Amanesoma Mak Aa Chwera Tɔn 16:5 - mzwDBL

⁵ Baa jo bɔɔ la bini dɛ bonɔɔ bɛl soɡe diɡ pera, dɛ do wurpoŋ, asɛ ba bwara yɔr.

Amanesoma Mak Aa Chwera Tɔn 16:5 ပူးပေါင်းရင်းမြစ်များ

Daneɛl 10:12

Ate, o ŋɔ n be ŋɔ, “Daneɛl, dɛɛ berɛ ɔma, le awola haa ɛ he liire kɛ he pwɛr he te tɛ Korowii haa dɛ tomɔ, dɛ no waa nɔ mun la taa o no he wa. N balɔ dɛ́ ba chae he wesoŋa la wa.

Daneɛl 8:17

Ate, Gebreɛl ba che bɛne bela maa cheɡa la, asɛ n ɔmɛ kohona dɛ chole kpɔ sie pi harɛ. Anee o ŋɔ n be ŋɔ, “Nɛwɛnyini bie, n dɛ nyin he jemɛ kɛŋɔ wepila nɔ mun dɛ baɡle waa bwa jaɡa saŋ wa.”

Matiu 28:3

Dɛ he nao waa, o dɛ jajare sie kɛŋɔ bwaala aa nyɛɡla ken, asɛ o laala waa doa la ɡe to kpelkpel kɛŋɔ yabii ken.

Amanesoma Mak Aa Chwera Tɔn 1:27

Gɛ waa nɔ ɛ nɛra la bwa nyokpoa, asɛ ba bol dɔŋa be ŋɔ, “Bɔkwa waa nɔɔ? A ɡe ɛ webaɡlefala kɛɛ? He ta nae kɛŋɔ o dɔ kpeɡri dɛ bol waa kwaa aa dɛ ir nɛra nɛɛ be a no dɛɛ kaa la aa?”

Amanesoma Mak Aa Chwera Tɔn 14:33

O kpɔ Pita ne Jems ne Jɔn ja o nɛ. Waa dɛ kaa la, dɛ ɔmee ne bambiteŋa lawɔ kohona.

Amanesoma Mak Aa Chwera Tɔn 16:4

Baa ta sie nyiŋi la, dɛ bwejen la ɡbilo le bɔɔ la nyoa.

Amanesoma Mak Aa Chwera Tɔn 9:15

Nɛra la aa na Yeesu la, ba bwara yɔrɔ, asɛ ba chwa dɛ ba jaamo.

Amanesoma Luk Aa Chwera Tɔn 1:12

Sekaria aa na nyundua torome la la, a ɛo anebɛlbwa, asɛ ɔmee lawɔ.

Amanesoma Jɔn Aa Chwera Tɔn 20:8

Belaa Yeesu habɔteŋre waa tɔ sie tel bela la ɡe berɛ jo lalbɔɔ la bini, dɛ na a bwa. Waa naa la, o den yarada.