Amanesoma Mak Aa Chwera Tɔn 2:13 - mzwDBL

¹³ Yeesu berɔ la Galilia Moo la nyoa. Belaa nɛra warɛ dɛ ba o be, asɛ wɛɛ baɡ ba wa.

Amanesoma Mak Aa Chwera Tɔn 2:13 ပူးပေါင်းရင်းမြစ်များ

Matiu 13:1

Awola tenten Yeesu le dem bela dɛ ka so moo nyoa dɛɛ baɡle nɛra wa.

Matiu 9:9

Yeesu aa le bela dɛ valɛ dɛɛ kaa la, o kaa na baa bɛl waa dɛ lɛ toɔ baa yerɔ Matiu, dɛ o soɡe o toma ta dɛɛ lɛ toɔ. Anee Yeesu ŋɔ o be ŋɔ, “Ba teŋɛ n nɛ.” Asɛ Matiu ir dɛ teŋɛ o nɛ.

Amanesoma Mak Aa Chwera Tɔn 1:45

Baa la aa lea la, o kpɔ waa la perɛ bobɛlbwa. A ɡelɔ Yeesu ta wone valɛ kɛrɛdɛ ɡɛ waa dɛ nyin kpa. Anomanta, bwɛɛ bɛlbwa waa la o ta la, ɡɛɛ o ka so bwɛɛ la dahara, asɛ nɛra le bobɛlbwa dɛ ba o be.

Amanesoma Mak Aa Chwera Tɔn 10:1

Asɛ Yeesu le bela dɛ la Juda harɛ ta, dɛ ka le Jɔɔdan Moo la baŋ. Nɛndamanta wur dɛ ba tɔ o nɛɛ ja, asɛ o baɡ ba waa ɡɛ o yon dɛɛ ɛ la.

Amanesoma Mak Aa Chwera Tɔn 2:2

Anomanta, nɛra cheme dem bela kɛrɛdɛ, dɛ bɔr toole doonyoa kwaraa, asɛ Yeesu bol waa baɡ ba.

Amanesoma Mak Aa Chwera Tɔn 4:1

Yeesu berɔ la Galilia Moo la nyoa dɛ kaa baɡle nɛra wa. Nɛra baa cheɡa baro la warɔ, anomanta, o jo ɡbera bini dɛ ka so nebaah tama, asɛ nɛra la ɡe che baŋ.

Amanesoma Luk Aa Chwera Tɔn 19:48

kɛ ba ta ɡɛ baa ɛ dɛ́ dɔɔ nae, dɛkalkɛŋɔ dɛ o wobol dɛ do nɛra bwa som, baa wola won kaa dɛ́ ɡel o wobol, dɛ che dɛɛ no.

Amanesoma Luk Aa Chwera Tɔn 21:38

Asɛ tɔɔ perɔ chɔmbibi aa, o yon fel ba Korowii Dea bela, asɛ nɛra yon la o be dɛ ka no o waa la.