Amanesoma Mak Aa Chwera Tɔn 16:6 - mzwDBL

⁶ O ŋɔ ba be ŋɔ, “He bɛ ɡel he bwara yɔr,” dɛ bɔɔ ba ŋɔ, “Yeesu waa le Nasarɛt baa kpaaro pɛl daɡaɡre ta la lalee hɛɛ nyin nɔ naa? O toole bonɔ kpa. Waa sewa la, o iro. Hé na bela baa huɡo la.

Amanesoma Mak Aa Chwera Tɔn 16:6 ပူးပေါင်းရင်းမြစ်များ

Yela 71:20

A lole kɛŋɔ he ɡelɔ n na wahala kohona te, kɛ hɛɛ berɔ ɡel n dɔ bokpeɡa ja, hɛɛ laɡ mɛɛ le seo nyoa, dɛ́ tɛ mɛ mkpa.

Sɛɡla 8:17

N dɛ nyin nɛra baa dɛ nyin mɛ, nomɛlbwa waa dɛ nyin n bɔr dɛ́ na mɛ.

Matiu 12:40

Gɛ Jona aa di tɔpebire atoro pɛŋejen la tea bini la, ɡɛɛ Men Nɛn Bie la ɡee ba tɔpebire atoro dii lalbɔɔ bini.

Amanesoma Mak Aa Chwera Tɔn 1:24

“Yeesu Nasarɛt te, bɔkwaa hɛɛ nyin ya be nɔ? Ya chɔɡaa he ba kɛɛ? N jemɛ he nɛnsoo. Henee Korowii Biɡoroŋ la waa ŋɔa ŋɔ o dɛ ba bala la.”

Amanesoma Mak Aa Chwera Tɔn 1:27

Gɛ waa nɔ ɛ nɛra la bwa nyokpoa, asɛ ba bol dɔŋa be ŋɔ, “Bɔkwa waa nɔɔ? A ɡe ɛ webaɡlefala kɛɛ? He ta nae kɛŋɔ o dɔ kpeɡri dɛ bol waa kwaa aa dɛ ir nɛra nɛɛ be a no dɛɛ kaa la aa?”

Amanesoma Mak Aa Chwera Tɔn 10:34

Baa di n loroo, dɛ́ tata nentane ta n nɛ, dɛ chacha mɛ chweremi, dɛ́ kpaa mɛ pɛl daɡaɡre ta, dɛ́ kpo mɛ. Kɛ a tɔpetooro wee mɛɛ berɔɔ ir seo ta.”

Amanesoma Mak Aa Chwera Tɔn 14:33

O kpɔ Pita ne Jems ne Jɔn ja o nɛ. Waa dɛ kaa la, dɛ ɔmee ne bambiteŋa lawɔ kohona.

Amanesoma Mak Aa Chwera Tɔn 9:15

Nɛra la aa na Yeesu la, ba bwara yɔrɔ, asɛ ba chwa dɛ ba jaamo.

Amanesoma Luk Aa Chwera Tɔn 24:46

Dɛ berɛ ŋɔ ba be ŋɔ, “Ba chwerɔ ŋɔ Kristo la chɛ kɛŋɔ ó na wahala nɛra nɔn ta bá kpoo, ásɛ o seo habɔɔ tɔpera atoro la, ó ir seo ta,

We-ɛɛla 2:24

Asɛ Korowii lɛo seo nɔn ta dɛ iru seo ta, dɛkalkɛŋɔ seo ta kpeɡri dɔe o nɛɛ dɛ́ lawɔ o bɛ won ir.

We-ɛɛla 4:10

amɔ te hé no, ásɛ Israel tena bwa no, kɛŋɔ Yeesu Kristo waa le Nasarɛt, haa kpoo daɡaɡre ta asɛ Korowii iru seo ta la, o sɔn kpeɡri taa a che baa nɔ waa cheɡa nɔ dɔ bokpeɡa la.