɔɔ ó ba he be.

Amanesoma Jɔn Aa Chwera Tɔn 17:11

N dɛ ba he be bela. Maa harɛ nɔ taa biɡri, kɛ ba te ɛɛ ka harɛ nɔ taa. Anomanta, n Mɛdɛɛɡe, kpɔ sɔn haa tɛ mɛ la kpeɡri tɔ ba nɛɛ kɛrɛdɛ ásɛ ba ɛ beŋkpoŋ ɡɛ n ne haa ɛ beŋkpoŋ la.

Amanesoma Jɔn Aa Chwera Tɔn 17:13

Taraken n berɔ dɛɛ ba he be bela, kɛ n taa lɔ harɛ ta nɔ, n dɛ bol waa nɔ ásɛ ba won dɔ silɛɛ maa dɔa la kɛrɛdɛ ka tonɛ.

Amanesoma Jɔn Aa Chwera Tɔn 3:29

Hanfale jaaree dɔ o haah. Kɛ, dɛ hanfale jaa la dam lɔ hanfale la waa bɔr dɛ no o nyoa bela aa, dɛ o sie lɛo. Gɛɛ n ɡe bwara sɔɔh mɛ kohona.

We-ɛɛla 1:9

Waa bol a ɡɛ waa nɔ tonɛ ba ta che dɛɛ nyiŋu la, dɛ Korowii baa kpɔɔ dɛɛ kaa nyundua, asɛ baama ba tɔ o nɛɛ nyundua bela, ba ta on nae kpa.

We-ɛɛla 14:23

Bwɛɛre nɔ bɛlbwa ta asɔre tena aa lole la, Pɔɔl ne Banabas le ba bini bane ba ɛ ba nomonome. Nyoa vɔwa ne Korowii soŋa nee ba yon kpɔ nomoa la do Korowii baa kpɔ ba yarada bwa do o nɛɛ la nɔn ta.

We-ɛɛla 3:21

A chɛ kɛŋɔ Yeesu do nyundua dɛ́ ka tel tɔɔ la wee Korowii aa ɛ wobɛlbwa kɛrɛdɛ ken, ɡɛ waa ɡela o keamere la baɡle la.

1 Kɔrent 7:5

Anomanta, bɛlbwa bɛ o te kpɔ sɔh o dɔŋ chɔe be pera, atane kɛŋɔ he bwa sɛoh kɛŋɔ he dɛ nyin kɛ hé kpɔ bambibeŋkpoŋ soŋe Korowii tɔpere bɛl tama mɔɔ. Gɛ te wer. Kɛ dɛ he ɛ ɡɛ tonaa, hé berɛ pɛ ja. Dɛ he ta pɛɛ yaa, haa wola won lawɛ he te la, Bɔnsam ɛɛ ɡeloo hé ɛ wechɔɡa.

2 Kɔrent 11:2

He waa dɛ we n bwara kɛŋɔ he wa aa dɛ we Korowii nɛɛ la. He do kɛ haah waa wola baa jemɛ bwa, asɛ n kpɔɔ tɛ baa bɛl yal ken. Yeesu Kristo ɡbaɡbaa a ɡɛ baa nɔ, o ɡboo chɛ kɛ ó ɛ he jaa.

2 Kɔrent 11:27

N ɛ toma dɛ koh kɛrɛdɛ. A kɛrɛdɛ ta, dɛ maa dom chɔ. Lɔr ne nyɔɡre ɡe kpo mɛ kɛrɛdɛ. N vala kɛrɛdɛ ta, dɛ teloɡaa mɛɛ chɔ, dɛ busee mɛɛ chɔ, dɛɛ chɔ waa.

2 Kɔrent 6:5

Ba dɛ lɔɔ yaa, dɛɛ do yaa deene, dɛ lɛ ɡaeh ya nɛɛ dɛɛ ɛ yaa saɡasaɡa. Ya dɛ ɛ tomkpeɡa dɛɛ koh. Tɔpebɛl yaa dom dɔe dɛɛ chɔ. Tɔpebɛl yaa kondikwaa dɔe dɛɛ di.

Wepila 19:7

Hé ɡel ya sie lɛ ya hɛɡre kohona. Yá tɛo sɔn, dɛkalkɛŋɔ Pebie la hanfale lawa telo. O haah ɡe kpɔ o te cheɡ.

Wepila 21:9

Belaa nyundua toroma banuanɛ la ba fa aa kpoŋe loɡa hɔhɔrɔwa bele anuanɛ aa ka mun la aa su a bwa la bɛl ba, dɛ ba ŋɔ n be ŋɔ, “Ba ń baɡle Pebie la hanfale la.”